عربية البيبي

ساعدوني

باختصار وش المميزات الي لازم أهتم فيها لما أشتري عربية البيبي ؟ ومن عمر كم أقدر استخدمها؟ وهل هي عملية ومفيدة ولا يمكن الاستغناء عنها؟
11
3K

يلزم عليك تسجيل الدخول أولًا لكتابة تعليق.

تسجيل دخول

غمزة عين
غمزة عين
عربية البيبي مهمه أذا أنتي بتاخذينه معك (للسوق- الملاهي-الحدايق-------مرافق عامه)
وممكن أنك تستخدمينها من بعد الولاده بشرط أن الظهر تبعها له مستويات ممكن يتنزل عشان يصير زي السرير لان الطفل المولود مايقدر يجلس لازم يتنوم في العربيه
ونصيحه لازم تكون العربيه خفيفه عشان تقدرين تنقلينها معك بسهوله وبعد سهوله في الدف
أما عن أهميتها فأنا ما أقدر أستغني عنها أبد ابد ابد ابد
simply
simply
جزاك الله خير أختي غمزة عين .. ماقصرت
طيب أنا أسمع ان كل العربيات ممكن تتحكمين فيها إذا بغيتي بحيث يكون ظهرها مستوي ليتمكن البيبي من النوم صح ولا لا ؟وهل في نوعيات معينة تنصحين فيها ؟ وهل السعر الغالي دليل على جودة أفضل؟ مثلا بعض الأنواع عند مذركير وسيتي بلازا توصل ل1500و2000 ريال
وشكرا
~رغد~
~رغد~
انا شريت من مذر كير عربيه بألف وميتين وحلوه وماشي حالها وكشخه
ورحت لمحل العاب الحسين وشفت عنده اشكال تهبل وذوق ارخص مليون مرررره من اللي شريتها
وشريت منهم . . . قويه وحلوه وانيقه وكل من شافها يحسبها من محل اطفال ماركات
استعملتها سنتين ولا خربت
دلوعة أبوها23
دلوعة أبوها23
بصراحة انا ما استغني عنها ابدا حتى في البيت اريح لي تنقيل البيبي فيها
انا اشتريت من مذركير لبنتي وحده ب1400 اللي يجي معاها كرسي للسياره وهو نفسه يتركب على العربيه لحد الحين عندي
لكن عيبه انها ضخمه وزوجي ما يحب العربيات الضخمه
فلما كبرت بنتي شريت وحده خفيفة من مذركير ب225 ريال لما تسكريها تجي مثل العصاية

واخذت لودي نفس النوعية لونها كحلي بنفس السعر ومررره عمليه لكن احسها تنفع للبيبي بعد 6 شهور
غمزة عين
غمزة عين
ايه حبيبتي فيه عربيات مافيها مستويات وهي الي تقول عنها دلوعة أبوها( واخذت لودي نفس النوعية لونها كحلي بنفس السعر ومررره عمليه لكن احسها تنفع للبيبي بعد 6 شهور) بس الصراحه مره حلوه وخفيفه وأنا ماخذتها من مذركير ب230 بس خطيره وفعلا تنفع للطفل بعد سته شهور لان مافيها مستويات للظهر فأذا لقيتي بنفس المواصفات شي له مستويات لاتترددين لاني شريت بعد الولاده وحده بمستويات بس مالقيت خفيفه بعدين شريت الخفيفه من مذركيير لان الاوله ميب عمليه
ونصيحه مره ثانيه لاتأخذين كبيره