وش ذا اللهفه على الزواج ؟

الأسرة والمجتمع

مصدومه من هذا المنتدى !
لي شهور قليله هنا وشفت العجب وربي :(
ابي اتزوج
كيف اتزوج
ليه ماتزوجت
وكأن الدنيا كلها زواج
لدرجة اشك اللي بيدخلك الجنه زوجك ! اعوووذ بالله
تراه رجال بيحوم كبدك و×××× بعد زود على شينه بثارته :pinklove:
امه تسيره على مزاجها وهو يجي يفرض وصايا الملكه عليك هههههههه ولا فوق ذا بيثرك كل بنات عمه ميتات عليه
وش الحاجات البيئه ذي :(
كل وحده امنية حيااتها تتزوج !! ياااااا الله يالها من أمنية عظيمه !

شوفوا واقع المتزوجات ترى ندرة الي تلقونهم فالينها بس زوجات الأمراء والملوك اما الباقيات حالتهم كسيفه ولدها يصيح وزوجها يبي يشكمها وامه تحاربها استغفر الله بس

لاتقولون فيه ناس مبسووطه ! أصلًا وش تعريف السعاده الزوجيه عندكم أنه يجيب لك شغاله بس !! ههههههههههههه

انا تدرسني بروف سنقل تخيلوا كم عمرها ولسى ماتزوجت ومبسووطه ع الاخر سفرات وطناخه مب زي الي عند رجول زوجها تكرف بذا الحر :arb:

الزبده الموضوع هدفه تصغير معنى الزواج بشكل ساخر
اتمنى تتقبلونه
ولحد يقول صغيره بزر ترى عمري 26 بس الحمدلله عمر الزواج ماشكل لي هاجس ومؤمنه اني بتزوج فليش احرق عمري واجيب الشيب والمرض لنفسي خلني افلها واعيش حياتي واسافر ابرك



* اللهم لاتجعل الدنيا اكبر همي *
158
19K

هذا الموضوع مغلق.

شمع دانه
شمع دانه
اختي
هذا القسم يختص بالمشاكل الاجتماعية والي يعتبر من ضمنها التأخر في الزواج عشان كذا انتي حسيتي ان فيه لهفة وكأن المنتدى كلة يدور حول هذا الموضوع بينما الواقع انه القسم مخصص لهالمواضيع فقط

ثانيا البنات الي يكتبن هنا ويعبرن عن رغبتهن في الزواج يعانن من ضغوط المجتمع...مجتمع تقليدي صعب

ثالثا انتي تعرفين طبيعة الحياة هنا ... البنت ماتطلع ولاتشم نسمة الهوا يمكن تعدي شهور وهي بين اربع جدران فطبيعي بتبحث عن المنقذ من هذي الحياة والي تشوفة في الزواج

واضيفي على الي فات ان حتى الاجانب الي عندهم حرية يتزوجون يعني الزواج حق لكل انسان يبيه يفكر فيه
ياحلمي الجميل
ياحلمي الجميل
لمن يوصل عمرك 40 سنه وتحسين بالوحده ومافي احد طق بابك
وتخافين توصلين لأرذل العمر لاولد يدعيلك ويقوم فيك ولا بنت تداريك
بيتغير كلامك هذا ،،،

البنات اغلبهم يبون الزواج بحجة انهم يعفون انفسهم عن الحرام
باختصار يبون الحلال ... واكمال نص الدين
غير انهم يبغون ذريه تعينهم على امور الحياه بعد الله

صحيح ان الامور والارزاق بيد الله ولالنا حول ولاقوة لكن مالك ومالهم خليهم يفضفضون
ويطلعون كل اللي بخواطرهم
لعل بسبب موضوعها هذا ربي يسرها دعوه من احدى الاخوات وربي استجاب دعوتها وتيسر امرها

الله يرزق بنات وشباب المسلمين بالازواج الصالحين
summer123
summer123
حبيبتي و مين اللي قال البنات ودهم يتزوجو كان الزوج يدخل الجنه !! شو دخله اصلا ؟؟؟؟
انا من البنات اللي نزلو مواضيع عن رغبتي فالزواج و خوفي من عدم الزواج
اول شي موضوع حساس و محرج مانقدر نتكلم فيه لاقرب شخص
ثاني شي مو قاتلين حالنا على الرجال ... ودي اصير ام قاتله حالي عالامومه تقدرين تقولين
الله خلق هالغريوه فينا مو بايدي اني مشتهيه يكون عندي طفل ادلله و اضمه و ينام فحظني و اربيه زي ماتمنى و احفظه القران .... ااااه متى يتحقق هالحلم ... ودي يصير اخذ رضيع من دار و اربيه
! جين اوستن !
! جين اوستن !
مو معقوله كلهم يعانون ضغوط المجتمع !
أنا شخصيًا أعرف وحده توها ماكملت 21 ورتش ومرفهه ع الاخر وميته على الزوواج تراكض وراه ركض المشكله مو هنا المشكله بالثقافه الي نشأ عليها المجتمع حبيبتي ( ثقافة إذا ماتزوجتي أنتي ناقصه وتعيسه ) !
ومن قالك البنت محبوسه بين 4 جدران !!!! * لاتعممين *




مستحيل تشعرين بالوحده والله معك ()
قوليه للبنات اللي عبادتهم لله نفاق * بدعي ربي واتهجد عشان اتزوج *
شي طبيعي هالإنسانه ماتتهنى بحياتها لأنها ماتأدبت مع الله وكأنها تقول ربي بعطيك وعطني * بستغفر وارزقني * ( مصلحه السالفه * !!
! جين اوستن !
! جين اوستن !
حبيبتي و مين اللي قال البنات ودهم يتزوجو كان الزوج يدخل الجنه !! شو دخله اصلا ؟؟؟؟ انا من البنات اللي نزلو مواضيع عن رغبتي فالزواج و خوفي من عدم الزواج اول شي موضوع حساس و محرج مانقدر نتكلم فيه لاقرب شخص ثاني شي مو قاتلين حالنا على الرجال ... ودي اصير ام قاتله حالي عالامومه تقدرين تقولين الله خلق هالغريوه فينا مو بايدي اني مشتهيه يكون عندي طفل ادلله و اضمه و ينام فحظني و اربيه زي ماتمنى و احفظه القران .... ااااه متى يتحقق هالحلم ... ودي يصير اخذ رضيع من دار و اربيه
حبيبتي و مين اللي قال البنات ودهم يتزوجو كان الزوج يدخل الجنه !! شو دخله اصلا ؟؟؟؟ انا من البنات...
أنا أتكلم عن البنات الي ميتات على الزواج عشان الزوج !! وكأنه ملاك خخخخخ

ثانيًا الله يرزقك مع هالعصر بالزواج وتحققين الأمومه يااااااااارب