مرحبا جميعا
واهللللين بالعصقولات بشكل خاص خخخخ
شوفو عزيزاتي انا في يوم ما كنت عود او بالاصح هيكل
لدرجة وزني بالأربعينات مع ان طولي 163 !! متخيلين كيف هيكل !
طبعا النحافه ماثره على كل شيء فيني واولها النفسيه
كانت امنية حياتي الاولى امتن وبعدها الاماني الثانيه هههههه
لدرجة اصلي القيام بالمسجد وادعي بالسجود اني امتن خخخخخ .
و كل موسم مناسبات احس بتعذيب نفسي
اولا لان صعب احصل شي مقاسي ويستر نحافتي
وثانيا اذا حظرت المناسبه اشوف اللي بعمري كيف اجسامهم اكون جمبهم مأساه قسم
والناس اللي تزورنا دايم يعلقون على نحافتي !! راحميني طبعا
وامي من جهه !!
الزبده قررت اني امتن خلاص ماعاد صرت احس اني انثى جد
فابديت وخلال شهرين الى 3 اشهر متنت من 47 الى 57 متخيلين 10 كيلو
وبعدها كملت الين وصلت الى 62 !! ولله الحمد يعني 15 كيلو :icon28:
هههههه شايفين كيف الحماس اللي فيني وصل لنتيجه
ماطول عليكم بقولكم السر
ثلاث اشياء اساسيه استخدميها
اولا ( 3 حباب موسيقير خلال اليوم ) اهم وحده فيهم الى اول ماتصحين من النوم على طول تاخذين حبه ) والثنتين الثانين قبل وجة الغداء والعشا اوكي ! والحبه تكون قبل الالكل بربع ساعه !
ثانيا واهو سر من اسرار الجمال اعتبره الزبييب اليماني والحلبه .. الطريقه كالاتي (اولا تاخذين الزبيب اليماني قد قبضت اليد وتغسلينه بمويه بس وتحطينه بكوب وتصبين عليه مويه مغليه لازم مغليه بس الين يتغطا الزبيب مو كثير وتغطين الكوب وتحطينه على جمب .
وحبوب حلبه حب وليس مطحونه تحطين ملعقه كبيره بكوب وتصبين عليها مويه مغليه ملئ الكوب وتغطين الكوب ) الحين في كوبين حارات واحد زبيب وواحد حلبه بعد مرور ساعه بعد مايبردون حطيهم بالثلاجه ونامي
اول ماتصحي تجيبين الخلاط وتحطين فيه الزبيب بمويته وتحطين موية الحلبه بس بدون حبوب الحلبه اوكي ومعهم فمتو شوي وتخلطين الين تختفي حبوب الزبيب وبعده صبيه بكوب بس استخدمي المشخال او الشبك عشان ينزل صافي واشربيه اول ماتصحين على الريق . واول ماتخلصين شرب جهزي الشربه الثانيه يعني نقعي زبيب وحلبه وكذا . لانك بتشربينه قبل العشا بعد . يعني مرتين باليوم ..
ثالثا حليب انشور الجميل ينفخ نفخ واهو مكمل غذائي على شكل حليب من الصيدليه
شكله مثل حليب الاطفال بالضبط انا استخدمت اللي بالفانيليا
طريقته ( بعد الاكل بربع ساعه بعد وليس قبل اوكي تاخذين كوب وتحطين فيه ملعقتين حليب انشور طبعا الملعقه المخصصه فالداخل اوكي وتاخذين نص ملعقه صغيره حلبه مطحونه ونص ملعقه صغيره ماش مطحون وملعقه سكر وتصبين فوق هذي الاشاء مويه مغليه وتحوسينهم جيداا واشربي
طبعا تشربين بعد كل وجبه يعني 3 مرات باليوم وبسسس
وهنا بتسمنين سمنه اغلبها خدودو ومناطق انثويه وبتتحولين لقمر باذن الله
واخيرا كتبتلكم عشان افيد اللي يعانيون معاناتي سابقا وابيكم تدعولي بالشفا من الاكزيما تكفون
ولاتنسون ماشاء الله تبارك الله :35:
salona @salona
عضوة
يلزم عليك تسجيل الدخول أولًا لكتابة تعليق.
خبيرة البشرة زين
•
الله يجزاك الجنه ويشفكي شفاء لا يغادر سقما
salona
•
الله يجزاك الجنه ويشفكي شفاء لا يغادر سقماالله يجزاك الجنه ويشفكي شفاء لا يغادر سقما
امين يارب وياك
الصفحة الأخيرة