أخبار حواء:
«    »

                    

إضافة رد
 
أدوات الموضوع انواع عرض الموضوع
قديم 30-03-1428 هـ, 02:12 مساءً   #11
ورود الامارات

عضوة نشيطة
 
الصورة الرمزية ورود الامارات
 
تاريخ التسجيل: 01-07-1425 هـ
المشاركات: 206


وف راس الخيمه اللي يعرف لا يبخل علينا ...........انا اتشاور اخليهم ف ايرلي ليرننج اللي عندها مدارس احسن تخلي اسمائهم


ورود الامارات غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر

قديم 30-03-1428 هـ, 06:57 مساءً   #12
بدون هوية

عضوة فعالة
 
الصورة الرمزية بدون هوية
 
تاريخ التسجيل: 15-02-1425 هـ
المشاركات: 809


ابي مدرسه حلوه خاصه بالنسيم الغربي لاني بروح الرياض عند زوجي دوره بالرياض لنا بيت عند اهله وراح اكون هناك وابي بنتي تدرس بمدرسه كويسه مررره انا خايفه من ذاك الحي انا ماعشت فيه ولا ادري عنه بس مظطررره الله يسهل تكفون الي عندها خبررره تدلني


بدون هوية غير متواجد حالياً رد مع اقتباس

قديم 30-03-1428 هـ, 10:07 مساءً   #13
up7

عضوة نشيطة
 
الصورة الرمزية up7
 
تاريخ التسجيل: 27-10-1427 هـ
المشاركات: 364


اهلين انا ولدي مدخلته الشويفات ابوظبي وهو الحين كي جي 2 بس والله مره كويسه الحين يعرف يقراء ويكتب بس مشكلتهموقت الخروج متاخر يوصل البيت عالساعه اربع الى ربع


up7 غير متواجد حالياً رد مع اقتباس

قديم 30-03-1428 هـ, 10:43 مساءً   #14
طيبة الكويتية

عضوة فعالة
 
الصورة الرمزية طيبة الكويتية
 
تاريخ التسجيل: 20-03-1427 هـ
المشاركات: 606


آسفه اختي آيه ترى انا غلطانه.

شوهت سمعة المدرسه لأني خلطت بينها و بين مدرسة الورود اللي في ابوظبي.

الزهور بصراحه ما سمعت احد تكلم عنها. لكن الورود اهي اللي تعبانه ما مدحها احد, قيل انه بعد ان تغيرت المديره اصبحت تسيب ولا فيها اي نشاط لجذب الطفل للمدرسه. و هي مدرسة تجارية.



و سامحيني يا اختي على الخطا


يارب احفظ لنا اعيالنا و اصلحهم و بارك لي في زوجي و ابعد عنهم شر شياطين الجن و الانس يارحمن يا رحيم يااااااااارب
طيبة الكويتية غير متواجد حالياً رد مع اقتباس

قديم 30-03-1428 هـ, 10:47 مساءً   #15
طيبة الكويتية

عضوة فعالة
 
الصورة الرمزية طيبة الكويتية
 
تاريخ التسجيل: 20-03-1427 هـ
المشاركات: 606


البيانات هذي كنت ملخصتها في منتدى آخر و حبيت الكل يستفيد فراح احطها لكم اهني. اتمنى تفيدكم



و راح اكتب عند بعض المدارس تعليقات. لكن مو تعليقاتي هذا تلخيص لما كتب في بعض الردود خواتي مو اكثر. راح ابدي بالمدارس الأحسن الاى ان اصل الا الأسوء بنظر الأمهات.



1- مدرسة الاتحاد الوطنية

ممتازه,في خليفه أ ملك للدكتور عيسى السويدي و لها برنامج صباحي للصغار لقراءة القرآن و حفظه و يعطون الطلبه وقت للصلاة. يعني انها مدرسه تهتم بالعربي و الدين و الانجليزي." 8 اصوات"



2- مدرسة الشويفات الدولية


ممتازه, عيبها الوحيد كما قيل انه العربي عندهم ضعيف اهو و الدين لكن الباجي من اروع ما يكون. "8 أصوات"



3- مدرسة الامارات الوطنية

صوت واحد ضدها والسبب انهم ما يرجعون كتب او اي شي مع الطالي يعني الأم ما تعرف شي عنه. بالمقابل 3 أصوات مع مدحوا المدرسه و قالوا عنها فيها اهتمام باللغه العربية و الدين.



4- مدرسة النهظه الوطنية

نفس اللي قبلها صوت واحد اشتكى من كثر الطلبات و انهم وايد و سخيفه و انه وقت الطالب يروح في تلبية الطلبات . لكن بنفس الوقت الصوت هذا مدح كثر الأنشطه في الصفوف و انه التحفيظ القرآني للطبه ممتاز و يكون عندهم كم كبير من المفردات و المعلومات العلمية و الشرح ممتاز.

بالمقابل 3 اصوات مع المدره و واحد منهم قال انه الطلبات بسيطه و متوفره في كل بيت.و الأنشطه روعه.



5- مدرسة خديجه الكبرى

مدرسة حكومية قوية جدا و ماسكة المدرسه شركة كنديه. " صوتين فقط."



6- مدرسة ABC

هي عباره عن فيلا. و صوتين معها و صوت ضدها.



7- المدرسة الأمريكية

في شارع المطار, صوت ضدها على اساس انه اختلاط الطلبه بالمعالمات بزود و ماصخ. و صوت يمدح المدرسه.



8- انترناشيونال كميونتي سكول

صوت واحد فقط و قال انه التأسيس عندهم في كي جي 1 ممتاز جدا.



9- مدرسة الربيع

صوت معاها و صوت ضدها.



10- مدرسة ابو ظبي الدولية

فيلا في مشرف, و الدراسه قويه جدا كما قالت احدى الأمهات, و لكن موقع المدرسه خطر جداا. " صوت واحد فقط"



11- مدرسة الخبيرات البريطانية

قالت احدى الأمهات انها الأولى في الترتيب على مدارس ابو ظبي واللي بعدها الشويفات. لكن كان ها صوت واحد فقط.



12- مدرسة بن حمودة النموذجية

صوت واحد فقط



13- مدرسة الشهب الخاصه

صوت واحد فقط



14- أكاديمية زايد

صوت واحد فقط



15- مدرسة الابداع العلمي

في خليفه, لم يمدحها احد يعني ابتعدوا عنها, وايد اهمال و تسيب و لا يوجد اهتمام بالأطفال في حالة الاصابه. و هي ليست فرع من مدرسة الابداع العلمي اللي في الشارقه.



16- مدرسة الورود

ما مدحها احد, قيل انه بعد ان تغيرت المديره اصبحت تسيب ولا فيها اي نشاط لجذب الطفل للمدرسه. و هي مدرسة تجارية.



على فكره يا امهات, لا تاخذون الكلام اللي فوق كمقياس لاختيار المدارس. لازم كل ام تروح و تشوف المدرسه و مرافقها و المناهج و كل شي. و الله يوفق اعيالنا يارب


طيبة الكويتية غير متواجد حالياً رد مع اقتباس

قديم 30-03-1428 هـ, 10:49 مساءً   #16
طيبة الكويتية

عضوة فعالة
 
الصورة الرمزية طيبة الكويتية
 
تاريخ التسجيل: 20-03-1427 هـ
المشاركات: 606


مدارس دبي و هي كالتالي:



1- مدرسة الشويفات الدولية

رقم واحد بلا منازع



2- مدرسة الاتحاد الوطنية

نفس اللي في ابو ظبي يعني ممتازه من كل النواحي.



3- مدرسة دبي الدولية

صوت قال انها سابقا من اروع ما يكون لكن الحين دمار . هذا بالنسبة لفرع القرهود. و بنفس الوقت صوت قال انه فرع القرهود وايد ممتاز و دراسته قويه. و 3 اصوات مع المدح.

الفرع الثاني منها في البرشا قيل انه احسن لأنه اعداد الطلبه مو كبيره و دراسته قويه



4- مدرسة الخليج

صوتين على انها زينه



5- دبي الوطنية

بعد صوتين على انها زينه



6- مدرسة جميرا النموذجية التطويرية

صوتين على انها ممتازه



7- النموذجيه التطويريه

صوت واحد فقط



8- البحث العلمي

صوت واحد فقط و قال انه المدسه تمتاز باهتمامها بالدين لكن اسعارها ضو.



9- الأمريكية الدولية بالشارقه

فرع دبي صوت واحد فقط



10- المعارف الخاصه

صوت واحد فقط



11- دبي للتربية الحديثه

ابتعدوا عنها صوتين ضدها و قبل انهم يعطون درجات بالهبل و الغش عندهم عادي. و لو انه الطالب ماخذ عندهم 90% و تسئلونه بأي شي ما يعرف يجاوب.


طيبة الكويتية غير متواجد حالياً رد مع اقتباس

قديم 30-03-1428 هـ, 10:51 مساءً   #17
طيبة الكويتية

عضوة فعالة
 
الصورة الرمزية طيبة الكويتية
 
تاريخ التسجيل: 20-03-1427 هـ
المشاركات: 606


مدارس العين و هي كالتالي:



1- الشويفات الدولية



2- ليوا

خمس اصوات, و قيل انه يوم السبت عندهم لحفظ القرآن الكريم و أحكام التجويد و التلاوه. مدرسه قويه.



3- الظفرة

قالوا انها من المدارس القويه و حصلت 3 اصوات



4- مدرسة النشء الصالح

منهج امريكي + منهج الوزاره و يهتمون بالدين و العربي و فيه عندهم حصص لتحفيظ القرآن و الحديث. لها صوتين.



5- الانجلش سبيكنج سكول

صوت واحد فقط, و قيل انها نفس الشويفات و أحسن لإنها محترمه؟؟؟؟ قيل العربي و الدين اشويه ضعيف.



6- مدرسة محمد بن خالد للأجيال

صوت واحد فقط مدح المدرسه و قال انها قويه و ممتازه.



7- المدرسة العالمية

صوت واحد فقط معاها



8- حضانة الكواكب ( بلانيت)

تابعة لمنتسوري و هي ممتازه جدا يتعلم فيها الطفل القراءة والكتابه. صوت واحد فقط



9- المدرسة الدولية

صوت معاها و صوت ضدها, يعني احتاروا يا جماعه.



10- مدرسة الامارات الوطنية و مدرسة المدار

بنات اسألوا عنها لكن ما كان فيه رد عليهم, اللي يعرف يريحهم و يرد


طيبة الكويتية غير متواجد حالياً رد مع اقتباس

قديم 30-03-1428 هـ, 10:52 مساءً   #18
طيبة الكويتية

عضوة فعالة
 
الصورة الرمزية طيبة الكويتية
 
تاريخ التسجيل: 20-03-1427 هـ
المشاركات: 606


مدارس الشارقه و هي كالتالي:



1- الشويفات الدولية



2- الابداع العلمي

ملك صلاح بو خاطر و اهتمامهم رائع بالدين. لها 3 اصوات



3- مدرسة الرسالة الخاصه

منهج بريطاني و البيئه اسلامية. صوت واحد فقط



4- مدرسة فكتوريا الانجليزيه

فرع لمدرسة فكتوريا في بريطانيا و دراستها قويه. صوت واحد فقط



5- المدرسة الاسترالية

دراستهم قويه و عندهم دروس للسباحه.



6- مدرسة ويس جرين

تأسيسهم قوي, لأني شفت ولد عم اعيالي فيها ماشاءالله بلبل انجليزي.



7-مدرسة الوردية

صوت واحد فقط



8- المدرسة الأمريكية في الشارقة

ما مدحوهاا و قالوا عنها انها خرطي و اهمال و تسيب و ماديين بشكل بحت. و الشرح مو ذاك الزود علشان الطالب يسجل في دروس التقويه اللي تنظمها المدرسه.



9- مدرسة الشارقة الخاصه

ما امدحوها و قالوا انه لغة الطلبة في الانجليزي مو ذاك الزود.


طيبة الكويتية غير متواجد حالياً رد مع اقتباس

قديم 30-03-1428 هـ, 10:57 مساءً   #19
كلبيزو

كبيرة محررات
 
الصورة الرمزية كلبيزو
 
تاريخ التسجيل: 16-02-1427 هـ
المشاركات: 6,199


العنايه عاديه مش راهبات انا اولادى فيها اشوفها كويسه ومنهجها بين البريطانى والامريكى




كلبيزو غير متواجد حالياً رد مع اقتباس

قديم 30-03-1428 هـ, 11:07 مساءً   #20
طيبة الكويتية

عضوة فعالة
 
الصورة الرمزية طيبة الكويتية
 
تاريخ التسجيل: 20-03-1427 هـ
المشاركات: 606


اختي ورود الامارات

عندكم في راس الخيمه فرع لمدرسة الشوفات الدولية. روحي و شوفيها. ممتازه بلا منازع


طيبة الكويتية غير متواجد حالياً رد مع اقتباس









تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 11:57 .


تابعونا على Facebook
تابعونا على Twitter