اليوم راح اتكلم عن كريم الاساس عشان جاتني اسأله كثيرة عنه وقلت احسن شئ اكتب موضوع عنه عشان افيد خواتي >>> اعرف مواضيعي كثرت بس احسن اكتب الي عندي قبل ما المعلومات تطير
و البرد معروف يمحي الذاكرة هههههه
طبعا كريم الاساس معروف له اشكال و انواع كثيرة بس انا راح اكتب في الي انا استخدمتهم و بعد الموضوع الي عندها سؤال تتفضل تسال و انا راح اجاوب
اول شئ اش هو كريم الاساس : هو كريم يوضع على البشرة لتوحيد لونها و لي اخفاء عيوب البشرة وفي بعض الكريم تعتبر معالجة
يلا نبدا
اول شئ راح اقل لكم الي انا استخدمتهم هذة السنة تحديدا انا ما جلست في اساس واحد عشان انا احب اجرب منتجات و بعدين اثبت على منتج واحد
1- اساس ماك : جربته بس ما نفع معي ليش؟؟؟ عشان انا بشرتي دهنية و حسيت انه يبين علامات الوجه حتى لو حطيتي برايمر( البيس ) علامة الابتسامة مبينة وندمت اني اشتريتة بس عشان هو غاللي قلت لازم احلل فلوسي فصرت اخلطة مع bb كريم وجاب نتيجة حلوة ( شوفو في فرق بين الbb كريم و كريم اساس ال bb) هنا انا خلطة بالbb كريم
2- كريم make up for ever : هذا الكريم اعتبرة للمناسبات حسيتة مرة ثقيل بس كويس للمناسبات يعني مو خرجات يومية او شئ مثل كذا
3-كريم اساس bb : جميل و سلس و حسيتة مرة خفيف علي و عطاني تغطية كاملة لحد الان استخدمة
كريم اساس نيكد :طبعا في المدينة ما عندنا هذة الماركة بس في جدة و الرياض موجودة
كيف حصلتو اخوي مبتعث في امريكا هو وزوجتة ودائما انا اطلب منهم المكياجات الغريبة الي مو موجودة عندنا واعتبرة احسن اساس للمناسبات و الطلعات العادية بس انا استخدمة للمناسبات عشان هو غالي ب 36 دولار يعني ب 135 ريال بس انا دائما اقلهم ارسلولي اثنين انصحكم فيه اذا موجود عندكم بس في المدينة للاسف مو موجود
كريم شانيل: رائع بعد للمناسبات انصحكم فيه
كريم ماكس فاكتر 2*1 : هذا الاساس لي الي عندهم تجاعيد و علامات تقدم في السن هذا الكريم امي دائما تستخدمة في المناسبات و ليش 2*1 اول شئ يغطي مشاكل البشرة و ثاني شئ يخفي التجاعيد
كريم ماكس فاكتر : هذا الكريم غني عن التعريف الكل يستخدمة و يعرفلة
بس عندي شئ بقولة ليش انا حطيت صورتين للمنتج هذا ليش ؟؟؟؟( شايفيين الاختلاف في العلبتين ) انا حزنت لما كتبت في النت عن الكريم و طلعتلي صور الى مو صلي اكثر
الصورة الي على اليميين هو الاصلي و الي على اليسار مو اصلي
كيف تعرفي من الاصلي من الي مو اصلي (الاصلي من فوق مكتوب اختصار علامتهم التجارية MF ماكس فاكتر و تحت عند الارقام في دائرة ) كذا راح تعرفو الاصلي من الي مو اصلي
كيفية وضعة
1- فرشاة الاساس التقليدية المعروفة عند الكل : انا الفرشة هذة من زمان كل ما استخدمها اجيب العيد فيها ما عرفها
2- اسفنجة الاساس التقليدية : استخدامها تبليلي الاسفنجة و بعدين اعصريها عدل لحد ما الموية تروح و ابدئي وزعي الاساس في اتجاة واحد
3- الاسفنجة هذة عمري ما استخدمتها بس اظن زي رقم 4- 5 الي راح اقلكم عنهم
4-اسفنجة ريل تكنيك : حلوة بليلي الفرشاة و وزعي الاساس من الناحية المدببة
5-اسفنجة بيوتي بلندر: هذة الي انا دائما استخدمها بعد التطور طبعا هههه الاسفنجة في البداية راح تكون صغيرة لما تبليلي الاسفنجة راح يزيد حجمها تلقائي اعصري الفرشة عدل و وزعي الاساس بالطبطبة
6-فرشة ريل تكنيك للفاونديشن ( كريم الاساس) : هذة الفرشه احسها للمحترفين يعني للمبتدئة راح تتعبي شوي لحد ما توزعي الاساس بالشكل الصيح كيف تستخدميها وزعي الاساس بالطريقة الدائرية ( يعني الفرشة لفي فيها بالطريقة الدائرية في جميع انحاء الوجة )
ملاحظات : الاساس يكون في اتجاة واحد ( عشان لا تنسي ان راح تحطي بودرة سائبة او مضغوطة)
لتثبيت الاساس ان شاء الله يوم من الايام راح اكتب موضوع كامل عن البودرة و انواعها
2- اختاري الاساس الي يناسب لون بشرتك
3- لا تنسي رقبتك معك يعني الاساس للوجه و الرقبة عشان لا يكون في اختلاف في اللون
هذا كل الي عندي اي اسألة انا حاضرة ما يردكم الا الكيبورد او الجوال او الايباد
وسلامتكم
اختكم في الله:26::26:
