بعـد إذنك ملايين .. عندي معلومه صغيرونه يمكن تفيد تحفه

الأم لها دور كبير في تنمية هالجانب (التنظيم) في شخصية ابنها

وايضا لها دور في هـدم هالجانب في شخصيته ..

فإذا كانت الأم فوضويه غير نظيفه ومهمله ممكن في هذه الحاله يتخلى الشرقي عن شرقيته أو بعضها

وايضــا ممكن ان تنمي في شخصيته (الوسوسه) من كثر النظافه والتنظيم

لذلك مسؤولية الأم عظيمـــه في جعل شخصية اطفالها متوازنه

وإذا ربتهم بإبــداع ممكن توصلهم للشخيصة الماسيه المثاليه (اللي تجمع كل الانماط بتوازن)

ويابختها فيهم .. سيعيشون مميزين وتفرح بهم في كبرها

..

والله توني اعرف ان زوجي شمالي شرقي من موضوعك يعطيك العافيه

بس انا مالقيت نفسي بصراحه فيني من الشمالي والجنوبي والشرقي

الشمالي كريييم
الشرقي يحب الأصالة والجودة
يحب تعلم اللغة الإنجليزية
يفتخر بزوجته وأبنائه
إذا أبتعد وسافر لا يتصل الا نادراً
هذا اللذي يحضرني

uppppppppppp

بكون واضحة .. لعلك تساعديني في معرفة السبب ..

أنا شرقية شمالية .. << الشرقية أكيد والشمالية أظنها ..
شخص قريب لي شمالي شرقي .. أحسه حقير وموب قد المسؤلية .. وبصراحة
أحسه أحيانا أردى من البزران في عناده !!
يعني شغلات مهمة مثل تربية أطفاله ممكن يخربهم ويكسر كلام امهم قدامهم لمجرد انه يغيضها
( مع قناعته ان تربيتها ممتازة ).. ليش انها هي اللي علمتهم وربتهم ..
يعني كأنه يقول لها موب على كيفيك تربين وأنا وين رحت ..! <<< طيب أنت عمرك ما قعدت في البيت وفضيت لتربيتهم يامال الضعفة <<<< والله اني مقهورة منه وكارهة شخصيته الغبية ..
يا إنك تصير قد المسؤلية وتتفرغ شوي لعيالك وتربيتهم والا خل امهم تربيهم تربية حلوة ولا تخرب عليها ..
ونفس الشيء مسؤليات بيته .. مشغول مشغول مشغول .. خلوا اموركم واقفة لين أفضى لكم <<< طيب متى !!
فيه امور تتطلب محددة بوقت معين وما تتحمل التأجيل ..متى تتفرغ وتخلصها !!!!
واذا أحد غيره أنجزها .. سواها سالفة .. وليه .. وأنا صرت طرطور ..ومن هالكلام !!
غير كذا العناد الزايد .. ياخذ الشور عشان يشوف وش تقولين .. واذا قلتي رايك خذا عكسه ..
يخير زوجته بين مطعمين أيهم تبي تروح له .. تقول المطعم الأول يقول خلاص نروح للثاني ..
الأول موب زين <<< طيب ليه تخيرها !!
يغلط وينتفخ ويركبك الخطأ دايم .. يعني يشوف نفسه على صح دايم !!
متكبر .. متكبر ومغروووور بنفسه .. وياحبه للمديح وكأن ما عنده ثقه بنفسه الا اذا أحد مدحه ..
لاااااا ومنّان بعد .. يعني بيوديك مشوار بعد ما طلع عيونك .. طول الطريق يردد .. الله يجزاني خير اللي وديتك ..
الله يعافيني .. شفتي اني حبيب <<< حركات بزران !!
وان شكرتيه قبلها وقلتيه الله يجزاك خير وما قصرت ومن هالكلام .. كبر راسه لين انفجر عليك وقعد يبربر ..
عليك سنة بهالروحة .. ذيك المرة وصلتك للمحل الفلاني .. ذيك السنة وديتك لمشوار ..
طيب ييزي .. تعبنا .. يعني لازم كل ما شفناك نمدحك ونمجدك !!!
ما يقعد في البيت أبد أبد أبد ودايم مشغول .. بس خلي أحد يدخل بيته يزور زوجته .. يلصق لها !!
صاروا ضيوفها ينحرجون من الجية لها لأنه اذا عرف ان أحد بيجي معاد يطلع , واذا كان برى رجع !!
تقولين الشمالي يبي زوجته تكون مستقلة وما تلهث وراه .. ولها اهتمامات وهوايات .. طيب اللي أشوفه انه ما يخليها تسوي شيء .. الشغل وطفشها لين خلاها تقعد في البيت .. النت وفصله من عندها ..
مكالمات للأقارب أو الصديقات .. يسوي لها مشكلة لو يشوفها تلكم أو شاغلة الخط .. اذا شافها تحب برنامج معين وتتابعه في التلفزيون يقعد يعيب على المذيعين وكأنه يغار منهم .. ثم يغير القناة !!
طيب كيف تعجبه الحرمة اللي لها اهتمامات وهو يستخدم سلطته عشان يجردها من كل شيء تحبه أو تهتم فيه غيره هو !!
كيف يحب الحرمة القوية .. وهو أول ما تخالفة زوجته في الرأي ينتفخ وينكد عليها عيشتها !!
وصولي ( له أكثر من عمل ومشروع ومسوي نفسه الكل في الكل فيها وانه شايل كل الأعمال فوق راسه ..
والحقيقة ان غيره يكرف وهو ينسب العمل لنفسه .. ويدّعي العكس وان اناس تعاديه !!
والدليل انه دائما ينقل بسبب انه 24 ساعة يكلم في التلفون ومهمل شغله ويطلع يقضي أشغال ثانية ..
يعني مشتت نفسه بكثرة الأعمال والنتيجة التقصير فيها كلها )

بشكل عام .. أحتقره.. نضرتي له .. انسان فاقد الثقة بنفسه .. مادي .. مغرور .. كاذب .. مدّعي ..
غير مسؤول .. أناااااااااااااني ...غير عادل .. بزر بعناده .




أما عن السؤال الثاني ..
فأنا رغم اني شرقية بشكل أساسي .. وما ادري ان كنت أميل للشمالية شوي ..
المهم .. أنه لي فترة من الزمن أعيش فوضى في حياتي .. فما عدت ذيك الدقيقة المنظمة ..
وان كنت أكره الفوضى الى الآن ... إلا اني ما عدت أتحمس لأي ترتيب أو تنظيف ..
فما عدت بحرصي السابق أبدا .. أحيانا أحس اني قاربت أكون النقيض !!
أول ما أرتاح لين أنظف كل شيء .. وأنجز كل اللي واري ..
لكن هالحين الترتيب أي شيء يمشي الحال .. ماعدت أدقق مثل قبل .. أكره الشغل ..
وافتقدت التخطيط في حياتي .. يعني أحس اني صرت عايشة كذا بالبركة ، وبدون قواعد واضحة !!
التغيير اللي طرأ علي ما كنت أتوقعه في يوم من الأيام ومتعجبة منه !!!!

ودي أعرف السبب لأني من جد غير راضية عن وضعي الحالي ..