اللي جربت دواء لحب الشباب ونفع ،، يا ريت تخبرنا !!!

اختي العزيزة

انا مرة قريت عن وحدة مثل حالتك لا اكثر .. المهم نصحتها وحدة انها تستخدم الكحول اللي في المسحة الطبية ,, عرفتيها ؟ القطنة الصغيرة اللي يمسحون بها قبل الابرة .. تمسح وجهها به مرتين في اليوم و تقول ان نتيجة رهيبة

هذا اللي عندي و حبيت افيدك

و سلام :24:

زيزينيا

انا جربت المسحة صراحة روعة للحبوب انا لي شهر استخدمها وفادتني كثير

جربيها وماراح تندمي



الحسناء

هلا يالغاليه ..

انا مثلك طلعت لي حبوب صغيره بوجي على الجوانب.. ورحت الدكتور وكتب لي علاج والحمد الله راحت اغلبها بس طبعا علاجات حب الشباب تبي مداومه عليها يعني تستمرين مو يوم و تحطين و3 لا .,, ماراح تجيب نتيجه

بقولك على العلاج الي عطاني اياه..

كريم Fucidin الي كرتونته بيضاء وعليها خط احمر.. معروف هو
كريم Benzac AC 2 1/2

ذولا الثنين تحطين على راحة يدك من كل واحد شوي مثل كذا ( __ ) يعني الي يكفي الوجه بس مو كثيرررر

وتخلطينهم مع بعض.. مره صبح ومره بالليل

وتحطين على الحبوب هذا CLINDACIN T
هذا معروف حطي شوي على القطنه وامسحي فيها الحبوب ينشف الحبوب حطي كل مره منه ..

طبعا اهتمي بغسل الوجه ..

وانشاالله يارب انها تروح منك الحبوب بإذن الله
ومثل ماقلت لك ابدي من اليوم روحي اشتريها واستخدميها وانشاالله بتلاحظين نتيجه .. استمري عليها من الحين لين رمضان يعني شهرين وانشاالله بيكون كل شي تمام يالغاليه..

وهذا كان علاجي مع الدكتور ...

ترا شوي بيحمر وجهك اول ماتحطين الكريم بس عادي .. المهم لاتكثرين منه كثيررر..

الشكر لكم حبيباتي والله ما قصرتوا معاي

اختي الثريا2001 ، علشان اكون فاهمة القطنة نفسها فيها كحول صح ؟؟ لان في كحول سائل !!!
وهل يبيعونها بالصيدلية ؟ وشنو اسمها بالضبط ؟

مشكورة اختي الحسناء على المرور :26:

اختي Night_AngeL ،، نوع بشرتي مركبة ،، عادي استخدم الكريمات ؟؟ وكم طول معاك العلاج ؟؟ وانا اخاف من الاثار اللي تبقى لان بشرتي بيضاء ،، راحت معاك الاثار بعد ؟؟؟

وانا انشالله اجرب الكحول اذا توفر عندنا لانه اسهل ،، واذا ما نفع اجرب الكريمات بعدها :27:

تسلمون لي والله :24: :24: :24: