الله يبلغنا واياكم شهر رمضان بالخير والعافيه ويجعلنا ممن يقومه ايمانا واحتسابا..ونكون ممن غفرالله ذنبهم وتقبل اعمالهم...
طبعا انتم عارفين سفر رمضان العامره ماتخلى من الحلويات اللي غالبا تكون مقليه ومشبعه زيوت وبعدها نكمل الباقي و نغرقها بالشيره مثل اللقيمات والجبنيه وغيرها ومانراعي المعده الخاليه.. ونصاب بالخمول بعدها ومانقدر حتى نصلي التراويح من الثقل ,...
وان كنا مانستغني عن هالحلويات الدسمه :35:
لكن لازم نقلل قدر المستطاع ونعملها مره بالاسبوع ونكتفي بباقي الايام بالحلويات المفيده والمغذيه والخفيفه بنفس الوقت ...
ومنها هالحلى (((الشعيريه الباكستانيه بالجبنه والحليب)) وعلى فكره هو معتمد باسرتنا من اكثر من 10 سنوات
ولما قرب رمضان عملته امس مخصوص لكم وبالصور التفصيليه عشان تستفيدوا منه ...
ومابي منكم الا الدعـــــــــاء لي بالذريه الصالحه وكل محروم والتوفيق بالدارين ولكم بالمثل ان شاءالله
يالله نبدا المقادير :
1شعيريه باكستانيه وافضل نوع مهران هذي صورتها من النت
كاس حليب بودر
كاس زيت ويفضل دوار الشمس
2بيضه كبار واذا الحجم صغير 3
ملعقه كبيره بكنج بودر+ فانيليا او قطرات من الخل
6جبنه مثلثات<<< ولو تزيدي يكون افضل انا احط العلبه كلها 8مثلثات تكون نكهتها الذ
كاس سكر وممكن تزيدوه على حسب الرغبه اذا تحبوه حلو اكثر
كاس ماء
كل المقادير نخلطها بالخلاط جيدا ..
عدا الشعيريه طبعا..نكسرها بشكل ناعم باليد ونضعها بصينيه بايركس ((الحجم الكبير)) ونسكب الخليط عليها
ثم نحركه بالملعقه جيدا حتى يتجانس الخليط
ندخلها الفرن وانتبهوا له ماياخذ وقت طويل من تحت لحد مايتشقر ثم نشعل عليه النار من فوق ليتحمر مثل الكيك ...
وهذا شكله النهائي بعد التقطيع اتمنى يعجبكم
لحظه لاتروحوا ماخلصنا
باقي حلى عشاء وممكن مع عصير بجلسه العصريه لذيذ جدا وسهل بس المشكله دســــم الدببه اللي مثلي مالازم يكثروا منه :35:
المقادير...
كيكه بيتي كويكر بالشوكولاته نعملها بطريقتها خلف الكرتون ونخبزها بصينيه متحركه
واذا استوت حددي الكميه بالسكين وفرغي الوسط بالملعقه وخلي القاعده ماتكون سميكه
نجيب الكيك اللي فرغناه ونخلط معه باقي المقادير وهي
(قشطه+ظرفين دريم ويب+3ملاعق كبيره شوكولاته بودر+ملعقه نسكافيه +كاس ونص حليب سايل بارد)تضرب بمضرب الكيك وبعدها نضيف لها الكيك المفتت اللي فرغناه ونخلطهم سوا ونحشيهم داخل الكيك
ونرش بالوجه فليك او شوكولاته بودر او جوز هند...حسب الرغبه
وندخله الفريزر من 4 الى 6 ساعات
طعمه يشبه الايسكريم والتشيز كيك جربوه ادمااااااااااان ...بس اذا سمنتوا مالي ذنب
وبالعااااافيه ولاتنسونا من دعواتكم الطيبه بالشهر الفضيل...
دمتم بخير انتم ومن تحبون ...
