هذى تجربتى الشخصيه اضعها بين يديكم للاستفادة من التجربه
وتجنب الاخطاء التى وقعت بها
اولا بحثت وقريت كثير عن الكراتين وانواعه واسعاره وكنت مترددة كثير اخاف بدل ما اكحلها اعميها
بس سبحان الله الانسان مسير ليس مخير واحيانن الصدف لها دور
رب يسر لنا سفره للامارات هذى الصيفيه
وجاء الكراتين على بالى قلت باشتريه واسويه لنفسي في البيت
وانا اتسوق كل مامريت جنب صيدليه سالتهم عنه ودلونى على
صالون نسائى موجود فيه رحت لهم وسالتم عنه
قالوا تبين الفرد والا المعالج قلت ابى الفرد
جابت لي 3 علب 1-شامبو لتهيئة الشعر 2- الفرد 3- المثبت
شريتهم وشريت معاهم شامبوا خاص سعرهم الدرهم 1800
والشامبو150
بعد مارجعت لبيتى فكرة اسويه لنفسي بس خفت مايزبط معاى
خصوصن وقت فرد الشعر بالسرميك
فكلمت مشغل وطلبت عامله تجينى للبيت
واليوم اللى قبله سويت تجربه على خصله من الشعر لانى كنت حاطه حنا قبل فتره وخفت يحترق الشعر
بس الحمد لله ماتاثر
جت العامله وابتدى الشغل جلست تشتغل 6 ساعات والله ما ابالغ مع ان شعري قليل وتحت اكتافي بشوى والعامله شاطره ومخلصه
بس يبيله شغل صح الاول يغسل بالشامبو بعدين يجفف نص تجفيف ثم يوزع المعالج للفرد زيا لصبغه ثم يجفف الشعر وهو فيه نص تجفيف ثم يبداء الفرد بالسراميك خصله خصله والله لايوريكم الريحه القويه اللى تطلع لبسنا كمامات بس مافي فايده والعيون تدمع المكيفات شغاله والبيبان والدرايش مفتوحه وتعذيب صراحه الريحه خلصت فرد وبعدها غسلنا الشعر وبعده حطينا المثبت
شوى وغسلناه ورجعت فردت الشعر بمكوى السراميك وقالت لى
لاتغسلين شعرك مدة ثلاث ايام مع انه خلاص مافيه اى مادة
وقالت لى اذا حطيتى شباصات في الشعر ارجعى افرديه بالسراميك كل يوم وبعد 3ايام اغسليه عادى لكن بالشامبو الخاص
انا كنت احط شباصه في شعري وقت الشغل ولما اشيلها الاقيه مفرود مااثرت فيه الشباصه فما اكويه كان طايح مره زي الفلبينيات وثالث يوم غسلته والحمد لله طلع حلو وكانه ناعم طبيعي بس مكان الشباصات طلع مكسر يعنى طلع شعري مفرود لين مكان الشباصه مموج تمويجتين كبار لانى ماكنة اكويه بعد ما شيل الشباصه مع انه ماكان يبين على الشعر بس سبحان الله بين بعد الترويشه وخلاص صار كذا طبيعى بس لو بقصه من تحت بتروح وبيصير عادى بس احب الشعر الطويل وما ودى اقصه لذلك افكر بعد فتره ارجع افرده واطبق التعليمات بالتفصيل وصراحه ارتحت راحه مابعدها ماصرت اشيل هم التسبيحه النوع اللى استحدمته عجب العامله تقول هذا الاصلى مو موجود بالسعوديه مكتوب عليه كرستال كيراتين العلب بيضاء مرسوم عليها ثلاث مثلثات صغير بعدين اكبر بعدين اكبر والحمد لله النتيجه مرضيه شعري اساسا مو خشن بس مموج وينفش والشعره خفيفه وملمسها ناعم اتمنا اكونا فدتكم بتجربتى واى استفسار اهلين وسهلين بس انا مازالت مشاركاتى محدوده فراعوا ذلك لو تاخرت في الرد
الحياه مدرسه @alhyah_mdrsh
عضوة جديدة
يلزم عليك تسجيل الدخول أولًا لكتابة تعليق.
ودي اعمل كيرلتين فرد في الرياض بس وش المشغل المضمووووون بناات الى تعرف تدلني الله يجزاهااا الجنة
مشاءالله روعه ..
حبيت فكرة الكيراتين ..
اذكر يومي بدبي مول في مشغل اطرحت علي الكيرلتين بس ترددت ..
حبيت فكرة الكيراتين ..
اذكر يومي بدبي مول في مشغل اطرحت علي الكيرلتين بس ترددت ..
الصفحة الأخيرة
وغريبه غسلتيه اسمع انه يجلس بالشعر