الليلة عشانا كان جدااااا سريع و لذيــــذ ماشاءالله تبارك الله.. مدة التحضير ما تاخذ عشر دقايق الى ربع ساعة بإذن الواحد الأحد.. فعلا يشبع و يدفي بأيام البرد هذي :cook:
أول شي تجهزين العجينة البسيطة, طبعا مافيها اي خميرة.. المكونات كالتالي:
- 10 ملاعق كبيرة طحين كافة الاستعمالات
- ملعقة صغيرة سكر
- رشة ملح
- رشة حبة البركة او الحبة السودا
- شوي ماي دافي للعجن
بعد ما تعجنين العجينة اتركيها ترتاح 5-10 دقايق على ما تسوين الحشوة
الحشوة انا سويتها من شوية جبنة بيضاء مالحة + زيتون مخلل محشي بالجزر + شوي زيت زيتون + نعناع ناشف
مركز تحميل الصوربعدين قسمي العجينة الى 6 كورات,, انا سويت كمية بسيطة يادوب تكفيني انا و زوجي الحمدلله
مركز تحميل الصوربعدين افردي كل كورة بيدك و حطي فيها من الحشوة كالتالي
مركز تحميل الصورهذا شكل الكرات بعد ما حشيتها كلها
مركز تحميل الصوربعدين حطيهم في التوستر وهي باردة,, سكري التوستر و بعدين شغليها,, ما بياخذ 10 دقايق و يجهزوا.. عبال ما تجهزين الشاي او النسكافيه
مركز تحميل الصورو هذي النتيجة النهائية الحمدلله.. قدمتها مع نسكافيه لي انا و أبو الشباب :arb:.. و كوب صغيرون حليب لبنتي الصغيرة عسى الله يحفظها :04:
مركز تحميل الصوراتمنى تجربوها يا حلوات
تحياتي :26: