لصاحبة الموضوع والبنات اللي ردوا

أسأل الله أن يجزاكم الجنة بغير حساب

يشهد الله اني داخلة المنتدى وكنت ابغى أسأل عن أغراض الحج

لأني بإذن الله ناوية أحج

********************

تذكرت اشياء مهمة ورجعت لك ..

انا قبل يومين سألت الوالدة عن الأغراض المهمة للحج

وقالت فديتها ::: أهم حاجة خذي معاك مشد لظهرك لأن الظهر مع كثرة المشي راح يتعبك كثيييييير واول ما يقولوا طواف الإفاضة ورمي الجمرات ألبسي المشد ...

وأخوية ( الله يوفقه ) قالي ::: خذي معاك قطرة من الصيدلية مكونة من الماء والملح ...واستخدميها على طول ...لأن أغلب الأمراض تدخل عن طريق الأنف ...

الله يسهل لنا ولك ويكتب لنا الخير والصلاح

خذي لك لبس لكل يوم شامل داخلي وخارجي شرابات بعدد الايام حذاء رياضي
فوط صحية للاستعمال اليومي سراوييل داخليه قطن طوال وكريم للحساسيه كيناكومب احتياط اذا صار احتكاك
صابون وشامبو ومزيل للعرق كلها غير عطريه مشط
مقص بنادول كريم للعضلات اذا صار عندك شد اوماقدرتي تمشين
جلابيه ناعمة للعيد او تيورناعم وساتر علشان تحسين بفرحة العيد
اخذي احتياط زيادة عباية وغطاء للوجه ديتول وبعد التحلل الاول يجوز لبس النقاب خذي واحد احتياط اذا كنتي ماتشوفين زين بالغطاء
كتب عن الحج قران والله يتقبل منك حجك ويردك سالمة

شوفي يا عيوني ...

انا العام حجيت والله الحمد وبقولك الاغراض المهمه لتنقل

وقت اداء المناسك ......... اما الباقي فا البنات جزاهم الله

خير ما قصرو كلشي كتبوه لك .....

اول شي ...فتامين سي الفوار ... كنت لازم استعمله على

شان يعطين طاقه وقوه واقدر اتحمل ....طبعآ وانا رايحه

اادي المناسك اشربه ...

ثاني شي ...شنطه صغيره تكون من تحت العبايه تعلقينه

على كتفك ..وتحطين فيها سجاده القماش الخفيف و قران

صغير والجوال طبعآ وشوي فلوس لك وكان تبين لصدقه و

معقم يدين و مسواك وحصن المسلم ..

كانت ملازمتني وين ما اروح..

ثالث شي..الشراب القطني الي على القدم بس يريح

رجلينك وقت الطواف والسعي ولا تعورك كعب الرجل

مريحه مره ..

رابع شي ..خوذي النعال الربل خفيفه مرررررررررره ومريحه

شوري عليك الي تدسين رجلك فيها ... انتبهي مو شحاط

خامس شي ..شراب وفازلين للاقدام ضاروري وبنادول لزوم

الصداع ........

سادس شي .. خوذي طرحه اسلاكه كبيره وناعمه على

شان تقدرين تشوفين طريقك وتتنفسين زين..


وصدقين بترتاحين وتنبسطين لن كل هالي تسوينه طاعة

للخالق وطلب رضاه ...والله يتمم حجك ويتقبل منك وترجعين

سالمه ..وكثري من قراة القران ..

نسيت الفازلين وهو اهم شي بالشنطه لان العام جان باعوض الله لا يوريك

اذا حسيتي باسم باعوضه ادهني جسمك فازلين .. وان شاءالله ما يقرب لك

شوري عليك الجزمة الرياضيه لا تقربينها

اسال مجرب ولا تسال طبيب

والنقاب ما يجوز تقربينه ايلين تطوفين طواف الوداع

وانا العام ساله شيخ ... لا تخربين حجتك بيدك


والله يسهلك حجك .. واي سوال انا حاضرة

اختي فيه بملتقى حواء تجمع للحاجات ماشاء الله شفته
الله يقبل منكم روحي هناك ادخلي واقرئيه بتستفيدين كثير
ولاتنسين تدعين لي
الله يرزقنا يارب