سلام عليكم
كل عام وانتم بخير بمناسبه قدوم شهر رمضان المبارك
شخباركم
اشتقتولي اكييد
ريحة طبخكم واصلتني :42:
موضوعي طوويل وانتم صايمين موب فايقين للهذره الزايده
بس عاد استحملو تعرفوني انا هذرتي زينه وكلها سنع :hahaha:
طولوا بالكم
بنات وحريم
طبعا في فئة كبيره منكم يحسون بفرحة رمضان
لكن برضه يحسون بحرقه وهم وقهر من امر تمنوه يصير وماصار
وكانوا حاطين ببالهم ان مايجي رمضان غير الي ودها تحمل حملت او الي ودها تتزوج تزوجت
ايتها المنتظره العزابيه يلي تستنين عريس الهنا.. والعزوبيه اتعبتك وجابتلك ارتفاع بالضغط من كلام الناس او من قهرك ان احلامك الورديه الفسفوريه لم تتحقق او حسيتي ان الناس ماعندها نظر وانعمت عيونها عن ذرابتك واخلاقك الزينه وماخطبتك لولدهم الي لو اخذك يحمد ربه على ان اهلك رضوا فيه لانك كاملة الاوصاف:27: <<فاهمه مشاعركم جدن جدن :42:
صحيح تحسين باحباط ويمكن ضغط من اهلك او من الناس عامة وتنقهرين من عدة مواقف تحسين نفسك ماتستاهلين تنحطين فيها
لكن انبهك على شغله
احمدي ربك انك بين اهلك هالسنه وبين اكثر ناس يحبونك على الكرة الارضيه
مافي مكان احلى واريح من بيت الاهل على الاقل حاليا <<<عشان ماتنط وحده وتقول لا موب مرتاحه عند اهلي وانتي تتفلسفين علينا وماتدرين عن معاناتنا لهذا قلت حااااليا
تفائلي واستمتعي بمنتجع بيت اهلك وان قلت به الرفاهيه او الدلع لان المستقبل ماتدرين مضمون ولا لا ...يمكن زوجك يطفشك او يلوع تسبدك <<قولي خير
لكن الاهل مهما كثرت اغلاطهم بالتعامل او الاسلوب الي يفقع المرارة لكن اولا واخيرا نيتهم زينه وبامكانك تسطين نفسك وتقولين مرارتي تنفقع من اهلي لحمي ودمي ولا من ولد الناس :angry2:
ادعي ربك يرزقك بالزوج الصالح التقي النقي اللي يفرحك ويهنيك ويقدرك فرمضان فرصه للمقصرات بالدعاء المتذمرات من عدم تحقيق رغباتهن .
واللي ماحملت :
اكيد تمر عليك اوقات يكون الهم على قلبك كبيرمن ناحية انك تشوفين نفسك محرومه او مضغوطه من قبل زوجك او اهل زوجك او كلام الناس الي مافيه ذرابه ولا سنع
ماعليك من هذا كله
على الاقل هالشهر
لا تبخلين على نفسك بالراحه النفسيه والاستمتاع بالاجواء الرمضانيه .
يعني نعاني من ناس يبطون التسبد طول السنه وبالشهر الفضيل مانستانس ولا نستغله بالخير والعباده
ليه ان شاء الله !! :mad:
اعطي نفسك فرصه انك تقوين نفسك بانك تتقربين لربك وثقي تماما ان الله بيعوضك خير
ماتدرين يمكن تاخرك عن الحمل كان لامر فيه خير لك.
تخيلي لو حملتي وحملك ماكان سليم وابتليتي بامر معقد !
احمدي ربك وفكري زين
رمضان جاك هالسنه لازم تستغلينه بالدعوات وعبادتك لربك لازم تكون باخلاص
ان ماكان بهالدنيا رزق وسعاده لك بامور اردتيها (لكن اصبح عندك رصيد عظيم بالاخره وهذا الاهم)
مافي شي يضيع ابدا من عبادتك لربك
قد تحرمين من امور مهمه بحياتك
لكن عبادتك لربك تهون عليك مجاراة هالحرمان بدنيك وتخليك اقوى وواثقه بنفسك اكثر
الحرمان الحقيقي وذهاب الفرص هو للي توفوا وماحضروا رمضان هالسنه
امامك فرص عديده بهذا الشهر
ادركيها
رحمه ومغفره وعتق من النار
وهناك العشره الاواخر
اكثري من الدعاء
يمكن ربك يغير من حالك بسبب دعائك ذيك الليالي
(بانه يبعد عنك امر يضرك ويقرب امر بغيتيه)
استمتعي برمضان والعني ابليس اطرديه طرده نهائيه مامنها رده
وادعي واستغفري وعيشي حيااتك
رزقك جاي جاي
لا تستعجلين وخليك واثقه من نفسك
وكل ما جاك احباط تذكري انه امر الله وربك اعلم بحالك مابيتخلى عنك
اشتري دماغك
(الذكيه الحلوة البطله هي الي تعطي الاحقيه لنفسها بالسعاده وتقدر نفسها زين
اذا انتي ماقدرتي نفسك وماتشبثتي بالسعاده باسنانك محد بيساعدك :16: )
وبس ..
يافرحتي يافرحتي
كتبت هذرتي ومحد يقدر يتهاوش معي منكن يالحريم راعيات المشاكل لانه اول يوم رمضان :S_45:
يلا كملو لف سمبوسه :42:
كانت هنا شاي اخضر ام الهذره السنعه
:cool:
Aشاي اخضر بسكرA @ashay_akhdr_bskra
عضوة مميزة
يلزم عليك تسجيل الدخول أولًا لكتابة تعليق.
ام روووان
•
رفع
من سألني
•
جزاك الله كل خير
ومبروك عليكم الشهر الفضيل وكل عام وانتم الى الله اقرب
وان شاء الله يحقق اماني ودعوات كل عضوات علم حواء ويفرح قلوبهن عاجلا غير اجلا
ومبروك عليكم الشهر الفضيل وكل عام وانتم الى الله اقرب
وان شاء الله يحقق اماني ودعوات كل عضوات علم حواء ويفرح قلوبهن عاجلا غير اجلا
الصفحة الأخيرة