أم اللمورة : هلا بأهل جدة بالنسبة للمهندس المعماري ما اقدر أفيدك لإنه نحن عملنا المخطط عند واحد والمقاول للعظم ثاني مو نفس المكتب والتشطيب نحن اللي نسويه يعني ماعندنا مهندس بس لو تبغي عنوان المهندس اللي سوا لنا الخرائط ممكن ارسلك بس احسن لو تسوي انتي الخرائط مبدئيا وتروحي له وفيه واحدة هنا في المنتدى اسمها ملكة الحسن تعمل خرائط مبدئية رهيبة شفت لها كم تصميم من زمان حلو كثير فأنصحك تعملي عندها عشان حتكون واحدة تقدري تتواصلي معاها باللي تبغينه بسهولة مش زي المهندس

بالنسبة للصالة والدرج لو عندك مساحة كافية اعملي درجين واحد للخدمة والشغالة واحد في منتصف البيت ولو ماعندك مساحة اعمليه واحد بس مو من نصف البيت
نصيحة قبل ما تفكري في المخطط روحي دوري في الفلل اللي معروضة للبيع وخذي أفكار

غلا الروح مأخراك عشان أفضى لسؤالك ترى ما نسيته :)

غلا الروح :بالنسبة للميزانية ما ابغى أحطمك :)

حطي ميزانية واتعبي وتطلع بعدين كلها مضروبة زي اللي حاصل معانا يعني لازم تتعديها فأحسن شيء تعملوا حساب الزيادة لإنه انتي بتحطي في الميزانية اشياء ولازم تطلع لك اشياء منتي عاملة حسابها
على سبيل المثال لا الحصر : نحن عاملين حساب أعمال العزل المائي مبلغ معين بس من هبالتنا اضطرينا نعمل العزل 3 مرات ليه
لإنه نحن بلطنا سطوح البيت في الأول من فترة قبل 8 شهور تقريبا فقلنا لنفسنا عشان نوفر خلينا نعمل العزل للسطوح وحمامات الدور الأول كلها والبانتري طبعا ونخلص ولما بدأنا الحين نبلط طبعا الحمامات قبل ما نبدأ شفنا العزل ( إذا انخدش خلاص ما في فايدة منه ) خرب قمنا كررنا العمل ( هبالة ) خلصوا سيراميك الحائط رجع طبعا اتخدش رجعنا عملناه مرة ثالثة أيه رأيك في شغل الهبالة هذه :)

وهكذا دواليك

بس عموما اللي قالته الأخت رتووش صح ميه في الميه

اللي ممكن نستغني عنه وضرره بسيط مافي مشكله

يعني عن نفسي استغنيت عن الشفاطات السقفية لإنها بتكون مكلفة من ناحية انها تضطرني اعمل سقف ساقط لكل الحمامات والمطبخ وهذا مكلف بحد ذاته خلاص تجي الغبرة وأنظفها في الأخير هي حمامات وممكن بسهولة تتنظف

استغنيت عن واجهة الحجر لإنها بتكلف كثير والصبغ ارخص

اسغنيت عن العزل الحراري مع أني كنت مصرة كثير عليه لإنه في جدة ما عندنا برودة بس الحرارة ونحن المكيفات في الصيف 24 ساعة شغالة عندنا وأنا في الدور الأرضي في شقتي الان وفوقي ناس يعني عزل:) يعني هي هي سواء في عزل أو مافي المكيفات شغالة شغالة ونفس الصرفيه

فأحسن شيء انتي قبل كل شيء تعملي ميزانية تقديريه لكل مرحلة حسب متوسط الأسعار اللي عندكم
وتعملي زيادة شوي للطوارئ وبعدين تشوفي كم اللي عندكم وحتكفي ولا لا وإذا شفتي أنها ما بتكفي تنازلي عن بعض الأشياء اللي ممكن تأخرونها بعدين تقدروا تعملوها مثلا انا أجلت الدور الأرضي وتشطيبه ماعدا مجلس واحد والمطبخ شطبتهم والباقي بعدين عشان أقدر أخلص وأحول وأوفر من الإيجار

والله يوفقنا

الله يا سحر .....ماشاء الله مخططك حلووو ونعوووووم

الصراحة مرررررة عجبني

بس عندي ملاحظة بسيطة ليش ما تلغي الجدار اللي قدام مدخل الرجال ويصير المدخل واسع اكثر وتقدري تلبسي الجدار الدائري بالحجر الطبيعي فيعطي منظر رائع وفخم للمدخل و تقدري تحطي طاوله انتيك دائريه في المكان الفاضي قبال الجدار الدائري وسط المدخل مع شوية اكسسوارات
هذا التصميم لازم يتشطب بعناية عشان تكتمل حلاوته

حاولي تنزلي مخطط الدور الثاني شوقتيني اشوفه

ام اللمورة انا افضل ان الصالة لو انها بتكون معيشة تكون بعيدة عن مدخل الضيوف
تعرفي الواحد لازم ياخذ راحتة في بيته واوقات يطبوا ناس فجأة وانتوا قاعدين وابو الشباب منسدح على الكنبة وحوسة العيال وووو
الا لو عندك معيشة فوق او مخصصة معيشة معزولة بالدور الارضي غير الصالة في هذه الحالة ممكن

الدرج افضل انه يكون قريب من الصالة والمطبخ متوسط في البيت وما يكشف على صوالين النساء
اما بخصوص المهندس ما عندي فكرة والله ان شاء الله الاخوات يفيدوك اكثر

السلاااااااااااااام عليكم
اتمنى انكم تقبلوني معاكم لانا بدينا في المخطط
وابغاكم تعطوني افكار عن ترتيب الغرف والاساسيات لاني مبتدائه
وماشالله عليكم عندكم خبره ولا احسن مهندس الله يوفقكم
وبيتنا بيكون دور واحد على قدنا علشان كذا ابغى اتفنن فيه
وسلااااااااااااامتكم