كاسات وفناجيل
اكملكم القصه بس برد علي الاخت الجلسات سويتها بعيادات ديرما قبل سنتين الجلسه باللف وخمس ميه بس النتيجه طلعت بعد ثلاث شهور لما كملت على الكريمات وماعرف اسمائهم لانها عباره عن كريمات مخلوطه
مريت بفتره ضعفت الماديه وصرت ماصرف واجد يعني اغراضي اخذها من العطار بس غسول الوجه والمعجون والفرشاه الخيط اخذهم من الصيدليه بس اكتشفت انو العطار فيه اشياء واجد حلوه مثل الفازلين ادهن فيه ركب والاكواع وزيت اللوز المر سري الخطير اذكر مره كنت مستعجله وشلت بشفره سيقاني وطلع حبوب ومن خلال فرفرتي بالمنتديات اكتشفت انو الحبوب هذي نتيجه بكتريا تسكر عليها المسامات وافكر وافكر شسوي بعد مافشلت التجارب قررت اجيب كريم الاطفال كومفي حق الاتهاب الحفاظات عزكم الله واخلط معه شويه لوز مر بيدي وادهن سيقاني وكل يوم اسنفرهم بملح الحليب وقفاز بودي شوب وارش ماء ورد عليهم وعقب ادهن بالخلطه اللي سويتها واختفت الحبوب واللحين اسويها كل ماقشرت جسمي لازم اسويها عشان امنع الاتهاب وارطب سيقاني بس للامانه الخلطه تسمر شوي بس السيقان تلمع لمع
بعد كركم الجسم احطه مع الصابون المغربي والليمون ومااااااء الورد اللي ماستغني عنه
بعد ماولدت ترهل بطني شوي مع شريه سترج مارك مع اني ارطب يومياً وجربت بلمرز لشد الجسم وبيزلين وماء ورد وخل مافي فايده الي ان جربت خلطه لسان البحر والخل احطها واللف بكيس الاكل واسوي رياضه البطن يومياً اول يوم عشر مرات ثاني يوم عشرين وهكذا بعد ماتسبح احط زبده الكاكاو مع نتفه زيت لوز مر اسبوعين شد جسمي اختفت بس خط واحد صغير موجود بس خااااااااف حيل وكملت على الزبده الى الان استخدمها بس مو كل مره بالسبوع مرتين على فكره الرياضه مستمره عليها بعد وزدت عليها رياضه رفع المؤخره وبعد كنت اسنفر بطني بقهوه تركيه ثلاث ملاعق ويت زيتون وملعقه ملح وااسنفر اماكن السليولايت هذي الخلطه اخذتها من برنامج طالعه فيه كيم كرديشيان وتكلمت عنها
وستخدمت خلطه حلم بدون تفسير وزدت عليها عشره كيلو بشهرين بس كنت اشرب عصير منجو بدل اللبن
العطار اللي بحارتنا صار يعرفني ويعطيني سلف بعد يحليله
المهم خوات زوجي صارو يسألوني وش تسوين وش تسوين والله اني اقولهم بكل صدق بس مايصدقوني وصارو يقطون كلام اني مازنت الا بعد ماخذت اخوهم انا مو ناكره هالشي بس مو معناته انهم لهم فضل علي بجتهدي وبحثي صرت كذا صرت ماقولهم شي اصلاً هم مايعلمون بشي مو ناقصات شعور وجمال واجسام
وصارو يدخلون بدون استأذان غرفتي ولما صرت اسكرها يرسلون امهم عندي عشان يدخلون ورها وعيونهم شغالها ردارات بالغرفه ويدخلون حمامي الخاص بعد وياخذون من الكريمات ويصورون بتليفوناتهم بعد بدون حياء شلت كل الكريمات وشريت لي كبت صغير وحطيتهم فيه وحمامي شلت كل الخلطات وحطيتهم بدولاب علقته بالجدار
ووصيت اخوي شرى لي ثلاجه صغيره وحطيتها داخل دولاب تعليق الملابس فاضي مافيه شي حق العصاير والماء والخلطات لما طلعو من البيت دقيت عليه جابه لي للحين مايدرون عنها
لان كل شوي يقولون عايشه على الماء بس تشربين ماء شفتو الحسد واذا حطيت خلطه بس يسألون وش حقته وليش وش المناسبه وخلطه حلم بدون تفسير فضحوني فضيحه ماخلو احد ماعلموه
ومانكر فضل بنات منتداي الحبيب اللي هم خواتي
اللحين قاعده اعزل بيت لحالي عشان اسرح وامرح براحتي واجيب لي سير مشي
يتبع
onlyone
onlyone
جزاك الله خير
,.غنوجه.,
,.غنوجه.,
ماشالله عليك
روز الــــعــــود
كملي إسلوبك روعه
كاسات وفناجيل
مشكورين على الردود اللي تشجع اكمل واكوس بنيه مشكوره على النصيحه انا ماقلت شي غلط عن امي انا اقصد ان امي غير متعلمه وانا ماحب احد يقول كلام غلط عليها لانها امي وتاج راسي ولول الله ثم هي ماكنت عيشه اللحين اللي اقصده في امهات مشاء الله تهتم بناتها حناء وسدر وزيوت وتهوشهم اذا اللعبو بالشمس وامي ماتعترف بهالاشياء ولاعمرها قالت لي اهتمي بنفسك او شيلي شعر وجهك كثير لا مع انها كانت نفس صديقتي واكثر من امي يمكن ماكانت تحب تجرح مشاعري اللي بوصله انو اللي عندها بنت تعلمها الاساسيات وتحببها بنفسها
وامي احلى ام بالدنيا الله يخليها لي ولايحرمني منها
الاخت زهره الربيع حبوب من الصيدليه في انواع خوذي حق البشره وملح الحليب تلقينه عند العطارين وفي انواع بالحليب وبالافندر و الصبار