السلام عليكم
كيفكم حوائيات؟؟
ياحبي لكم
هذي قصة ولادتي نقلتها لكم من منتدى ثاني كنت ادخله وكتبت لهم قصة ولادتي وها انا انقلها لكم
اخيرا تركت الكسل وباكتب لكم قصة ولادتي من زمان ابي اكتبها لكم لاني احب اقراها
طبعا انا طوفت 5 ايام على شهري وجميع انواع الملل الين قلت خلاص معد باولد خخخخ
طبعا كنت عند اهلي واخذني زوجي ورحنا عند اخوه كان عندهم فطور لانهم صايمين السته من شوال
ويوم قدنا بنروح قالت مرت اخوه لازم تتعشون وتروا حطيت لكم يالحوامل خلطه سحريه بكره
ان شاء الله بتولدون لان انا واخت زوجي حملنا سوا ورحت نمت عند اهل زوجي لان بكره عندي موعد مراجعه
في المستشفى وكان قريب من بيت اهله وانامافيني اي بادره للولاده ونمت وصحيت الفجر واحس بنغزات
اسفل بطني بس قلت عادي زي كل مره ورجعت انسدحت جاني زوجي وانا العب بجوالي قالي اش فيك مابتنامين؟
قلت لا مافيني نوم وعلى الساعه 8 بديت احس بمغص اسفل بطني منتظم كل ربع ساعه شوي كل 10 دقايق وانتظم
عل كذا وانا باموت اذا جاء الالم واذا راح عادي مااحس بشي وانا بكريه مادريت اش هذا صحي زوجي من الانين
اللي جنبه قال اش فيك ؟ قلت ماادري مغص زي اللي كان يجيني دايم بس هذي المره منتظم ويعور اكثر
قامت عمتي على الساعه10 ونص واسمع صوتها هي واخت زوجي الحامل في المطبخ يحظرون الفطور عشان قصدهم
افطر قبل الظهرلاني موعدي بعد الظهر مباشره وجهزوا الفطور وراح زوجي عندهم وقالوا له يناديني جاء قالي
قلت مااقدر بس اتلوى من الالم قالي قومي المستشفى قلت لا خلها للموعد وبحكي للدكتوره وانا بس ابكي
راح قال لعمتي اني تعبانه فارسلت لي فطور في غرفتي بس قلت له مااقدر افطر ورجع بالفطور بعدين قامت
عمتي ياحليلها وجهزت لي قرفه واعطتني تمر رطب واكلته ورحت المستشفى على اذان الظهر واول مادخلت
جاتني طلقه واجلس على كرسي واشد روحي الين ماتروح ومايميدني امشي شوي الين تجيني الثانيه وهكذا
وانا تعبانه مره واخذت تحليل البول والوزن والظغط وانا رايحه لغرفة الانتظار وتجيني طلقه في السيب
ومافي كراسي ولقيت عمود واتلوى به وجت عجوز قالت يابنتي اش فيك؟ قلت ماادري ياخاله مغص اسفل بطني
مره يعور قالت انتي بكريه قلت ايه قالت يابنتي هذا طلق ولاده روحي للدكتوره وقولي لها قلت اوكي اذا
جاء دوري وادخل غرفة الانتظار وانا اطلق وامسك بالكرسي واحاول مااصيح واللي جنبي يطالعون فيني
وقمت ورحت عند الزباله واستفرغت وطلعت ودقيت على زوجي وقلت قدامي كثيروانا تعبانه قال يالله الطواري
ورحت الطواري على الساعه 3 وانا بموت واصيح من الالم وقالت ماما انتي في طلق ولاده يالله اكشف اشوف
كم مفتوح ؟قلت لالالالالالا والله ماتكشفين لاني قد جربتها وانا في الشهر الثامن وعورتني وراحت جابت وحده
ثانيه حاولت رفضت وبشده بس امسك بحديده السرير واصارخ وادق على زوجي قلهم ياولدوني بعمليه مااقدر اتحمل
قالهم فديته بس رفضوا قالوا كل شي طبيعي ويدق علي اصبري وانفجرت فيه ودني مستشفى خاص لازمعمليه
قال العمليه مو حلوه قلت انت ماتحبني كذاب وانت وانت وهو ساكت واسكر في وجهه وانا الوان الصياح والالم
وراح دق على امي وقالها اني رفضت الكشفيه ولازم تجي المستشفى وبالفعل جت وحاولت في وانارفضت والدكاتره تجمعوا
علي وعلى الساعه 5 ونص العصر وبعد كل محاولاتهم قالوا لامي خلاص روحي ياولده وحنبنمسها في التنويم لان عندها في الجهاز
طلق حامي بس ماندري كم مفتوح؟قالت الممرضه قومي ويوم جيت اقوم وامي بتساعدني واول ماوقفت على الارض الا واصيح اقول لهم احس
شي بينزل وشلوني وعلى غرفت الولاده وبدلوي لي ملابس الا واذن المغرب جوا مسكوا ايديني ورجولي وكشفوا غصب عني وقالت لي مفتوح
8 سانتي واعطوني كمام حلو بس ينوم وخدروا لي المنطقه وسوا لي توسيع وشوي تجمعوا الممرضات والدكتوره وتشجيع يالله دف يالله دف وانا ادف شوي اوقف يقولون لامدام دف اقول لحظه اخذ نفس هههه جننتهم:eek: وفي صلاة العشاء خرج احلى ولد بالكون ونور حياتي
والحمد لله بس اول ماشفته احمد ربي واصيح زي المجنونه خلاص معد في كرشه خلاص معد بلبس ملابس حمل خخخخ كنت متعقده منها وهي
تقول ايه مدام وجلست شوي وبعدين قمت وبدلت ملابسي وتعشيت ورحت لغرفة التنويم وكل شوي يدق زوجي فرحان انه صار اب وانا مانمت
الابعد صلاة الفجر كل شوي اقوم اطالع فيه فرحانه اني صرت ام خخخخخخ وطول الليل جوالي ماسكت ام زوجي وابوي وامي وحمواتي الله لايحرمني احبابي يارب
بس مادريت انهم عذاب بكاء 24 ساعه ومعد فيه نوم وراحه زيي اول بس اسال الله ان يهديه
الله يهون على كل حامل ويرزق كل عقيمه الطفل الصالح المعافئ
طبعا سميته البراء وعمره الان سنتين و4 شهور وولدت في المستشفى العسكري بخميس مشيط
دعواتكم ربي يسر لي حملي وولادتي يارب
كلي رومانسيه @kly_romansyh
محررة برونزية
يلزم عليك تسجيل الدخول أولًا لكتابة تعليق.
زوجي غناااتي
•
الله يخليييييه لك ويالله شدي حيلك وجيبي الثاني واطرحيلنا القصه
مبروك والله يخليك برو ويرزقك بره وصلاحه,,,
بس تصدقين حلو انك ماخليتيهم يكشفون كثير ههههه اريح والله
بس تصدقين حلو انك ماخليتيهم يكشفون كثير ههههه اريح والله
عطرالحب
•
الله يسهل لك ولادتك يارب ولكل حامل ويسهلي يارب
اخيرا شفت قصة ولادة من زمااان ماعاد احد يكتب قصص ولادات طفشنا كنت اتسلى فيها
ماصدقت شفت قصتك خخخخ
اخيرا شفت قصة ولادة من زمااان ماعاد احد يكتب قصص ولادات طفشنا كنت اتسلى فيها
ماصدقت شفت قصتك خخخخ
همــســة
•
ما شااااء الله الف مبرووك ولو انها متأخرة
ههههههههههههه
عاشت الاسامي مثل اسم اخوي الوحيد الله يخليه
وعقبال ما تشوفيه شب طل بعرض
ههههههههههههه
عاشت الاسامي مثل اسم اخوي الوحيد الله يخليه
وعقبال ما تشوفيه شب طل بعرض
الصفحة الأخيرة