كوبونات الراقية تسجيل الدخول

بريق&
بريق& •
انا بفصل لعيايلي غرف نوم

بنتين وولد

ابي تصاميم عشان اوريها محل البناء والعمار ويطبقونها لي


.....
ترنيمة عناد
ترنيمة عناد •
زوجي نور عيني زوجي نور عيني :
موضوعك جا بوقته حبيبتي انا عندي الصاله 7 في 8 ابغى اقلبها مودرن فيها اول مدخل يدخل على الصاله بجنب المدخل باب المطبخ وبنفس الصاله باب مفتوح على الصاله غرفه حريم وموزع على غرف النوم يعني الصاله واسعه وابغى افكار للصوفات والونها و الوان البويه بحيث تعطي انشراح للبيت ومنظر كلاسيكي مريح
موضوعك جا بوقته حبيبتي انا عندي الصاله 7 في 8 ابغى اقلبها مودرن فيها اول مدخل يدخل على الصاله...
بسم الله الرحمن الرحيم ..

انا راح اعطيكي اقتراحين وانتي شوفي اللي يناسبك




تسوين جدار واحد مقلم مثل هالالوان وبقية الجدران مثل اللون اللي هم مسوينه في جدار النافذة




وتفصلين الكنب نفس هالموديل جلسة كتصل زاوية وكرسيين مفرد الكرسي المتصل تخلين مكان الجلسة بيج فاتح مثل الصورة والظهر مشجر تفاحي وبني مثل الجدار وتوزعين خداديات سادة بهالالوان أما الكرسي المفرد تخلينه مشجر بنفس الوان تشجير الظهر والخداديات تكون بيج سادة



والستارة خليها شي ناعم وفخم مثل هالصورة بالنسبة للموديل أما الالوان فانا اقول مشجرة بنفس الوان الجدار بس يكون التشجير كبير يعني مو دقيق وما يبان لا شي واضح

كذا نكون خلصنا من الفكرة الاولى الفكرة الثانية هي اللونين الرصاصي والاصفر



تسوين جدارين متقابلين ورق جدران اصفر في رصاصي مثل الصورة وبقية الجدران رصاصي فاتح بعد مثل اللي في الصورة




وتفصلين لك طقم كنب من هالنوع وتنوعين في الاحجام يعني كرسي لشخص وثاني لشخصين وثالث لثلاث اشخاص وبعدين تشوفين من كل واحد جم قطعة تحتاجين وتخلين لونه بعضهم رصاصي وبعضهم اصفر الرصاصي تكون الخداديات اللي عليه اصفر والاصفر عليه خداديات رصاصي مثل هالصورة



في الاخير اتمنى تكون افكاري نالت على رضاج
+1
ترنيمة عناد
ترنيمة عناد •
نبراس الوفاء! نبراس الوفاء! :
أولا بسم الله ومشكوره أختي على موضوعك وعلى إهتمامك أبقولك أختي ترنيمه أنا على وشك أشتغل بغرفة نومي وشريت الغرفة لونها بني داخل عليه البيج ومحدد برصاصي أرجوك ساعديني بلون الجدران وهل أحط واحد مقلم والباقي ساده وإيش الالوان المناسبه وكيف ترتيب الغرفه لأن غرفتي صغيره مقاسها تقريبا 3,80 *5 وإيش لون الارضيه وكيف شكل الستاره لأني أببدأ أشتغل فيها قريبا جدا شاكره لك حسن إختيارك
أولا بسم الله ومشكوره أختي على موضوعك وعلى إهتمامك أبقولك أختي ترنيمه أنا على وشك أشتغل بغرفة...
نجي اول شي للون الجدار سوي جدار السرير مقلم بس مو اي تقليم مثل هالصورة عاد انتي غيري الالوان لبني وبيج والخطوط الضعيفة خليها رصاصي



وبقية الجدران سويها رصاصي عشان نبرز اللون الرصاصي لان مثل ما قلتي هو بس تحديد للاثاث

بالنسبة للارضية سويها لون فاتح عشان يوحي بالاتساع مثلا بيج فاتح او سكري عاد لا تخرجين من حدود هاللونين

بالنسبة لتوزيع الاثاث شرايج ترسمين لي مخطط بسيط للغرفة عشان اعرف مكان الشباك والباب والمكيف ونشوف شلون نوزع الاثاث

آخر شي بالنسبة للستارة سويها شي بسيط مثل هالصورة ناعمة حييل بس ممكن تغيري انتي من شيفون إلى قماش سميك شوي عشان ما يكشف أو ممكن تسوي لج النوافذ عازل وتخلين الستائر شيفون احلى واكشخ بالنسبة لالوان الستارة سويها بيج مثل الصورة وفهيا نقوش صغيرة بنية هم مثل الصورة لكن الحائية أو البوردور في الصورة ماروني انتي خليه رصاصي عشان يجمع كل الوان الغرفة

http://www.*****.cc/forum/imgcache/58109.png

في النهاية اتمنى اكون افدتج ولا تنسين حطي لي المخطط عشان اساعدج في تنظيم الاثاث وشوف اي جدار نخليه مقلم لان ماراح يصير حلو لو كان الجدار المقلم هو نفسه جدار الستارة لاوم الستارة تكون في جدار سادة عشان يبرزها

في الاخير اتمنى اكون افدتج
(( ام فيصل 2001 ))
(( ام فيصل 2001 )) •
انتظرك ياعسل
ومشكوره جزاك الله خير مقدما
نواعم8
نواعم8 •
الله يسعدك على هالموضوع الرائع انا ابغى اسوي غرفه لاولادي ياليت تعطيني فكره عن الصبغ انا ابغى السرير غامق يعني بني محروق ايش الصبغ الي يناسب والفراش