ابي طريقة العريكه؟

رفع

السلام عليكم 
طريقة العريكه ياطويلة العمر خذي مقدار من الدقيق البر واعجنيها بالماء وزيدي عليها شوية لبن  وملح  واعجنيها لين تصير زي عجينه الكيك  ثم صبيها في صينية تيفال وغطي عليها ودخليها الفرن لين تستوي لاكن مايقوى  قشرها  ثم طلعيها واكانك تعجنينها واضيفي لها شويه سمن عشان تصير لينه  واعركيها لين مايصير فيها  القشر حق الخبز ثم حطيها في الحافظه وصبي عليها سمن وعسل وزينيها بالتمر .. وبالهناء والعافيه 

انا عندي طريقه اخذتها من المنتدى ومعتمدتها من سنين،،
لذيذة جداً جربيها وبتدعيلي،،
جيبي مقدار كوب من التمر من دون النواه
وحطي عليه مويه يعني من كوبين لثلاث واغليهم على
النار عشر دقايق،،
وبعدين ارفعيهم عن النار واتركيهم شوي يدفى وبعدها
حطيه بالخلاط لين ينطحن التمر وماعاد يبين،،
خوذي هـ الخليط واعجنيه بدقيق بر لين يصير اثقل من
خليط الكيك بشوي،،
حطي بصينيه تيفال وغطي بقصدير وع الفرن،،
بس يخلص يصير زي الخبز اعركيه مضبوط مع شوي
سمن،،وزينيه بالأخير بالعسل،،
وبالعاااافيه،،
انا اتعب وانا اعركه عشان كذا اخلطه بست البيت اذا
عندك مرا ترتاحين،،

باجربها انا كمان الله يعطيكم العافيه
بس ينفع اسوي زي المطاعم واحط فوقها قشطه وجبنه شيدر مبشوره والا هذيك طريقتها غير مثل اللي في القرموشي وابو زيد؟؟

عريكتنا اهل الشمال
كاس ونص طحين بر وشوي ما وملح وملعقه صغيره خميره
اعجنيها واتركيها تختمر نص ساعه وافرديها وعالفرن
وبهدين اطحنيها بمفرمة اللحمه مع كم حبه تمر
جيبي صحن وحطي فيه الخبز المفروم وملعقه قشطه وقلبيها ززين وبعدين حطي قشطه عالوجه وجبنه صفر مبشوره وعسل
وصحه وعافيه