تهمني الردود الله يعافيكن انا استنجد بالله ثم بكن!

الأسرة والمجتمع

بسم الله الرحمن الرحيم
السلام عليكم ورحمة الله وبركاتة
انا متزوجة لي اربع سنوات وعندي بنت عمرها سنتين ونص انا حياتي مشاكل x مشاكل :confused-:confused-والله تعبت نفسيتي تعبت بالمره حاولت الاقي حلول موقادرة المشاكل تجيني من كل جهه اقول ياربي انا وش سويت عشان تعاقبني :44:
انا ساكنة مع اهل زوجي بالبيت لي عرفة وحمام وممر صغيير جدا جدا انا قبل الزواج ولاني تزوجت وانا ادرس شرطت بيت لحالي ولاكن للاسف الشرط ماكان بالعقد ..
المهم زوجي سكني مع اهلة وبدا يشرح لابوي ظروفة المادية و و و ومابقى على الزواج الاكم اسبوع رضيت بالامر الواقع وقلت بلعكس بعتبرهم مثل اهلي ... ام زوجي مطلقة وابنها الكبير طلع من البيت قبل الزواج وظل زوجي معهم بالبيت البيت كان لاخوات زوجي بانين البيت لوالدتهن لانه مطلقة وابو زوجي عايش وخواته 7 اربعه متزوجات وثلاث بالبيت ...
من اول مادخلت البيت وانا عروس ويعاملوني كاني خدامة ومايطيقوني ابد ابد من دون سبب استغربت كثييير امعاملة وافتكرت طبعهم كذا وماقلت لزوجي شي يوم وراء يوم بدت المشاكل وانا حاطة" اذن طين واذن عجين ":unsure: واشوف واسمع وانا ساكتة لين اوصلت فيهم يحرضون زوجي علي وصارت مشاكل كثييييييرة والله لو احكي ما اخلص مادري منين ابداء شي يشيب له راس شعرك... تعبت منخذيته وانا اقوله خل نطلع من البيت موراضي ظليت احن فوق راسة لين صار يقولي ****لله بطلع وهو يماطل فيني ... زوجي معلم في قريه واذا راح لازم اروح بيت اهلي.. وحتى بيت اهلي مشاكل مع امي الله يهديها يارب ... دايم تقولي مته بنقل زوجك ونرتاح ...:44: وايام ماكنت ادرس كانت تقولي بنتك تعبتني جيبي لك شغالة واذا قلت لزوجي يقولي مااقدر منين لي راتب شغالة ... من تزوجت وحسيت اني ماني بنتهم خلاص ...:icon36:.. واي مكان بالبيت ابغى انام فية انا وبنتي ترفض وين اروح المجالس ترفض والغرف مليانه وين اروح .. خواتي كثار واخواني وفوق هذا جدي وجدتي عند اهلي بالبيت .... والكبير مايبي ازعاج الاطفال
تعبت ياناس هذا غير ام زوجي الي جننتي وتحكي على الناس كلام لايعقل ..!
وغير خوات زوجي المتزوجات الي يوميا عندنا بالبيت واذا جيت اطبخ او اسوي اي شي يرفضون ويهاوشوني ويقولون موعلى كيفك تسوين الي تبين بهالبيت لان البيت لهم... وحتى السلام ام زوجي اذا جيت اسلم عليها تدفني بقووووه تخيلو ... واخواته اذا جيت اسلم عليهم يمشون ويخلوني يجلسون كل بغرفة الضيوف ويقفلون الباب عشان ما جي عندهم وحتى االسفر صارت هوشة بيني وبين وحده من خواتة ماتزوجت بالطياره جلست جنب زوجي وعيت تقوم وانا رحت باخر الطياره عند امة وخواتة الثانيات تصدقووووووون ..... يكرهون بنتي مرررررررره ومايبونها ويضربونها لو تاخذ اي شي من اغراضهم ......
ولما كنت حامل مره سافرنا حنا وخواته وكن بالسوق وانا كنت حامل بنتي وجيت اجلس سحبت الكرسي وحده منهن وطحت بالارض وتهاوش زوجي تقول ماعرفت انها بتجلس!!!!!!:06:
لدرجة جتني حالة جنونية وفكرت حتى بالطلاق بس لمى اشوف امي تسوي معي كذا اخاف واسكت....!
جتني حالة لا ارادية صرت ابكي واكسر كل شي حولي وصوتي يعلى على زوجي وزوجي يمسكني ويهديني ....
اوكملت دراستي وتخرجت السنة هاذي تخصصي مهندسة برمجيات حاسب الي .... ولا حصلت وظيفة المدينه الي انا فيها مافية شركات ..... وانا حلمي اتوظف واخذ شقة ايجار وارتاح من المشاكل ...
الكلام هذا كلة نبذة مختصرة جدا جدا عن المشاكل ....
انا والله العظيم وما امدح نفسي ولا ازكي نفسي انسانه مسالمة طيييييبة حيل على طول اسامح واقول الي فات مات ووحاول افتح صفحة جديدة مع الكل ولا احب اجرح احد واحسب الف حساب لكلامي قبل اقولة ... لاكن ماقول غير يارب ضاق صدري ونفذ صبري حسبي الله ونعم الوكيل
29
4K

يلزم عليك تسجيل الدخول أولًا لكتابة تعليق.

تسجيل دخول

عاشقة بودي
عاشقة بودي
انا مع الاخت
صح زوجك معلم يقدر يستاجر لك شقة وريحوا راسكم بلاوجع وبلاهم
وخليكم بعيدين عن اهل زوجك لاتروحين لهم الا بالمناسبات وخليكي رسمية..انتي طيبتك الزايدة خلتهم مايحترموكي خيررر تسحب الكرسي من تحتك وانتي حامل؟؟تخيللي جاكي نزيف وماتت بنتك طيبتك لاتنفعك ولاشي ودحينا بهالزمن اعمل خيرا شرا تلقى بس لماتكونين ماتعطيهم وجه وتعلميهم الله حق شوفي كيف بيسوون فيكي..بيشيلونك من الارض شيل ويحطونك بعيونك
وصدقيني مارح ترتاحين الا خرجتم من البيت وذكريه انك مشترطة بزواجك سكن مستقل وانك شفتي الويل من اهله والله ييرزقكك
~صمت الحنين~
~صمت الحنين~
على فكرة ام زوجي رافضة ان زوجي يطلع من البيت وهو يقول هاذي امي جنتي وناري ... وحتى وهو يعرف انها غلطانه علي يسكت ومايقول شي وهو يشوف بعينه ....!! وانا اكثر من مرة رحت بيت اهلي بس رجعت له عشان خاطر ابوي في كل مرة يصر علي ارجع .. لين صرت استحي اروح عند اهلي والله... ايش الحل انا اشكي لربي وحدة هو اعرف بعبادة بس الهم والحزن قتلنيييي
~صمت الحنين~
~صمت الحنين~
الف شكر على الردود حبيباتي انا قلت لزوجي بروح معك للقرية بس هو رفض ...!!! هو يسكن مع اصحابة في استراحة وقال اخاف عليكم اذا رحت لدوام وانتم بالشقة لحالك بقرية ....... تعبت معاة ياناس
أم مستجدة
أم مستجدة
الله يكون بعونك اختي
مالك الا الزن ع راس زوجك
لين ربي يسخره لك واحسني صلتك بالله وقويها
وصدقيني بينصرك
~صمت الحنين~
~صمت الحنين~
زوجي راسة يابس كيف اقنعة اتمنى والله هالشي وهالفكره ببالي من زمان ... بس رافض