candy..

candy.. @candy_5

عضوة مميزة

&&& مطاطيز جدتي &&&

أطباق رئيسية





http://forum.hawaaworld.com/showthread.php?t=1304742




السلاااااااااام عليكم


كيف حالكم

اذا طيبين دوم

واذا اوب طيبين بعد دووم <<نذله


لا امزح ماني ناقصتن تكفيخ:icon31:

بما ان موضوعنا اليوم شعبي بدنا نحتسي عن شين شعبي

عشان اعطيكم الفايده

وبخلي موضوعي الوان عجايز :icon31:

بنتكلم عن البراقع






البرقع هو خرقتن سوداء مشقوقن عن العوينات وهي عادتن عند البدو

وصارت الحين عند الحضر

يعني تلقين الوحده اول لبستها حتى زوجها واخوانها وابوها مايعرف خشتها وماتفصخه الا لما ترقص شوط خاص :icon31:


ولا جت وحدتن عزيزتن عليها ترقص وتناقز قامت تشل برقعها بشكل سريع يعني ابكم شوفوا الزين :icon31:


واول اذا الوحده زوجها بيتناطح مع احدن من الرياجيل عند العرب تجي مرته وتشل برقعها عشان يشوف خشتها ويهايط عند الرياجيل والله يخلف على اللي قدامه

منه اشكال فيه الصقر والحمامه والببغاء لحدن يصدز:icon31:


لا فيه الصقر وفيه الاسلامي وفيه برقع ابو لمعه اللي بس يغطي الخشم مدري شيبي بالوجود حق الامراتيات

واذا مالتس خلق يرحم امتس لاتلبسينه :icon31:

7

7






اليوم الله يسلمكم طقت براسي اكلتن عندنا نجديه اسمها

المطازيز

تحلمت فيها اني اعرست وزوجي خنيفس جايبها لي عشى اول ليله <<يرحم امتس لاعد تحلمين :icon31:

وقمت من النوم ابتسي وتطق براسي الا ابيها

يالبااااااااااااااااااااااه

جدتي حنت علي وسوتها لي


ورحت دورة عليها بالنت وجبت صورها


كني كثرت الهرج

ارب موضوعي ما ينحذف للترفيهي
<<لايكثر الهرج



ابتس لاتردين الحين لحدن يقطع موضوعي خليني ابنزل طبختي بعدين ردي

يمنع وضع صور اشخاص في المواضيع
63
10K

هذا الموضوع مغلق.

candy..
candy..
وانا قاعدتن عندها وتسولفلي عن هروج العرب اول
المهم ابنزل الطبخه واهرج عن هروج جدتي

مقادير ياقلب العنا :



جزر اللي لونه برتغالي اللي تبون حطو

<<شفتوا جدتي حليوه تبي توفر عليكم

وكوسا اللي لونها اخضر وفي راسها شوك صغير

الكور الصغيره الخضرا اللي اسمها بازلا



طحين الاسمر البر


وملح


وليمون ودارسين

ومويه

وثوم وبصل والله من الريح

كمون

صلصه


كمن في الصوره




تقول جدتي اذا تبين تشلين الجزر بس شرط حطي قرع بداله <<حركات جدتي تشرط


هما الصحن المدور حطي فيه مويه والطحين وخبصيه واصفقيه والعبي بحسبته ليمن يصير تسذا




همن خذي يدتس ورطبيها وخذي العجينه اللي لعبتي بحسبتها وحطيها بين ايديتس وفريها يدينتس لمن تصير زي الكوره

كمن بالصوره






وبعدين هما الكور حطيها بين ايدينتس وبعديني اصفدزيها ((اصفقيها )) بيدتس الثانيه لما تصير تسذا

>>ينعن ام الثقه حاط يدينه




سوهن كلهن تصير كمن بالصوره




همن خذي البصل والثوم والكمون والصلصه مشاءالله الجماعه كلهم وقطيهم بالقدر وكفخين بالملاس لمن يتسنعون

ويصير لونهن ذهبي بعدين هما الماء خذيه وسبحيهم فيه كبيه عليهم

حطي الملح حسب الرغبه يعني اذا رجلتس فيه ظغط بعد حطيه

تسذا



على نار وسط سمالله عليها رقيقه

وخليها 35 دقيزه





وبعد مرور الوقت اللي اتفدزنا عليها خذي الخضروات وكبيها معهم باالدزر

وخليها 15 دقيزه تكفيها على نار راكده هاديه




وبتسذا كملت الخمسين دقيزه

بس يالسنعه اذي كنتي حاطتن المطازيز واجد ومع اللحم خليها وققت اطول

لمن تكتمل

تصير تسذا

حركات بعد حاطن لبن



هنا اقرب






سوالفنا انا وجدتي

قلت الجدتي كلميني العشق اول ياجده يومن قالت آآآآآآه دريت ان وراها علم

قالتلي اول ماعندنا ترقيم وخرابيط واشحنلي واشحنلك

>>حسيت ان جدتي ام اللكاعه فيهااوخص تعرف الترقيم
اول مابه اثنين يحبون بعض الا يتزوجون



قلتلها طيب كيف يتعرفون


قالت اول هما الحريم يروحون

يعشبون للغنم ويرعونها يطلع بخشتها احد هالشهبان ويحبها

ولايكون منخش ويقز يدورله وحده

قلت طيب ياجده ان كان خشتها وجه عنز


قالت كيفه هو وحظه

قلت ياجده طيب انتي احدن عشقتس الا وتقحص جدتي كن احدن قارصها وتحذفني بالجيك

ابتس وراتس ماتسكتين ياقليلة الحيا

يامال المر اللي يفضخ كبدتس




وحطيت رجلي ونحشت

طبعا الصور لاطشتها لو تشوفني جدتي اصور ان تكفخني بملاسها ليمن اقول بس

ويامال العافيه سامحوني طولت الهرج

طهر الفرح
طهر الفرح
الله والله ودي اسويه
بس اعذريني على سؤالي
المويا اللي مع العجين كم مقدارها وكم مقدار العجين !!
وبرضو المويا اللي في القدر كم مقدارها !!
جنى26
جنى26
ههههههه

بالعافيه على قلوبكم والله يخلي لكم جدتكم

والله احرجتيهاااااا بسؤالك ؟؟؟؟؟؟كان حطيتي لها اغنيت مااااااااا اروعك ,,,,خخخ تراي امزح
نسايم الشرق
نسايم الشرق
هههههههههههههههههههههههههههههههههههههههههه

الله يسعدك يارب

وبالعافيه عليكم
candy..
candy..
ههههههه بالعافيه على قلوبكم والله يخلي لكم جدتكم والله احرجتيهاااااا بسؤالك ؟؟؟؟؟؟كان حطيتي لها اغنيت مااااااااا اروعك ,,,,خخخ تراي امزح
ههههههه بالعافيه على قلوبكم والله يخلي لكم جدتكم والله احرجتيهاااااا بسؤالك ؟؟؟؟؟؟كان حطيتي...
حبيبتي انتي تقدرينها يعني اللي مع العجين حطي المويه لما تماسك تقريبا نص كاس



واللي بالقدر خليها لما تغطيها اتوقع ذل اللي شفته قدامي :icon31:


على فكره في جاهزه بس اطبخيها







ياقلبي ويخليتس لعين ترجيتس

وياعافي قلبتس


:icon31: خلاص ابشري ابشغلها لها