اخباركم حبايبي .. منتداي العزيز اللي اعشقه ..
انا متابعتكم من سنيييييييييييين .. و بديت من فتره اشارك ..
لكن انا ما احب ابالغ بالكلام .. ولا احب اقول شي الا متأكده منه اكيييييد
وشفت بموضوعي الاول تفاعل كبير وهذا هوو
تخلصت من 95% من "الرؤوس السوداء" .. ولي اكثر من "3 شهور" على هالحال ~ بالصور
.......
و الحين اقولكم ..
انا جربت اشيل بالحلاوه و الآله و الموس .. كلهم بعد فتره يطلعون نقط بنيه صغيره تخلي الساق مو حلووو
و غالبا هالنقط البنيه مو من نوعية الشيل .. لكن من طريقة الشيل ..
يعني اذا ما شلنا لو شعره وحده من جذورها ممكن تتحول الى هذي النقط البنيه
لا تقولون لي خل تفاح يشيلها او ليمون او حتى الحجره السوده ..
ايوه لا تستغربون الحجره السوده تشيل فقط الشعر اللي تحت الجلد و ليس النقط البنيه
للأسف انا جربت قالتلي وحده ادعكي رجولك بالحجره السوده او البيضه و بتشوفين والله الحجره تشيلها
و النتيجه اني تجرحت بدون فايده فقط راح الشعر اللي تحت الجلد
و صارت رجلي وع وع وع .. متجرحه و ونقط بنيه و نقط سوده من الجرح
----------------
المهم
قمت اخذت علبة بخاخ ..
..و عبيت نصه موية صحه
..و النص الثاني من البخاخ موية ورد
..و صرت ابخ على اساس ان الجروح تلتئم لاني مابي احط عليها مطهرات ثانيه و تقلب لون سيقاني اكثر
وبعد ما إلتئمت جروحي وكل شي ماوقفت من البخاخ
كنت كل يوم ابخ على سيقاني و حسيت ان النقط البنيه بدت تخف كثيييير
بعدين عشان اضمن ان البخاخ يروح لكل منطقه بسيقاني غيرت العلبه
حطيت بعلبة شامبو صغير عندي .. نص العلبه موية صحه و نصها موية ورد
..صرت استخدم القطن .. احط من العلبه (موية الورد + موية الصحه )
..و امسح على ساقي ..
----------------
النتايج :
مدة استخدامه:
مره وحده في اليوم .. قبل النوم ..
و لازم بالنسبه لي بعد الشاور ..
كيفية استخدامه:
حطي بالقطنه مخلوط (موية ورد + مويه ) .. انا ضفت المويه لان موية الورد مركزه وحبيت اخففها
النتيجه:
والله ثم الله ثم الله ان النقط البنيه خفت عندي تقريبا 85% بـ 3 اسابيع فقط ..
مدة النتيجه:
البخاخ استخدمته مدة اسبوعين ..
ولما غيرت العلبه استخدمتها اسبوع ..
ملاحظه/ كنت احيانا اسحب يوم او يومين ما احط .. لان احيانا اضطر انام برى البيت وما تكون عندي العلبه
يعني الاجماعي تقريبا : 3 اسابيع
السعر المستخدم كله:
11 ريال فقط ..
10 موية الورد
و 1 موية الصحه
و احيانا موية الورد تكون اقل سعرها حسب النوع
--------------
ان شاء الله ما طولت عليكم ولا كثرت كلام ..
حبيت اني افيدكم وما اطلب منكم الا ياااارب يتحقق اللي في بااالي و يجمعني معه ..
و أي سؤال حاضره حبايبي :22:
ربي يسعدك