01-01-1428 هـ, 04:55 مساءً
حبيبتي انتي متأكدة ان بودرة الكاكاو سوبر جين ما تفيد ؟
انا كنت ناوية اشتريها و استخدمها طول هالاجازة
لان اللي في الصيدلية مدحها لي .!!!
مادري بصراحة
ابي رد ضروري .. هل تفيد او لاااا؟
بليييييييز ردي علي ضروري
لان ابي امتن 5 كيلو في هالاجازة
و مابقى شي على خطوبتي !!
وزني 56 ابي اصير 60 او 61 مثلا ..

عاد عاد عاد عاد
ادري اذيتج بس و الله ابي امتن
(للعلم انا مو كل مكان في جسمي نحيف .. مؤخرتي الحمد لله مليانة و حتى سيقاني .. ابي فخودي تمتن و يدي ..))
02-01-1428 هـ, 10:32 مساءً
الســــــــــــــــلام عليكم ورحمة الله وبركاته.....

مســـــــــــــــــــاء الخير ع الجميع...

هلا فيك أماريج....
.
.
.قررتي تسمنين!!!!!!!!!!!!!......إلا إجزمي وأكِدي وتوكلي على الله.....وإكلي...:10_8_9:

لأني توني أحس للبس شكل .....قبل البجامه كأن اللي لابسها ولد مو بنت....اللهم حوضي شوي عريض....والجاكيتات الرسميه.....تخليني كأني مُصارع...(بس كتوف ...ومن تحت مافي شي !!!!!!!) وكل مارحت للسوق لازم أمر الخياط أوريه اللي شريت..... وطبعا" يعدّل.....وبالأخير صرت أروح لمقاسات الأطفال(بدون تعليق!!!) ....هي اللي ماأحتاج فيها للتضيق...

ومثل ماقلت قبل أي وصفه....نظفي بطنك....(إحتياط....وحتى إذا فيه شي يرووووووووووووووح بعييييييييييييييييييييييييد).. ..
وصدقيني حبوب البركتين راح تنفع هي وأي وصفه راح تستخدمينها بعدها...

أما الأعراض الجانبيه......أكيد تخوف....لأن الشي إذا زاد عن حده إنقلب ضده....
وإحنا نستخدم الحبوب ....3مرات يوميا" .....وأنا اللي قدامك أستخدمت نفس النظام والحمد لله ماصار فيني أي شي.......
وأقل شي مثل ماقلت ساعتين ونصف...والأهم... قبل الوجبه بـربع ساعه أكل الحبوب.... لأن مو إحنا اللي نتحكم في الوجبات الرئيسيه....وهذا للأهل لحد مايتجمعو....

وتوكلي على الله وأستخدميه...وشوفي العز اللي عايشين فيه البنات الرويانات....لبس...أكل....شكل. ...وثقه....وبالتوفيق...
(لاتنسينا من الدعوات....)


دلووعة حبيبها
هلا وغلا.....وأما بودرة سوبرجين ....قريت عنها بالنت...وشريتها بـ65ريال.(ماأدري نفس السعر).....ولما قريت الطريقه ماتقبلتها....ولما كنت أستخدمها أسد خشمي وأشربها...ومن ثقلها أحس معدتي تقلب علي....والعلبه يمكن ماتكفيك غير أسبوع بالكثير...(من واقع تجربتي)

فتوكلي على الله وأستخدمي النظام أضمن لك.... لأن اللي ماقدرت أحصل عليه بسنتين.....حصلت عليه بشهر ونص.....بفضل الله ثم فضله....

تذكرت!.....شوفي بودرة جفيرال (منها نكهات).....إذا أنقطعت بصيدلياتكم بعد ولا لأ؟؟؟
وإذا لأ .....فاأنصحك فيها تبين بوجهك وبالمؤخره وحتى الفخوذ......بشكل سريع ورائع.....

وبالتوفيق....وأعزمينا ع خطوبتك....ترى قريبه أنا منكم.....




سبحان الله وبحمده ..........سبحان الله العظيم.
02-01-1428 هـ, 11:13 مساءً
امممممممم
حبيبتي انا مادري ليش بودرة سوبر جين داشة بالي ! هههههههه
لان الدكتور اللي في الصيدلية ما رضى يعطيني شي يقول اني ماحتاج حتى البنت اللي تشتغل اهناك تقول جسمي حلو و ماحتاج بس انا ابي امتن !!
عارفة شلون ...!
يمكن ناس وايد يقولون عني رشيقة لكن انا ابي أملي بعض المناطق عندي فما أحس ان احتاج لذاك الزود من الاشياء .. فهل سوبر جين تنفع في حالتي ؟ و الدكتور وايد مدحها وقال انا ماحتاج لشي طبي اصلا مو مؤيد من الاساس ان استخدم شي!!
بس بعد ابي امتن بس لو مؤخرتي تمتن جان اصير كرسي جابر هههههههههههههههههه لان انا المؤخرة وايد مليانة ما تحتاج شي هههههههه
ابي فخودي ..
للعلم انا استخدم مقاس xl للبوانطلين و الجينزات و التنورات .. و مقاس S او M للجزء العلوي ..
عارفة شلون انا مو محتاجة امتن وايد .. انا محتاجة أمتلي بس ..
فهل اطبق النظام كله ؟ أو بعضه ؟ او شسالفة ؟
افيديني الله يخليج ..
05-01-1428 هـ, 01:27 صباحاً
بسم الله الرحمن الرحيم

أختي دلووعة .....كل اللي سويته إني عرضت لك تجربيتي مع سوبرقين....ويمكن لأني ماطولت فيها مابينت نتائجها.....يعني يبغى لها وقت إستخدام أطول.....

وأنا كنت شوي عظم الحوض عريض وخفت لما أسمن ....أسمن من تحت أكثر من فوق....بس الحمد لله....بعد ما سمنت تناسق جسمي من فوق لتحت...

وإذا بالملابس...: مقاسات جسمك تختلف....فهذا شي عادي ...كلنا كذا....أنا اللحين مقاسي من تحت..14ومرات 16....ومن فوق..12..أو 10...(بعدين هذا اللي يحبونه الرجال....تكون الوحده شوي مليانه من تحت)
ومن كلام اللي حولك أحس إن جسمك حلو....مو محتاج متن..

ومن ناحية النظام ...كل اللي فيه من حبوب(بركتين لفتح الشهيه.....والخميره مع الحلبه تسمن الجسم) أما الباقي فهو أكل عادي ......يمكن ماتحتاجين للبركتين ....جربي الخميره مع الحلبه.....يمكن تنفع فيك....

وإذا عندك مناطق تبغينها تزيد...أذكر وصفة[الحلبه الدافيه مع الخميره الفوريه(مالت العجين)] تدهن المكان مع التدليك لثلث ساعه.... وبعدها تمررين ثلجه ع المكان....وبصراحه جربتها لصدري....والحمد لله كبر...وتقدرين تستخدمينها للخدود.....وكمان للفخوذ..بس أوعي يدخل داخل (أخاف بكرى يكبرويطول وتصيرين ولد...خخخخخخخخخخخخخخخخخخ!!!!!! !!!!!!!!!!!!! )
وإذا أستخدمتي النظام كامل.....وكبرت الخلفيه.....وتوهقتي .....عليك[ بخل التفاح]....دلكي فيه المنطقه بقوه وهو دافي....أذكر وحده تقول: من كثر ماكنت أدلك الخلفيه نحفت....والناس على بالها إني مسويه رجيم.....
..............أتمنى أكون ماقصرت و أفدتك.......



سبحان الله وبحمده ..........سبحان الله العظيم.
05-01-1428 هـ, 08:47 مساءً
البركاتين فيه نسبه كرتزون حسب علمي ويسبب مويه تحت الجلد ينفخ على الفاضي نصيحه لحد يستخدمه وزي ماقالت الاخت المفرلوض 8 ساعات بين كل قرص والاخر وجزاك الله خير اختي اللومي
08-01-1428 هـ, 12:24 صباحاً
هلا وغلا أختي..mznah
أول مره أسمع إن البريكتين فيه كرتزون !!!!!!!!!!!!!؟؟؟؟؟؟؟؟؟؟؟؟؟؟
بصراحه إنصدمت من هالمعلومه.....لأني أنا من النوع الخواف من الحبوب والأدويه.....
وكان من الأساس ماأستخدمته.....ولا كتبته بموضوعي....
ومن واقع تجربتي.....البريكتين يفتح الشهيه....و المعده تتوسع وبالتالي يكثر أكلك.......لامويه ولاخرابيط.....يمكن ملخبطه بينه وبين الحبوب الصينيه.....
وإذا متأكده من معلومتك.......أثبتي....!! !؟؟؟

مشكوره وجزاك الله خير ع التنبيه.....ولو إنه مو خاش بالي!!!
08-01-1428 هـ, 12:30 صباحاً
شلون الحلبة الدافية ويا الخميرة الفورية ؟
الحلبة الطازجة و الا الحبوب ؟
و شنو الطريقة بالضبط <<< حمستني
انتظر منج رد حبوبة ...
و مشكووورة ..
08-01-1428 هـ, 01:14 صباحاً
الحلبه الدافيه...........كوب ماء ع النار.....لما يغلي أضيفي ملعقتين حلبه .....وخليها تفور مرتين وطفيها..........وبعدها لمى تحسي إنو صار دافي أضيفي ملعقتين خميره فوريه وحركيه ....وإبدائي بالتدليك بقوه....من غير دلع!!!....لمدة ثلث ساعه....وبعدها مرري ثلجه ع المكان وأتركيه ينشف...
وخلاص....اللحين إتسبحي...
بس مو تسوينها بها البرد......بكرى لاقدر الله وصابتك إنفلونزا أو خشك بردك.....تقولي الله لا يوفق اللومي هي وخلطتها............
تراي نبهت.......وبالتوفيق..


سبحان الله وبحمده ..........سبحان الله العظيم.
09-01-1428 هـ, 07:30 صباحاً
صباح الخير
يعطيك العافيه اختي
ويجزاااااااك الف خير
بس بغيت اسألك
انا سمعت ان حبوب الخميره قبل الاكل تنحف
فماادري هل اكلها قبل او بعد الاكل ؟
09-01-1428 هـ, 02:16 مساءً
السلام عليكم اخواتي ابقى وحده او اثنين يبدون مشوارتسمين معي انا حييييل نحيفه امنيتي اسمن بسرعه هاه وش قلتوا


الساعة الآن 01:50 .

جميع الحقوق محفوظة - عالم حواء - 2015