Raghad Ahmad

Raghad Ahmad @raghad_ahmad

عضوة نشيطة

طلبات دورة الرسم عالتيشيرت والأكواب

دورات تدريبية

السلام عليكم ورحمة الله وبركاته

أنا كنت حابة اني أقول الطلبات بعد الدرس الأول ولكن حاقول الطلبات اللي انا استخدمها واللي ما قدرت تمشي في الأشياء اللي أنا طلبتها بعد الدرس الأول تختار اللي يناسبها

أولًا يا ريت كل المشتركات يحطو الصورة دي في توقيعهم أنا رسلتلكم رسالة ولكن كمان عشان البنات اللي حيشتركو بعدين وعشان البنات اللي ما وصلتلهم الرساله لأنو الرسائل عندهم كتير




أول شي حنبدأ احنا في الرسم عالتيشيرت بعد ما نخلصو حنبدأ في الرسم عالأكواب

الطلبات للرسم عالتيشيرت هي:
1- تيشيرت قطن ساده أي لون انتي حاباه ماعدا اللون الأسود (تلاقوه في سنتربوينت ماركة splash بـ20 ريال)

2- ألوان قماش ماركة pebeo مكتوب عليها opaque لاحظو اللون الأبيض في الصورة نفس الكتابة دي يعني (غير شفاف)



3- فرشتين الأولى مقاس (0) للتحديد والتانية اي مقاس تبغيه لتعبئة الرسمة

الطلبات للرسم عالأكواب هي:
1- كوب سادة زجاج واللي ما تلاقي كوب قزاز تجيب كوب ورق تمشي حالها فيه
2- أقلام شاربي أنا ما لقيتها في السوق واشتريتها من موقع امازون اللي تلاقيها في السعودية ي ريت تقوللي وهادي صورتها



اللي ما تلاقي الأقلام دي تجيب أقلام الكتابة عالسي دي أو ألوان glass art من جرير اتوقع ب 14 ريال ودي صورة الألوان



26
7K

يلزم عليك تسجيل الدخول أولًا لكتابة تعليق.

تسجيل دخول

7ro0oF al SHo0oG
7ro0oF al SHo0oG
الله يسعدك اببتدي اشتري الاغراض
الله يجزاك خير
كم مده الدوره؟؟
Raghad Ahmad
Raghad Ahmad
الله يسعدك اببتدي اشتري الاغراض الله يجزاك خير كم مده الدوره؟؟
الله يسعدك اببتدي اشتري الاغراض الله يجزاك خير كم مده الدوره؟؟
والله ي قلبي ماادري كم مدتها انا جالسة اجهزلها وباحاول قد مااقدر اني افهمكم كل شي عشان تطلعو بنتيجة ترضيكم
فـــيء
فـــيء
بإذن الله
,’سمسمه/
,’سمسمه/
وعليكم السلام ورحمة الله وبركاآته ,

..
وصلتني رساآلتك وعدلت تووقيعي ^___^
بس التوقيع موو راآضي يطلع , مسستحي :crap:
آآآآمممم , آنا ف قريه وإن شاء الله أدور لي ديره أشتري منها الأغراض
ولو جاآء موعد الدوره وماآشتريتهاآ أكتب لك وأعتذر منك ^__^



..
ربِّ أغفر لي ولوالديّ
اللهم إنك عفو تحب العفو فأعفُ عناآ

..
جـــرح آلبشـــر
أوك إن شاء الله ببدأ أشتريها بس المشكله في شآربي لو حد يعرف فين نلآقيها بجده ؟؟؟