Diamond_Dust_ :

السلام عليكم ورحمة الله وبركاته ما بيكلفجج وايد ، ما لي خبره بأنواع الأصباغ ، وغرفه 4*4 ما بتاخذ كثير انتي خلي العمال يخلصونها لج فيوم أو يومين بالكثير وخلاص تخلص الغرفه خليها مسكره، حتى لو ايوون 5 ساعات فاليوم تطلعون فيها أو تجلسون فالغرفه الثانيه تقفلون الباب ، صبغي السقف أبيض والجدران بيج ع رمادي فاتح ، يعني لون أغمج عن الأبيض بدرجتين بس لازال فواتح . .. لازم تصبغين لو تريدين تغيير ، وبتتفاجئيين كيف الصبغ لوحده بيغير الغرفه . وحطي موكيت ساده ناعم بيج وفوقه حطي سجاده من ايكيا فيه امهات ال100 وشي وأقل حتى ب70 ملونه / وخذي ستاير من ايكيا بعد مع الحديده رخييصه الستاره خذي مال طبقتين الطبقه اللي تحت دانتيل أبيض واللي فوقها اختاري من عندهم نقشه خفيفه أو لون حلو . وخلاص هذي أساسيات الغرفه اللي تحتاجينها وكلها تحتاج ميزانيه صغيره . ولانه البنات صغار بتحصلين فايكيا لو شفتي ميزانيتج تسمح اشتري دروج أحسن لثيابهم وحطيها ع الطرف وخزانه أطفال. وعاد لو بغيتي ديكور وغيره من ايكيا اشتري البراويز البيض، وانتي طبعي صور سواء رسمات أطفال أو أسامي البنات وعلقيهم فالغرفه .. يعني ابدعي يدوي والغرفه بتطلع مريحه وفرحهه وناعمه وخفيفه .. وابدا غير مكلفه .. بشكل عام نفس التعليق اللي فوقي كل شي تحتاجينه موجود فايكيا بتكلفه زيينه. لو تبين الصبغ تحملي حاولي تقنعين ريلج هههه، ما اظن انتوا تقدرون تصبغونه لوحدكم بس لو مستعدين اشتروا صبغ أساسي وعقب فوقه تحطون اللون يصير شوفوا شو تقدرون عليه . الله يوفقج :kiss2:

السلام عليكم ورحمة الله وبركاته ما بيكلفجج وايد ، ما لي خبره بأنواع الأصباغ ، وغرفه 4*4 ما بتاخذ...

ام شيماء ولينا :

ايش رايكم افرش الغرفه وردي واحط ستائر وردي

ايش رايكم افرش الغرفه وردي واحط ستائر وردي

Diamond_Dust_ :

خلاص سوي اللي يريحج ، أحس الفرش الوردي صراحه قوي وبتملييين منه بسرررعه ، بس بيييج مريح للعين حتى وأحسن لج ، روحي محل ستاير واختاري ستاره بيضا فيها وردي خفيف وخلي الطبقه اللي تحت دانيل .. يعني دخلي الوردي لو تريدين بس بشكل ناعم .. و ع قولتج لين ما يكبرون شوي عقب تقدرين تغيرين :biggrin: والله يوم أشوف غرف بنات كلها وردي تخوف بعد فتره تيب الاكتئاب :icon810:

خلاص سوي اللي يريحج ، أحس الفرش الوردي صراحه قوي وبتملييين منه بسرررعه ، بس بيييج مريح للعين حتى...