بقولكم شو أعمل من وقت ما أصحى الصباح الين أنام تيب
رجاء خاص أي وحده تدخل تقرأ تذكر الله وتقول ماشاء الله ترى العين حق
(هذي عنايتي الداخليه) :
1 ) حبايبي اول شي أنا ما آكل شوكلاته ولا مقلي ولادهون و لا شبسات وقمبريات وخرابيط
نهائيا <<< لانو هذي الخرابيط تسبب حبوب ودهون بالجسم وتشققات اللي هيا الخطوط الحمراء وبلاوي وقرف
وعندي حساسية اللاكتوز والبروتين يعني ما آكل سمك ولاتونه و ما اشرب حليب ولا آكل جبنه وبيض وقشطه ولا لبنه لانو جسمي ومعدتي مايتقبلو حليب البقر ابدا لو اكلتهم أو شربت تجيني خنقه بصدري وكتمه وضيق تنفس وحبوب بجسمي ووجهي والشوكلاته فيها حليب بقر بس أشرب حليب الصويا لانه مررره كويس لأي شخص عنده هدي الحساسيه ( حليب الصويا آخذه من بنده أو الدانوب بقسم الأكل الصحي حق الدايت ( الرجيم ) في انواع بالشوكلاته والفانيلا بس انا آخذ الخالص مافي شي وعادي ينفع اللي بالشوكلاته لانه مافي حليب بقر ابدا كمان ىخذ حبوب الصويا نفسها أنقعها طوال الليل والصبح أغليها بقدر الضغط لانها ماتنفع بالقدر العادي تاخذ عليه فوق 3 ساعات لكن بالضغط ع طول تنجح وبعدها أرشها ع السلطه او اطبخها ماراح اكتب التفاصيل بس اللي يبغاها عشان عندو الحساسيه هدي يكلمني ع الخاص وبرسلو ) بس انتو عادي كثرو من أكل السمك و التونه كبو الزيت اللي بداخلها و اعصرو عليها نص حبة ليمون بيروح كل الزيت وتسير صحيه وكثرو من شرب الحليب قليل الدسم وتقدرو تاخذو حليب المراعلي قليل الدسم وطويل الاجل يعني تاريخه ماينتهي بسرعه يجلس فتره طويله ..
2) آكل بطاطس مسلوق أو مشوي بالفرن بدال المقلي
3) ما اسهر كثير يعني نا
درا للضوروه أو للمناسبات ولو اي وحده فيها حبوب توقف المكياج فترة العلاج الين تختفي الحبوب تبدأ تحط المكياج معلومه مهمه أيام الدوره ما اغسل شعري الا لو في مناسبه يعني بستسوره لأنو الدو ينقطع وكذا غلط ولا ادهن شعري أيام الدوره
وكل يوم كمان اشرب مويا بالقاروره أبو نص واحط عليها موية ورد بنفس العطاء حق علبة موية الورد
يعني 8 علب باليوم طبعا نفس العلبه كل ماخلصت اعبيها مويا وكل يوم اغسلها
4) أغذي نفسي من الداخل لانو مهما سويت ماحلاقي نتيجه حلوه بدون ماأعالج نفسي من الداخل بالغذاء الصحي
5) هذا كريم افالون للتشققات مره حلو لو جلستي تستخدميه من أول شهر بالحمل الين التاسع بطنك ماتترهل ولا يطلعلها خط
من التشققات وكويس كمان بعد الولاده لو كان فيكي وماكنتي تستخدمي شي وباي وقت تطلع التشققات لأي شخص حتى لو كانت بسبب زيادة وزن يعني كمان ينفع للبنات فهمتو عشان ماحد يسألني 6) أشترو جهاز رياضه اسمه ( أوربت تراك ) اللي بدون كرسي سعره ب 375 ريال من يو مارك مرره خطير ينحت الجسم ويشده
سوي رياضه يوميا خليها شي مهم بحياتك زي شرب المويا لاتتركينها ولا يوم و افضل وقت في الصباح قبل الفطور ( أنا كل يوم اسويها قبل الفطور )
أمشي نص ساعه أسوي احماء لجسمك وبعدها اطلع ع الجهاز ولو وقفت عليه بالعكس يكون ظهري لوجه الجهاز هذي الطريقه تشد الجسم كله ولو سويته بالعكس أنحف ويسير وزني مثالي بس لازم توزني وتشوفي كم وزنك لانو هذا يعتبر أول علاج للتشققات لازم توصلي للوزن المثالي ضروررري وبعد ماتخلصو من الرياضه اتروشو أستخدمو الصنفره اللي كتبتها تحت وفي طريقه ثانيه حلوه تجيبي بن حق القهوه اي نوع ومويا حاره أخطيهم مع بعض وبعد ماتشطفي جسمك من الصابون أدهنيها بجسمك وسوي مساج بحركات دائريه لو كنتي دوبا ووزنك زايد ادهنيه بجسمك كلو ولو نحيفه و وزنك مثالي بس أدهنيه مكان التشققاتل بحر كات دائريه الين يحمر وبتطلع دهون هذي الدهون الزايده اللي بجسمك ومسويه التشققات <<< هذي الطريقه ما اقدر أتكلم عليها من كثر ماهي تجنننن وتدوخ مررررره خطيره تشد الجسم مرررررره وتفتح وتوحد اللون لأي مكان بالجسم ومفعولها خطير للمؤخره يعني من وراء فهمتي .. تشدها وتكوره تخليها مرفوعه لفوق و مغريه جدا وحتى اللي تبا صدرها ينشد و يصغر مره كويسه لها
أدهنيها وحركي تمام و أشطفيها بموية الترمس كبي الجك ع جسمك كله و وجهك و اطلعي من الحمام
رطبي جسمك بالكريم اللي كتبته تحت بس وجهك لاتحطين عليه البن عشان ماتروح خدودك و النحيفه لاتستخدم هذي الطريقه أبدا بتنحفها أكثر
7) كل يوم في الصباح اصلي الفجر و اقرأ الاذكار و احصن نفسي
وأشرب ع الريق نص كاسه مويا دافيه عليها م ك عسل أسود .. تلقينه بالسوبرماركت .
و 7 حبات حبه سوداء + كاسه عصير برتقال طازج ولو ما أتوفر الطازج لمدة يومين أو يوم فقط خذي عصير برتقال
لشركة المراعي لاتاخذين غيره لانه خالي من السكريات بس حاولو يكون الطازج متوفر كل يوم + عصير شمندر (هذا نوع من الخضار ) آخذه وأعصره بعصارة الجزر وأصبو في الكاسه البلاستك اللي نرميها بعد الاستخدام يسير نصها شمندر والنص الباقي عصير برتقال من دون اضافة مويا أو سكر
بعد ىخذ هذا كله بعد ساعه أو ساعتين ابدأ أفطر بس زي ماقلنا الخرابيط أبعدو عنها و اتحملو حتى لو شفتو البنات ياكلونها قولو بنفسكم ماحد بينفعنا لو أنعدمت بشرتنا..
آكل صحن سطله خضراء كل يوم ع الغداء زي ( بقدونس + نعناع + كزبره + خس + جرجير + ملعقه كبيره زعتر أخضر اللي يجي بالكيلو أفضل شي + سبانخ ) أحركهم تمام بدون اضافة ملح أو ليمون بس أحط نقاط زيت زيتون أصلي و أحركهم تمام وآكلهم بالعافيه ..
ممكن قبل الغداء تاكلو فواكهه أي نوع تحبونه وقبل النوم زبادي قليل دسم ضروري حتى لو تعشيتو برا البيت لمن ترجعو خذوه
ولو تحسو بدوخه روحو أقرب مستوصف سوي تحليل دم لو عندك نقص خلي الدكتور يوصفلك فيتامين من الصيدليه و عادي جدا مايضر لاتخافين بس هو يعتبر مكمل غذائي
الأهم خليكم ريلاكس هدو اعصابكم لاتتنرفزو بسرعه وتزعلو ترى الحبوب تكثر و تزيد و اشربو شاي نعناع وحبك مرره طعمه حلو يهدي الاعصاب
ولو دهنتو شعرك محاولي ماينزل الزيت لوجهك ولو نزل أغسليه ع طول ومسحيه بالمسحات الطبيه
أشرب كل يوم فنجان شاي أخضر بعد ساعه من الغداء كويس ينشط الدوره الدمويه وكويس للقولون .. يكون منقوع بمويا حاره لمدة 10 دقايق لاتغلونه ع النار ابدا مو كويس أنا سمعته من دكتوره بالتلفزيون تقول أي شاي مانغليه حتى لو أسود ..
مرتين بالأسبوع أو 3 أشرب زنجبيل أخضر طازج يكون منقوع بمويا حاره
ولو تشربو 3 مرات باليوم عصير برتقال يكون افضل يعني كاسه في الصباح ع الريق وكاسه قبل الغداء وكاسه في المغرب أو قبل النوم يعني تكون 3 برتقالات باليوم
( هذي عنايتي الخارجيه ) :
( عنايتي بشعري )
زيت نارجيل العلبه الحديد + فص ثوم واحد مدقوق بالهاوند + ملعقه كبيره زعتر أخضر مطحون حق الأكل +ورقتين نعناع ولو أتوفر حبق يكون كويس كمان ورقتين منه + 1 م ك من بذور البصل مطحونه ( من العطار حبوب لونها أسود ) و أنا أطحنها في البيت
ادخلهم بعلبة النارجيل الحديد أخليهم يتنقعو يومين وبعدها استخدمها بدون ما أصفيهم وماتطلع ريحة الثوم لانه النعناع والحبق سحبو ريحة الثوم
أدهن شعري و أظفره ظفيره وحده و أخليه 6 ساعات بعدها أغسله بشامبو ألو ايفا بالصبار و أحط المنشفه الين أرطب جسمي وألبس انزل المنشفه وأفرق شعري أرباع أحط براحة يدي نقطه من زيت ألو ايفا بالصبار + شويا من كريم ألو ايفا بالصبار و أمسح كل ربع بالكريم والزيت اللي بيدي و أمشطه بمشط خشب من بودي شوب أسنانه عريضه و مفرقه ( مايشبك الشعر ولايقصفه ) للأمانه أنا كل يوم أدهن شعري لاني ابغاه يطول كثير يوصل الين فخوذي :biggrinlo:biggrin:
مرتين بالاسبوع أستخدم ( حمام زيت بانويل بالقمح و أحط فوقه أصغر علبه من زيت الفازلين اللي هو التونك ) أخلطهم مع بعض ووقت الاستخدام أحط بشعري خصله خصله ولا اقربه للفروه لانه غلط يساقط الشعر ..
(عنايتي بعيوني )
كحل آثمد ?مـْْ?ـْْن العطار اصلي ولونه بني فاتح آخذ نواة التمر أو البذر حق التمر اللي تجي داخله أحمسها الين تسير سوده وأدقها بالهاوند بعدين أطحنها تمام وأجيب مقادير متساويه ?مـْْ?ـْْن الإثمد ومطحون البذره أخلطهم مع بعض وأعبيه بعلبة الكحل حق زمان الحديد واكحل كل يوم وبكل وقت صباح وعصر وقبل النوم و ينفع تحطو الكحل بأي علبه وبس تدخلو الميل اللي يكحلو في العلبه .
( توسع العيون وتطول الرموش وتكثرها تخليها كأنها تركيبه وربي و تعالج التهابات العين والحمار وتقوي النظر ومع كثرة الاستخدام مايحتاج الشخص للنظاره أبدا )
( عنايتي بشفايفي )
أحط مرطب لابيلو بالفراوله من الصيدليه طول الوقت ارطب شفايفي منه حتىلو طلعت برا أخليه في الشنطه يخلي الشفايف ورديه وناااعمه ( لمن احط الصنفره بوجهي أحطها ع شفايفي و اصنفرها تمام ولمن أطلع من الحمام ارطبها بلابيلو )
( عنايتي بوجهي )
صابونة المره + صابونة الغار الأصليه شكلها مربع و تكون من دون كرتون ومكتوب عليها حلب يعني العطارين يجيبونها من سوريا أو الأردن لاتاخذوغيرها دورو عليها بكل العطارين و الأسواق الشعبيه ولو كنتو بجده حقولكم وين تنباع ؟؟
أغسل وجهي بالمره في الصباح وفي الليل قبل ما أنام بالغار . ( نصيحه اللي حامل لاتستخدم صابونة المره لانها منشطه للرحم وتسقط الجنين بس لو بنت أو نفاس عادي مره كويسه )
( عنايتي بالابط )
أفضل انو بعد الاستحمام لو كنت في البيت وما عندي طلعه أحط كريم سودو حق الأطفال ع الابط وماتطلع ريحه ابدا ويفتح
بس لو كنت بخرج أحط مزيل عرق من بيزلين كرتونه ابيض مرسوم عليه زي مكعات الثلج لونهم أزرق في الصيدليه وبنده
بس وقت النوم في الليل ما أحط مزيل أبدا
( عنايتي بجسمي كااامل )
أتروش مرتين باليوم أول مره استخدمي صابونة المره في الصباح بعد الرياضه و في الليل قبل ما أنام أتروش و أستخدم صابونة الغار طبعا كلهم لوجهي وجسمي .
الترطيب لجسمي و وجهي بعد الاستحمام ( الترويش )
1) علبه وسط كريم جلسوليد + كريم أفالون المبيض ) أخلطهم مع بعض و احطهم بعلبه و أرطب من راسي لساسي :buck: حتى المنطقه الحساسه أمسح عليها
يعني من رقبتي الين أصابع رجولي ( الكريم يفتح البشره يرجع لونها الطبيعي و يوحد لون الجسم كله و مايكون في بياض أبدا مافي بياض ومبالغه زايده .. مالهم أي ضرر لانو الشركه كل منتجاتهم طبيعيه ومضمونه ماتضر ابدا ونتايجها بطيئه تاخذ وقتها ومافيها كرتزيون وخرابيط زي باقي الكريمات اللي تفتح وبعدين تسود وتعدم البشره كمان أنا أستخدمتو و وقفتو شهرين قلت بشوف وربي النتيجه زي ماهيا لاني متبعه باقي النظام والكريم وقفته بس رجعتله لاني أطمنت انو مايضرني بالعكس يفيدني و كمان قريت كلام للدكتور جابر القحطاني انو أي منتج لهذي الشركه مايضر الحامل و المرضع أبدا وبحث لقيت تجارب لحريم يقولو الدكاتره وصفولهم هذا الكريم وقت الحمل )
و اللي تبغى كميه كبيره تاخذ اكبر علبه لجلسوليد + 2 من افالون
أنا دايما البس شراريب ما انزلها من رجلي الا وقت النوم بس أيام الدوره ما أنزلها طول الوقت لابستها
هذا لكريم في الصباح بس
2) وفي الليل أتروش مره ثانيه وأجفف جسمي و أرطب ب ( موية ورد اصليه + جلسرين سائل زي الزيت من الصيدليه ) أجيب علبة بخاخ أغسلها و أعقمها و أحط موية ورد نص العلبه و أقل من النص جلسرين عشان مايكون مدهن و أبخ بجسمي و أمسح بيدي ع كل مكان حتى الابط و المنطقه الحساسه أبخ عليهم وبسرعه ينشف كأنه مويا و ألبس قميص بدون كلوت ولا سنتيانه ويوم أدهن بزيت زيتون اصلي أصلي أصلي فهمتو يعني يوم البخاخ ويوم زيت زيتون كمان أحطه في بخاخ لحاله مامعاه شي ابدا وبنفس الطريقه وتكون مسحات خفيفه عشان البشره تتشربه بسرعه و أقرأ الأذكار و أنام
3) آخذ من العطار ترمس مطحون أو حبوب و أطحنه بالبيت أجيب مقدار فنجان الشاي ترمس مطحون + مويا انقع الترمس في مويا طوال الليل بعدها اصفيه و احطه بعلبه في الثلاجه وبعد كل استحمام أنزل آخذه من الثلاجه و أحطه ع جسمي كله حتى وجهي و أطلع من الحمام و ارطب جسمي و وجهي ( لازم يكون في الثلاجه لانو المويا البارد يشد البشره ويوردها ويقفل المسام وعادي مايخرب وكل ماخلص سوي مره ثانيه و الأفضل انكم تشترو الحبوب لانو تكون الكميه كثيره وتطحنوها بالمحلات اللي يطحنو البن تاخذو الكميه اللي تحتاجوها والباقي بالفريزر )
يعني تكون الصنفره 3 ايام بالاسبوع و القناع 3 أيام بالأسبوع فهمتو يعني يوم الصنفره وثاني يوم القناع
( عنايتي بالمنطقه الحساسه )
بعد كل دخول للحمام أجفف بمنشفه بيضاء و ارطب بسودو حق الأطفال اللي يحطوه مع الحفايض لانه آمن ومايضر بالعكس يحافظ ع اللون ويفتح ويمنع الالتهابات و التسلخات حتى وقت الدوره كل ما اغير الفوطه احط من سودو ع المنطقه و البس الفوطه و الكلوت
( المناشف تلاقوها بكل محلات المناشف و في سيتي ماكس تجي بربطه وسعرها رخيص تستخدمو كل يوم منشفه أو المنشفه ليومين وتغيروها و تغسلوها لحالها مو مع الملابس )
( عنايتي برجولي )
كل يوم مع الترويش يعني الاستحمام أفركها بالحجر اي نوع ترى انا حقي من ابو ريالين ..
(عنايتي الأسبوعيه و الشهريه )
1) كل شهر أشيل جسمي كله بالحلاوه حتى الابط و المنطقه الحساسه .. اسمها ( حلاوة شمسا ) من الصيدليه وفي بعض المحلات ..
3) أصنفر جسمي 3 مرات بالأسبوع ب ( صنفرة كاب + ملح الحليب أي نوع + 2 م ص كركم من العطار ) أخلطهم مع بعض بعلبه واخليهم بالحمام الله يكرمكم و بعد ما أنظف جسمي بالصابون أ و الصنفره أو الماسك أحط منها ع كامل الجسم ماعدا الوجه أبدأ من تحت لفوق من رجولي لرقبتي ( الطريقه هذي تمنع تجمع الدهون بالجسم وتخفف من السمنه ) و أعمل زي المساج أفرك بيدي بحركات دائريه و آخر شي أحط بوجهي أوفرك برقه ونعومه و اشطفه بسرعه بالمويا و اشطف جسمي بالمويا وآخر شي اشطفه بمنقوع الترمس .
تنبيه :: مافي أي فرق بين حق الجسم و الوجه بس بعض العطارين يضيفو بهارات أو أعشاب للكركم ويتخفف لونه ويقولو حق الاكل وربي خرط في خرط أنا سألت جدتي ( الله يرحمها ) وقالتلي مافي فرق بين حق الاكل و الجسم و كمان أنا جبت الكركم وهو زي الأغصان من جزيره في اليمن وطحنته عشان أأكد لكم انهم خراطين بس انتو خذوه مطحون من أي عطار مضمون تيب ..
4) آخذ من العطار عشبة الصندل مطحونه ولو ماكانت مطحونه أنا أطحنها ( أخلط مقدار ملعقتين كبار + زيادي قليل الدسم ) أخلطهم مع بعض يسير وسط مو ثقيل ولا خفيف بعد ما أنظف بالصابون أحطه ع وجهي وجسمي كله والابط و المنطقه الحساسه أخليه شويا الين احسه بدأ ينشف افركه برقه وبحركات دائريه و اشطفه بالمويا و آخر شي أشطف جسمي بمنقوع الترمس
5) كل اسبوع مره أسوي حمام مغربي
الحمام المغربي الله يسعدها وين ماتكون وتشوف السعاده بحياتها كلها اللي كتبتها هيا مغربيه اسمها ( قلب أبيض ) وهذا موضوعها نسختو هنا مع التعديل مني ..
هذي المقادير :
1-صابون بلدي طبيعي و اياك تم اياك ان تستعملي الخزعبلات التي يسمونها صابون بلدي بالأعشاب الطبيعية...
كل دلك كميائي و ادعاءات بانه طبيعي فقط و لا علاقة لهم بالصابون الاصلي لأن الصابون البلدي الحقيقي سره في مكوناته فهو مصنوع من شجرة زيت الزيتون الكريمة و الملح و معروف أصله و شكله و طريقة تحظيره الطبيعية
2-الليفةو نصيحتي لك أختي أن تأخديها لخياط ليعيد خياطتها لك من الداخل اي يقلبها تم يخيط فوق خياطتها الأصلية بالمكنة و بخيط رفيييع متل خيط الصياد لانها غالبا ما خياطتها تنفك بفعل الماء و الحرارة في الحمام و يصعب استعمالها بطريقة سليمة
3-ليفة الظهر حتى تستطيعي فرك ظهرك براحة
4-حناء مع قرنفل بودرة و يفضل أن يكون القرنفل مطحون في نفس اليوم
5-حجرلفرك الرجلين
6- صابونو أنصحك كتيرا بFA بالفانيلا و العسل و الياغورت فهو مكوناته طبيعية كما أنه مرطب هاااائل و الأجمل هو رائحته اااااه سااااحرة لكن لا تعتمدي على الرائحة التي تشمينها في القارورة فهي تتغير عندما تختلط بالماء و أنااكتشفته
وان لم تجديه فأنا أنصحك بصابونة دوف الأصلية (حبايبي أنا لقيتو في بنده بنفس الصف اللي في صابون جونسون السائل )
7-ليفة صابون
( اللي تجي من بودي شوب الدائره كأنو شعر ملفوف مع بعض )
8-بودرة تالك Talc
مراحل الحمام المغربي الصحيحة
و التي تبيض فعلااااا و من تجربتي و تجربة بنات عائلاتي, من اختي الى جداتي
1. بللي خليط من الحناء والقرنفل بالماء الدافىء و أتركيه جانبا و غطيه ( المقدار ع حسب جسمك وممكن تحسي بحراره ولسعه خفيف بس عدي لاتخافين )
تم بللي نفسك جيدا بالماء الساخن طبعا قدر ما تستطعين تسخينه و اكييييد في المكان الدي فيه البخار اكتر و أسخن درجة ممكن تطيقنها و لا تفكري الحمام لعب أنا اطلع منه و قلبي رح يطلع من صدري هههه و اعلمي انه في السويد متلا يعملون مسابقات لمن يضل باكبر درجة حرارة بخار... باختصار هدا البخار مفيد لك جدا و التعرق تم التعرق لكن طبعا مسموح تشربين الماء للتعويض
2 . ادهني جسمك جيدا بالصابون البلدي و تركيه مدة 5 الى 10 دقائق حتى تتعرقين جيدا بعدها اغسليه جيداااا وكل هدا و الي جاي بالمكان الساخن لا تطلعي للصالة الي دافئة او باردة !!!!
3 .ابدئي بفرك جسمك أو اطلبي البنت الي تفرك لك جسمك و افركي و كرري حتى لا تطلع منك بشرة ميتة واحدة و افركي أكتر الاماكن التي نتعرق منها مثل وسط الظهر و الابطين... بدل ما تضلي تفركي كوعيك وركابك
4 . شللي جسمك بالماء الساخن دائما تم ضعي في اناء كبير الماء الساخن و الصابون و حطي فيه رجليك تم اتركيهم فيه و ادهني جسمك جيدا بخليط الحناء و القنفل الدي حضرتي و استرخي و انت جالسة متكئة على الحائط لمدة 5 دقائق تم ابدئي بفرك رجليك بالحجر و الليفة حتى يصيرو ما فيهم و لا بشرة ميتة
-اخيرا شللي جسمك كله جيدا
5. اغسلي شعرك و اجمعيه في فوطة
6 . ادهني جسمك جيدا بالصابون مرة او اتنين تم شلليه بالماء الساخن دائما
7. لفي نفسك في منشفة تم روحي الصالة الي يلبسو فيها الملابس و كملي تجفيف نفسك
8 .هام جدا :
قومي أولا بدهن كوعيك و ركبتيك بكريم نيفيا و بعدها حطي بين افخاضك و ابطيك و مؤخرتك التالك TALC
9 .البسي ملابسك تعطري بالمسك أو بعطر و بالصحة و الهنى
ج. بعض النصائح المهمة حتى لا تشعري بالعطش و الارهاق :
1. أولا و أفضلها أن تشربي شاي مغربي بالنعناع قبل دهابك للحمام (ادا لا تعرفين كيف تعمليه اطلبي و بجاوبك ان شاء الله)
2. لا تأكلي كتيرا قبل دهابك للحمام فعلى بطنك ان يكون خفيف و مرتاح لدى انصح بالدهاب الصبح او قبل العشاء
3. خدي معك عصير برتقال طازج و ماء منعش غير بادر لتشربيه عند العطش في الحمام و لكن اشربي شوي شوي ليس مرة واحدة... قصدي متل عند ممارسة الرياضة
حبيبي أحسن طريقه انكم تجيبو الساونا نفسو وتدخلوه معاكم الحمام الله يكرمكم وتسو بنفس الطريقه لانو غلط تسويه في الصاله او الغرفه لانو تكوني بالبخار وتخرجي ع هواء الغرفه كذا ماتستفيدي ولاشي ولمن تخلصي أخرجي في الغرفه بدون مكيف والشبابيك مقفله ألبسي و اجلسي فيها أقل شي نص ساعه وبعدين أطلعي ..
هذا كلام المغربيه نفسها عشان نحنا هنا في السعوديه ماعندنا غرف الحمام اللي برا زي بلاد المغرب واليمن والأردن وسوريا فهمتو .
ع فكره تلبسو قفاز طبي وقت قناع الحناء و القرنفل لانه يعلم باليد ..القفاز من الصيدليه ..
تنبيه ::
ولو عندكم سواد بالركبه والأكواع جيبو مقشر ريتن اي من الصيدليه ولمن تتروشو رطبو بالجلسوليد اللي كتبت طريقته وفوقه حطو ريتن اي ع الركب و الأكواع نقطه بس و أفركيها بهدوء هذا يقشر السواد لمدة عشرهأ يام استخدموه بس بعدها وقفوه ولمن تخلص العشره الأيام أستمرو بالجلسوليد ع طول لمن تدهنو جسمكم و اللي وجهها في حبوب وبقع تسوي بنفس المده و بنفس الطريقه و وقفوه بس ولمن تجيكم الدوره بأيام الدوره استخدموه خمسه او سبعه أيام من بعدها وبعدها وقفوه الين الشهر اللي بعدو وقت الدوره فهمتو .. بس أنتبهو رجاء رجاء رجاء اللي حامل أو ترضع لاتستخدم ريتن اي ابدا لانه مكتوب عليه مضر بالحامل و المرضع أنا مالي دخل نبهت يعني فتحو عيونكم تمام .
وبعد كل وضوء رطبي يدك ورجولك بالجلسوليد وأي وقت تغسلين يدك رطبي وتقدري تاخذين منه بعلبه تخلبها في الشنطه لمن تطلعي برا البيت تاخذينها وترطبي ..
هذي فوائد الاغراض السابقه :
الصنفره حتنظف وجهك وتزيل النقط السوداء و البقع وآثار الحبوب و تفتح اللون ومع الاستمرار بتفتح وجهك و جسمك وتوحد اللون
صابونة الغار تصفي الوجه وتبعد الدهون عن وجهك خصوصا لو كانت بشرتك دهنيه او مختلطه
صابونة المره تصفي الوجه وتعطي نظاره وتمنع الحبوب وتشد الجسم والمنطقه الحساسه وتمنع الافرازات والروائح و الحبوب وتشدها مرررره كمان كويسه بفترة النفاس
زيت الزيتون يشد الجسم مرررره ويفتح لو أستخدمتوه في اللي قبل النوم بنفس طريقتي ماينفع في النهار ابدا ويمنع السللولايت اللي هيا التشققات و الخطوط البيضاء
عشبة الصندل تزيل ىثار الحروق و الجروح و آثار الحبوب بأي مكان بجسمك حتى لو كانت قديمه الآثار لها سنين طبعا مع الاستمرار أنا جلست عليها سنتين وربي الحروق أختفت
السلطه الخضراء غنيه بالحديد و الفيتامينات طبعا تصفي الدم و الوجه وتعطيه نظاره وصحه لجسمك والجرجير يكثر الحليب بالصدر يعني لو كنتي ترضعين مره كويس
العسل و المويا الدافيه كويسين لفقر الدم و ينظف المعده ع الريق و اقتداء بالرسول عليه الصلاة و السلام
الحبه السوداء تحمي من الأمراض و اقتداء بالرسول عليه الصلاة و السلام
الخيار يصفي البشره وكويس للكلى كانك شربتي مويا
عصير البرتقال فيتامين سي يوحد البشره ويقوم الانفلونزا ويسحب الدهون من الجسم
الشمندر او البنجر هذا السم الثاني له المهم يورد البشره و الشفايف ويصفيها حتى لمن تضحكي وجهك يحمر شويا ويرفع نسبة الدم في اسبوع واحد لو كان عندك ضعف دم ( تلاقيه في بنده والدانوب و اي سوبر ماركت كبير
الترمس مقشر طبيعي للبشره و يبعد الحبوب و الكلف ويؤخر نمو الشعر بعد النتف بالحلاوه و يفتح البشره ويشدها
الجزر يوجد في فيتامين أ مفيد للبشره ويؤجل الشيخوخه مايخلي البشره تتجعد
أستمرو طول حياتك مع هذا النظام وعمركم مابتشتكون من حبوب و خرابيط بالعكس بتشوفو بشره ورديه وصافيه ونعومة اطفال وفيها نظاااااره بمعني الكلمه ولمن تجيكي الدوره أستمري ع نفس البرنامج
بس لاتشربين عصير برتقال و تاكلين فواكهه ولاتستخدمين الصنفره و باقي الأغراض استمري فيها ولمن تطهرين من
الدوره أرجعي كملي بنفس النظام
لانه الحوامض و السكريات مو كويسه فترة الدوره تحبس الدم وتسبب مغص وحتى الخيار ابعدي عنه أيام الدوره و ابعدي عن البهارات و القهوه و الشاي و الموالح و أي مشروب بارد أو مثلج والآي اسكريم و الملوخيه والحبحب و الموز والباميه و المانجو و العصيرات لانها كلها تعسر الدم وماينزل بسوله وحتى لو طهرتي يبقى دم داخل متجمد ويجيب الأمراض
بس أشربو أشياء ساخنه
اول 3 ايام من الدوره اشربو هذا ( ملعقه صغيره قرفه + ملعقه صغيره زنجبيل طازج أو مطحون + 4 حبات تمر + ملعقه كبيره حلبه قصيميه حبوب من العطار ) نقعوهم 10 دقايق في مويا حاره وبعدها صفوها و اشربو وبعد 3 أيام وقفوها وطول الوقت من أول يوم اشربو نعناع 24 ساعه وبكل فنجان موية ورد بالغطاء حق العلبه نفسها وبعدها صبو النعناع يغنيكي عن المويا ولاتشربو مويا لحاله كثير وكلو زبيب أسود 3 الأيام الاولى بس و الغداء أي شي مشوي أو مسلوق والعشاء مرق أو شوربه ولاتاكلو مكرونه مو كويسه كلو بس عيش يعني خبز حب وبعضم يسموه خبز اسمر و ألبسو كم طويل وبنطلون طويل أو البناطيل الاسترتش اللي نازلين فيها دحين الملونه كويسه وقت الدوره حتى لو طلعتي عند ناس ألبسي مستر عشان ماتبردون و البسو شراريب وسو رياضه بنفس الطريقه
خلاااااص تعبت رقبتي انكسرت ويدي تعورني ويرحم أمكم أقرو تمام لاتجي وحده تسألني أي سؤال ترى كل شي واضح زي عين الشمس ولو اي وحده سألت سؤال ولقيت اجابته بنفس الموضوع ماحرد عليها فهمتو أرجعو اقرو تماااااام
واي وحده تبغى نظام للنفاس يخليها بنت 15 سنه تقولي ع الخاص وبرسلها اصلا انا مفكره أنزلو بموضوع قريب
ع فكره هذي الطريقه تنفع للعنايه بالبنات من عمر سنتين وفوق الين 12 سنه وبعدها يبدؤ بنفس نظامي كاامل بس في عمر سنتين يستخدمو النظام من دون الصنفره ولا القناع و المرطب حق الجسم و المقشر حق الوجه و الركب فهمتو و الباقي كلو زي ماهو وتقدرو تبدلو الكريم المرطب بمرطب حق شركة سيباميد كويسه للأطفال مررره حلوه أو جلسوليد لحاله من دون أي اضافه
آخر شي لاتنسو تحصنو نفسكم وعيالكم بعد صلاة المغرب و الفجر و اي وقت تخرجو في حتى لو السوق و البقاله وطول الوقت خلو العداد بيكم استغفرو كمان وقت الشغل و الطبخ استغفرو كثييير .الاستغفار يفتح الأبواب ويجيب الأرزاق بيد ربنا ..