زوجي الظالم

السلام عليكم ورحمه الله وبركاته
بدخل في الموضوع على طول انا كنت زوجه اولى وقدر الله وتزوجت هذا الرجال علشانه ملتزم قلت خير يخاف الله فيني وفيها
المهم تزوجت وصار لي سبع سنوات معاه وعندي ولد وبنتين الله يحفظهم زوجي طبعه غامض واناني وساكت عمره حوالي60 وعمري 34 هذا الانسان تعبت معاه لايضحك الانادر ولا يسولف الا نادر حياته جافه ماعنده مشاعر
المهم تخلل حياتي مشاكل واعديها
هوه من النوع اذا زعل مني مره اتصل على اخواني او امي ويشتكي تظرب ولدها ترفع صوتها تخلي المواعين في الحوض كلامه ماله سنع ابدا
يدور الزله صار في السنوات الاخيره اذا زعل يجي ياكل ويروح بنام في غرفته عنده غرفه خاصه في بيته الثاني وهو جنبنا المهم قبل اسبوع قلت له ابغى ازور بنت عمي لها كم شهر بالرياض مازرتها وهيه جتني ثلاث مرات ولها حق قال ارسل لي عنوانها اذا قريب وصلتك هذا الكلام يوم الثلاثاء وجاء يوم الخميس قلت متى بتوصلنا قبل والا بعد المغرب قال لا مابوصلكم انا ماقلت لك وعليه الحرام مااوصلك اول مره يحرم وانا اتكلم معاه بااحترام والبنت قد قالت لي عزمت صديقاتها علشاني وانا دعيت عليه وقمت هو راح وكلم اخويه وقال اذا كنت فاضي كلمني دق عليه اخويه وقام يشتكي مني فوق اللي سواه يشتكي اني ادعي عليه وارفع صوتي وادعي عليه واضرب ولدي واشياء تافه
المهم اخويه كلمني واول مارفعت السماعه ورحبت فيه قام عليه فيني ويخطيني ويقول لااخويه ماعاد بقي عن الطلاق شيء
يابنات زوجي ظالم مايعرف العدل يدعي الدين ولا هو من اهله
كان ياخذ زوجته للاستراحات من بدايه الزواج ويخليني واعرف من الناس
اذا جاء حريم عند اهله دق على زوجته تجي عندهم وانا ولا يعبرني
المصروف ماعطاني الالما فضحه ربي بلسانه يقول انتي مبذره وهيه مدبره كيف قال انا اعطياها
وضعي مع زوجته كلا في حاله ولا يجيب اولاده عندي وانا في ولاده بنتي كان ياخذ ولدي وبنتي الثانيه ويروح يتعشى ويرجع عندهم ويقول لولدي هذه ماما الثانيه طيب وانا ماعمرك تقول لااولادك رحوا سلموا حتى
اذا خرجنا في الحوش يسكت الصغار يخاف تسمعه واحنا خارجين
هيه مريضه نفسيا الله يشفيها طبعا اكيد هوه اللي امرضها ويخاف منها ودايما من اول ماتزوجها يقول لي تزعل وتروح لااهلها بنت عمه ويرجعونها حتى هيه اللحين صارت جده وباقي تروح تزعل
اللحين يقول غيرت الحبوب وتحسنت نفسيتها وصارت ترروح لاامه
امه واخته وابوه فاتح لهم بيت وكانوا مايبغون لاانا ولا ضرتي صارت ضرتي تروح لهم وتمدحها امه عنده وانا ماصرت اروح لهم مايبغوني اعز نفسي عنهم
زوجي مفتاحه امه لاكن كيف اقدر اللي مايقدرني
احكي لكم بااختصار الموضوع يحتاج لسرد وعيالي ازعجوني
اللحين كل مااحاول اتناقش معاه يرفض وهو اصلا يكره النقاش من اول ماتزوجته بس فالح يروح يشتكي زي البزران
المفروض اللي في عمره يكون حكيم ويحل مشاكله بهدوء
البارح يقول لي اخوك بيجي الاسبوع الجاي وروحي معاه
وش رايكم اروح مع اخويه مع اني زعلانه منه والا اجلس مع اولادي بيضيعون مااحد بيقوم فيه
وبنتي الوسطى جدا متعلقه فيني
والولد مشاكس نوعا ما
والصغيره تحتاج رعايه
ومستحيل اخذهم معايه
يقول روحي واجلسي سته شهور وكلا يراجع حساباته
علما اني كم مره اقول خلاص ماتبغانا خلاص روح عندها وخلني في بيتي مع اولادي واصرف عليهم
وكمان تزوج قبلي وحده وطلقها
يعني هذا الانسان ماله امان
وش تشورون عليه يالحكيمات
اسال الله العلي العظيم ان يفرج همي وهم كل من ضاقت عليه
ولاحول ولا قوه الا بالله