السلام عليكم كيفكم ياحلوات مع هالبرد
اليوم راح أقول لكم طريقة الحنيني الاصلي لأني ناويه (أحنحن أنا وامي الله يحفظها )بس مو الاسبوع هذا الاسبوع الجاي لأني تعبانه <<< طيب وش دخلهم
المهم
نجي للمقادير :
كيلو تمر وممكن تزيدين وتنقصين حسب ذوقك
مقادير عجينة المراهيف:
4 كاسات طحين بر
مقدار من (الماء+لبن) للعجن الماء يختلف على حسب الطحين
شوي هيل
ملح
تعجن مع بعض والمقادير بالنظر تصير العجينه مثل عجينة المرقوق بعدين ترهفينها على الصاج تكون خفيفه ورهيفه حتى تستوي ثم تغمسيها وهي حاره بمويه حاره ثم بحافظه على طول علشان ما تنشف
نجي للحنحنه تجيبي الفرامه حقة اللحم وتحطي كل مرهاف جواته 6 تمرات وتفرمي بالفرامه مع أضافة السمن قبل الفرم داخل الفرامه وبين كل مقدار ومقدار تضيفي السمن حتى عشان ما يلتصق بالفرامه الى أن تنتهي الكميه ثم تفرمين الكميه مرة ثانيه بعدين تسوين له هرس بيدينك مع كميه من السمن (( وتراه يشرب سمن كثيير )) بعدين تكورينه وتفرزنينه وعند الحاجه طلعي كوره وصبي عليها سمن وليمون وحركي على النار ويمييييييييي على الطعم
مع القهوه لا يفوتك
Kokah🌸 @kokah_2
عضوة نشيطة
يلزم عليك تسجيل الدخول أولًا لكتابة تعليق.
الهائمة بالجنة
•
ربي يسعدك ياقمر..
الصفحة الأخيرة