قصة ولادتي الحمدلله عسلاااامتي

سلاااااام يابنات وكروشات ونفوسات
كلكم شلونكم وش اخباركم
هذا اللي يسلمكم جبت لكم قصة ولادتي وربي مو مصدقه اني ولدت طبيعي وارتحت ابد ابد الحمدلله يارب
انا ولدت يوم الجمعه 18_10
القصه
انا اصلا عندي ولد كنت جايبته قيصري عمره سنتين ونص وكنت اتمني اني اولده قيصري مدري ليه ودعيت وربي استجاب دعاي جا مقعدي ادري انكم تقولون خبله
هههههههههه
المهم حملت ببنتي واصلا ما خططنا بس كتبتة رب العالمين وقررت اني ما افكر بالولاده واخلي كل شي على الله لاني عشت حاله نفسيه بسبب ولادة ولدي
وفعلا اتكلت على الله وكل شي حطيته ورا ظهري
يوم الخميس الساعه 7 الصباح حسيت بمووووويه تنزل مني وانا نايمه بس كثيييره
وافز لدورة المياه يااااربي مو مصدقه هذي اللي يقولون عنها موية الجنين وارجع احاول انام بس مقدر
من التفكير وعلى هالحال كل شوي تنزل كميه موييه صاااافي لين جت الساعه 10
وصحى زوجي وشافني اقرا قران جنبه
وسالني وقلت له طبعا هو مستحيل يفرط بالنوم بس هالمره خلاه وجلس يقويني ويشجعني
رحت المطبخ جبت موية زمزم وقريت فيه واكلت رطب
وحسيت بشوي طلق بس خفيف ولاهو منتظمرجعنا نمنا وصحينا عالظهر
اتقهوينا والمويات تنزل
وبعدما خلصنا رحت المستشفى
كشف
وتقول الدكتوره هذي مو موية الجنين هذي افرازات
انا صار وجهي كذا
الافرازات ما تصير بهالكميه
وتطلعني
وكانت المويات لسا تمشي يعني تبلل ملابسي بس شي خفيف
طلعنا واخذنا غدا من بيت الشوايه برياني وعصير برتقال وزوجي يضحك علي
اجل ولاده
انا قلت بتشوف كلامي والا كلامها
المهم اتغدينا بالبيت وغدريت ولدي وطلعنا المغرب نتمشي رحت اكمل باقي اغراض النونو ورحنا نتمشور
وكانت المويات كل شوي تزيد
والله اني كنت خايفه علي اللي ببطني بس ما بيدي حيله
الجمعه نفس الشي بس زادت كثير قال زوجي بعد الصلاه نروح علطووول
رحت وكان فيه دكتوره غير اللي شافتني امس وقالت هذي موية الجنين ومفتوح 3 سم بس الحمدلله ماكنت احس بالم
قالت تنويم
وانا ما جهزت اغراضي ومدري متى بتجيني الولاده وولدي مع ابوه لحاله اهلي بمدينه ثانيه
قلت بطلع على مسؤليتي قالت ما ينفع انتي نزلت المويات وبنعطيك مضاد ومن هالكلام قلت بس شوي وبرجع طلعت على مسؤليتي
طلعنا واخذنا غدا اتغدينا وبديت اجهز نفسي عشان اروح المستشفى وارتب البيت وكذا فجاه يبدا الطلق بسررررعه وكان ما يفصل حاااار جدااا
وما قدرت اكمل شغلي
رحت لزوجي اصيح وهو خاف اولد عنده
قام بسرعه وساعدني وشال الاغراض وركبنا السياره
ومشغل الفلشر وطوط طوط الطريق كان زحمه
وكنت اقول لا تستعجل انتبه وطف الفلشر عاد اللحين اقول والله اني غبيه المفروض نسوي ضجه
وصلنا المستشفى قبل المغرب ولا كفتهم الورقه اللي كانت معي الظر كشف جديد
ودكتوره جديده حسبي الله عليها الله لا يوفقها تقول 1 سم وانا مو قادره اوقف من الام تشوفني اصيح تقوا ما تخفيش ح تتنومي تخيلوا يا ناس تصعدني جناح تنوييييم
انا فيني ولااااااده
كان الالم فظيع والطلق ما يفصل ابد
عطوني ملابسهم لبستها ونوموني عالسرير وتخطيط كنت حيل تعبانه
ابي مسكن شي مو راضين ولا جتني دكتوره ولا حد
وكنت مره معصبه من طريقتهم
محد كشف ولا شي وانا ادري ان فيني ولاده
جت الدكتوره على الساعه 7 وكشفت قالت هذي ليش هنا ودوها تحت قسم الولاده 4سم
ويشيلوني بالعربيه يغطوني بالشرشف ويطيرون قسم الولاده
وياعيني على الصراخ والصياااااح
ويدخلوني غرفة شكل وحده والده فيها قبلي الحمام كلها دم
بس السرير نظيف
وينوموني وكان فيه قابلتين وكنت تعباااانه واصيح بس بصوت واطي
واطلب مسكن
وجت وحده الله يشرح بالها ويسعدها وتعطيني الكمام تقول خوذي المعسل و تنكت مع ان ما لي خلقها بس طبطبت علي
كل الطاقم سعوديات الا الدكتورات بس وحده
المهم جلست علكمام والتخطيط لين 8 ونص
وحسيت بدفعوقلت لهم نادوا الدكتوره وجت لبست اللبس وقاست 10 اذا حسيتي بدفع ادفعي
يله يله كانوا متعاونين ويشجعونك الحمدلله دفعتين والثالثه طلعت الحلوه 8 و44 دقيقه حطوها على بطني
وبعدين شالوها ينظفونها ويستنون المشيمه تطلع جت الساعه 10
جلست ساعه وما طلعت جتني ثلاث دكتورات ويحاولون قالت لي وحده المشيمه انقطعت لازم تنظيف بناخذك لغرفة العمليات محتاجين موافقتك ويبصموني قلت يعني بتوون لي عمليه
قالت لا والعياذ بالله بس تنظيف
ويدخلوني ويجي دكتور التخدير واتخدر عاد ما صحيت الا بغرفة الافاقه الساعه 12 كنت احس بحراره وارجف مدري من البنج او من الولاده
بعد كذا شالوني لغرفة الملاحظه لازم تبقين تحت الملاحظه 24 ساعه وننقل لك دم لان صار لك نزيف اثنا التنظيف
من بكرا ودوني غرفتي

العصر وجا زوجي وكنت موووورمه بصراحه ما عرفت نفسي
ورحت شفت بنوتتي
المستشفى مستشفى الولاده والاطفال بالدمام
بصراحه مررره كويس يشرح البال
نظافه واهتمام والممرضات كلهم سعودياتةواغراضك ينقلونها معك من غرفة الولاده للملاحظه للتنويم
موفرين لك فوط وللبيبي حفاظات وما ياخذون منك شي والبيبي ما يجيبونه عندك يضل عندهم لين تطلعين يرضعونه ويهتمون فيه
بصراحه ليت بكل مدينه مثل هالمستشفى
واي استفسار انا حاضره واعذروني عالتاخير