السلام عليكم
بنات بحكيلكم قصة قريبتي وصديقتي المقربه جدا بس الله يخليكم اللي تقدر تساعدها والاعندها اي حل لاتبخل علينا فيه اليوم كلمت صديقتي بعد مدة غياب وفاجأتني يوم قالت ان لها 4شهور مطلقه وتقول لي ما أنام الليل من هم عيالي زوجي كل يوم جاينا يقول عطوني عيالي (بنت وولد) اهلها قالوا له اذا المحكمه بتحكم لك فيهم بنعطيك اياهم واذا بتحكم لأمهم فيهم مانت ماخذهم منا لو تموت
وصديقتي على فكره جميله جدا وحبوبه بس حظها سيء جدا زوجها بخيييييل مره ومانعها من الزيارات حتى اهلها مايخليها تجيهم الافي الاعياد ولايطلعها لمنتزهات ولايسدد جوالها الافي السنه مره وهي تقول انا تحملت هالوضع 6سنوات عشان عيالي بس بعدين ماقدرت تتحمل العيشه معه لانه صار يهينها ولايعبرها وطلعاته كثير البيت بس للنوم وكل ماتطلب منه اغراض خاصه فيها مايجيب لها وصار يهددها انه بيتزوج عليها عشان كذا راحت لاهلها زياره وماعاد رجعت له وطلبت الطلاق وطلقها
الحين هي تقول جاني خاطب فيه كل الصفات اللي يتمنونها البنات بس رفضته لانها تخاف عيالها يروحون لابوهم تقول لو اني بتطمن عليهم معه كان مافيه مشكله بس انا اعرفه اناني مااهتم فيهم وانا عنده كيف بيهتم فيهم اذا تزوج وبتجيهم ام ماهي امهم
الزبده((هي رافضه الزواج تقول زهدت في الدنيا وبتعيش باقي عمرها في تربية عيالها )الحين هي تبي تعرف اذا زوجها بعدين يقدر ياخذ عياله اولا خصوصا البنت هي متطمنه شوي من ناحية الولد لانهم يخيرونه بين امه وابوه في سن التمييز بس البنت يمكن تروح لابوها
لذلك اللي عندها تجربه اوسمعت شي عن هالموضوع ياليت تفيدنا هل فيه حالات مطلقات ماقدروا ازواجهم ياخذون اطفالهم ؟؟؟؟
وهل فيه محامي ممكن يساعدها وشاطر في هالمواضيع وله خبره ؟؟
تكفون يابنات انا قلت لها بكتب عن قصتك وبيساعدونا البنات وفرحت مرررره وتحمست تقول بتدخل المنتدى وتقرأ ردودكم
وتقول قوليلهم يحطون مكانهم في وضعي كل ليله اقوم واطالع عيالي وابكي بالذات على بنتي اضمها كل شوي وابكي اخاف تروح مع ابوها وتخليني بالذات طليقها في منطقه ثانيه غير منطقتها تقول والله لموت ماشفت بنتي لوتروح له
بنات طلبتكم تجاوبوا بالذات اللي عندهن خبره في الموضوع
عذ2008به @aath2008bh_1
عضوة فعالة
يلزم عليك تسجيل الدخول أولًا لكتابة تعليق.
ام اوجى2
•
الله ايسهل امره
الله يعينها ويحنن قلب طليقها على عياله ويخليهم عند امهم
وانا الي اعرفه ان البنت اذا جت سن 7 سنوات ابوها ياخذها والولد راح يخير بين امه وابوه
وانا الي اعرفه ان البنت اذا جت سن 7 سنوات ابوها ياخذها والولد راح يخير بين امه وابوه
عذ2008به
•
الله يعينها ويحنن قلب طليقها على عياله ويخليهم عند امهم وانا الي اعرفه ان البنت اذا جت سن 7 سنوات ابوها ياخذها والولد راح يخير بين امه وابوهالله يعينها ويحنن قلب طليقها على عياله ويخليهم عند امهم وانا الي اعرفه ان البنت اذا جت سن 7...
اي والله هذا اللي نعرفه كلنا بس انا اتذكر جارة اهلي تقول اختها في مشاكل مع طليقها على بنتها ولاخلته المحكمه ياخذها الا وعمرها 16 سنه
يعني اتوقع القاضي يحكم على حسب كل حاله وش يناسبها وهذا العمر ارحم من انه ياخذها سبع سنين بتتأثر كثير البنت
الله يساعدها ياااااااارب
يعني اتوقع القاضي يحكم على حسب كل حاله وش يناسبها وهذا العمر ارحم من انه ياخذها سبع سنين بتتأثر كثير البنت
الله يساعدها ياااااااارب
الصفحة الأخيرة