بسم الله الرحمن الرحيم
السلام على كل الحلوات
بخش علا طول
من افتح الاسرية استمتع بقراءة العبر و القصص الي فيها لكن يبط كبدي شي واحد
اسماء و القاب لعضوات الله يهديهم كلها حزن و كأبه و تصور الرجل انه هو المنقذ لها و الي ما تقدر تعيش بدونه
بكتب بعض الاسماء من خيالي لانها الي تعبر عن الي ببالي
ما اقدر اعيش من دونك اجل شلون عشتي قبله
ذليت روحي عشانك ومستانسه على الذل
ميتة قهر
باعني
مالك وفا او وفيت وما وفا لي
مضيومه
مالي حظ
الم و جرح يصلح عنوان لمسلسل و الله
تركني وراح
و من هالقبيل غير اسماءالكأبة و الحزن
الرسول صلى الله عليه و سلم علمنا اهمية الاسم
تدرين يا الي مختاره اسم كئيب كلما كتبتيه و سجلتي دخول كلما ترسخ المعنى السلبي بعقلك الباطني
تبين تنسينه و حاطه اسم كله تعلق فيه
تبي تعيش الفرح و اسمها كله ضيم بضيم
تبي الكرامة و حاطة روحها ذليلة لبشر لا راح ولا جا
بفهم الرجال الي ذابحين روحكم عشانه من يكون
اذا زوج هو شريك روحك مو بيده و رزقك مو بيده و سعادتك مو بيده و هناك و عافيتك و كل النعم بيد الله تعالى
و اذا كان شين على شنو الوفا و الاخلاص و العيش على الاطلال على واحد ما يستاهل
الرجل مهما كان زين هو شريك فقط شريك
يعني استقو بالله و عيشو لله تعالى اولا ثم لانفسكم بعدين لغيركم سواء عيال زوج
الرجال يحب القوية المعتده بنفسها
مافي مانع من النعومه و الضعف الرقيق الجميل الانثوي
لكن لاتكونين ضعيفه بالصميم و تحسسن انك ولا شي بدونه
لا انتي شي مهم قبله و معاه و بعده
احنا نعبد الله تعالى مو الزوج
الزوج احد النعم و جزء من الدنيا و الدنيا فانية
بتقبرين بروحك بعد عمر طويل بالعافية و الصالحات
بتنحشرين بروحك بتتحاسبين بروحك بتدخلين الجنه او النار نعوذ بالله منها بروحك
فعيشي لنفسك و اهتمي بنفسك و اختاري القاب و اسماء قوية
اعتدي بنفسك
ترا الثقه بالنفس مالها علاقه بالجمال و لا المال ولا الشكل ولا الدراسة ولا الاصل
هي قرار ينبع من الداخل اسمه انا بشر ربي جعل الملائكة تسجد لابوي ادم
امشي مرفوعة الراس بالله لو فيك كل مشاكل الدنيا
لوك حافية منتفه امشي بثقه
لو زوجك كل يوم يسبك و يقلل من ثقتك بنفسك او امك او ابوك او مدرستك او اختك
خلي كل تعليق سلبي ورا ظهرك و ارفعي الراس انتي مؤمنه بالله واقفه فيه انه يحميك و يصد عنك كل ضرر
واثق الخطى يمشي ملكا قالها الشاعر الكبير احمد شوقي الله يرحمه و يرحمنا
كل مشكله خليها تقويك
لاتنكسرين ولا تخلين نظرتك مكسوره
ابشرك بتسمعين كلام ياما يهبط من همتك ناس بيغثونك
لان تخصصهم غثا فيهم حقد يحسدونك حتى على ثقتك بنفسك
مو الا الكل يعجب بلبسك بكلامك بمكياجك بطبخك بترتيبك بتربيتك بببببب الخ الخ
كرريها دوم و اكتبيها انا كلي ثقه بنفسي و استاهل غصبنا عن الي ما يرضا
الي يرضا يرضا و الي ما يرضا مو مهم يرضا
و اختارو اسماء حلوه لانكم تستحقونها
و استمتعو بالحياة تراها حلوه خضره ومو الا يكون فيه زوج بحياتنا عشان نستانس
ما لقينا من اشباه الرجال الا الغثا خل ينقلعون و يفكونا من وجيهم
حنونه5 @hnonh5
محررة
يا شين الاسماء الي كلها ضعف و ذل و حزن اقوو يا حريم بالله مو بالرجال الي ذابحين روحكم
42
4K
يلزم عليك تسجيل الدخول أولًا لكتابة تعليق.
البندوره الورديه
•
يسعدني اول وحده ترد عليك صح كلامك
الصفحة الأخيرة