أم لطوووف
أم لطوووف
بعدالتحيةوالسلام احب ادخل معكم في الحملةوالله انكم اذارتبتوني بتكسبون اجري وتتصدقون علي وعلى عيالي المساكين وانااصرف الفلوس مااحس بها واحس انها ضروريات لكن اذاطفرت بديت اندم واكتشف اني صرفتها على اشياء تافهه والحقيقة اني اتحفظ على كلمة مافيها بركة لاني من النوع اللي اقدم عيالي على نفسي واشتري لهم كل مايطلبون حتى الموظفات مايشترون لعيالهم اللي اشتريه يعني والله لااصرفهاعلى موضة ولامظاهرولاعندي خادمة ولاشي ومااروح للسوق الابالمناسبات والاعيادوطلعاتي قليله وعزايمي قليلة لكن ابي حل اومشروع اووظيفة والحصالة حلت 70%من المشاكل المادية وشكرا
جلابيه ماركه
جلابيه ماركه
حلووووووووو
سعوديهـ ذوق
سعوديهـ ذوق
يسسعدكم ربي .. لايوقف الموضوع .. ارفععععععوه لعل وعسى نتحرك ونلتفت ونشوف مستقبلنا ونقدر نوفر ..

هالموضوع يشجعني مرررررررة ..

::::::::::

اختي نيراز .. منتظرتك وربي .. كلامك ياثر فيني مرة ..

لا تبخلين حبيبتي جعل مثواك الجنه ..
ام فهد وخالد
ام فهد وخالد
طبعا نصيحتي لك واحدة انها تبدا بكتابة كل ريال يصرف يوميا في ماذا نهاية الشهر تكون انتهت ثم

تبدا عملية الفرز من ناحية نوعية المصاريف هل:

غذائية ام كماليات ام مدارس ام مستشفيات ام فواتير ام سيارات ام خدم ام نزهة ام اسواق

ستلاحظ كل واحدة اين القسم اللذي اخذ الجانب الاكبر وستنظر الى مادخل منزلها هل تحتاجه ام لا تحتاجه

بعدها ستقل الميزانية نوعا ما.

ثم قاعدة كانني اشتريت :اذا احتجتي شيئا ما استغني عنه فقط 10 ايام مع الوقت تعتادين انك بدونه لم تخسري شيئا

ياخوات الشعب الخليجي شعب مستهلك بالدرجة الاولى ودول شرق اسيا التوفير اكثر من 40 بالمئه حسب احدى الدراسات

حقيقة اقولها :جاورت مختلف الطبقات في مدن كثيرة ووجدت ان القناعة الداخلية هي اهم مكسب يجلب السعادة بل الرضى بالقضاء والقدر

هو لب السعادة وجوهرها.

يتمتع اولاد الاماكن البعيدة بصحة جيدة وذكاء ونشاط بالرغم من انهم لايعرفون ماركات الاكل ولاماركات التنزه والملابس وغيرها

واولاد المدن الكبيرة يصرف اهلها الاموال على ابنائهم وزوجاتهم في مقابل الجحود من الابناء وان ماسويتوا لنا زي فلان وش جاب لعياله

ووين وداهم ومن فين اكلوا وغيره.

اتفقت مع زوجي يعطيني الميزانية بعد 9سنوات وافق حاليا ساجرب هذا الشهر وساكتب لكم التوزيعات باذن الله بعد استلامها.

لدينا مشكلة يالسعوديين خاصة ان المراة لامسكت الفلوس طيرتها وهو الغضنفر بالرغم من ان اغلب الرجال بدون ترتيب للميزانية


ويفلسون قبل الاسبوعين الاخيرة وهذا احنا نستنا الراتب باقي عليه اسبوعين ولاكان راتب زوجي كبير!
سندريللا 2000
سندريللا 2000
انا زوجي قال لي ابسلمك المصروف وانتي تصرفين لكني رفضت لاني عارفة نفسي ما اقدر اسيطر على نفسي من ناحية الصرف

ايضا ما اقدر ارفض لعيالي طلب ..

حاولت اني اتعدل لكن من غير فايدة واتوقع ان السبب اني ماعندي مبادئ في الصرف ..

الله يرضى عليكم كيف اعرف ان اللي اشتريه كمالي ولا ضروري ؟؟؟ والله ماني عارفة..


مثلا بعض الاحيان اتنازل عن شراء بعض الملابس على اساس عندي ملابس وماعندي مانع من تكرارها ..

طيب متى اعرف انه يلزمني اشتري لي ملابس جديدة سواء لي او لابنائي ؟؟

هل اذا اعجبني اشتري ولا فيه قاعدة امشي عليها ؟؟ مثلا تحديد عدد معين من اللبس ؟؟

والترفيه كيف بيكون ؟؟ لان اهلي وصديقاتي يحبون يطلعون استراحات كثييير .. وبعض الاحيان اروح مجاملة وبعض الاحيان يكون انا نفسي بالطلعة

وبعض الاحيان اروح تحت ضغط الابناء وطبعا اذا رحت لابد من قطة ماتقل عن مئة ريال اجار الاستراحة والعشاء واذا فيه مناسبات حفلات النجاح بتكون القطة اكبر ..

طيب فيه حاجة ثانية زوجي يعطيني مصروف للملابس وفسحة الابناء وقت المدارس .. بعض الاحيان اصرف منه على حاجيات لابد منها مثل شراء حليب للرضيع او دفع كشفية الطبيب

او شراء خبز ولبن او حتى طلبية عشاء من المطعم .. ولاني استصغر المبلغ فما اطلب من زوجي يعوضني فما يمر اسبوعين على استلامي للمصروف الا وهو مخلص

لاتضحكون علي والله هذا اللي قاعد يصير معي ...

فانا افكر لو يوجد مبادئ او قاعدة امشي عليها في الصرف كان ارتحت كثير