عن تجربة شخصية زيت القرنفل راااااااااااائع لنعومة الشعر وفرده/اكتفى من الردود

السلام عليكم ورحمة الله وبركاته
ازيكم يا بنوتات يا حلوات عاملين ايه وأخبار شعوركم ايه
طبعا تبتو وزهقتوا من كل حاجة
وانا برضه
من فترة افتكرت ان حنة فرد الشعر ريحتها قرنفل جامد فقلت بدل ما استخدم حنة الفرد اجرب زيت القرنفل
وفعلا اشتريته وحطيته على مجموعة زيوت اي زيوت عندك او زيت بتحبي تستخدميه
واتفرجي على النعومة والريحة الحلوة
انا عن نفسي بحب ريحة القرنفل قوووي
ودلوقتي عايزة اعمل خلطة من زيت القرنفل وزيت السمسم وزيت الخردل
لأن القرنفل والسمسم بيفردوا والخردل بيطول
بس انتبهو متحطوش زيت القرنفل على الشعر لوحده ولا تكتروا كميته يعني يكون بمعدل نصف او ربع كمية الزيت الي معاه لأنه ساخن ووممكن يضر الشعر على ما اعتقد
ويا رب شعورنا تنعم وتطول
قولوا آمين