هاي حذاء من مربع واحد وسهل وبتقدروا تعملوه
لكن الملاحظة اللي بدي اعطيكم اياها هي
لما تعملو المربع كل واحدة تعمل المربع حسب المقاس اللي بدها اياه
يعني اذا الك ,بتعملي مقاس جانب المربع يساوي طول اسفل القدم يعني ضلع المربع يساوي طول اسفل قدمك واذا لبنتك بتعملي نفس الشي طول اسفل قدمها
والحذاء بسيط وما بدو شرح اتبعي الصور وشبكي حسب الصور
ولما تنهي المربع لا تنسي تعملي حافة مقرقطة على الداير



اضغطي هنا لمشاهدة الصورة بحجمها الأصلي

اضغطي هنا لمشاهدة الصورة بحجمها الأصلي

اضغطي هنا لمشاهدة الصورة بحجمها الأصلي



ا

شوفي حبيبتي لما توصلي هاي الخطوة في المربع اعملي في الفراغ غرزتين عمود ثم غرزتين سلسلة ثم غرزتين عمود
الان ما بدنا نعمل سلاسل جديدة اعملي فوق كل غرزة عمود غرزة عمود انتبهي للصورة عندنا بعد كل فراغ 3 غرز عمود اعملي فوقهم 3غرز ثم اعملي في الفراغ اللي بعده غرزتين عمود ثم غرزتين سلسلة ثم غرزتين عمود واللي هي غرزة الصدفة اللي عملتوه لكن من غرزتين مش 3 غرز
وبعدها اعملي 3 غرز عمود مثل ما عملتي في الجهة الاولى وكذا حتى ينتهي الدور الثاني يعني ما رح يكون عندنا فراغات بين الاعمدة الا في الزوايا اللي هي غرزة الصدفة



بعد انتهاء الدور اشتغلي في كل زاوية مثل ما اشتغلتي الدور اللي قبله واعملي فوق كل غرزة عمود اعملي غرزة عمود
يعني الدور الثاني اللي بعد اللي في الصورة لانه اللي في الصورة هو الدور الاول رح يطلع عندك 3غرز عمود بين كل صدفتين صح؟
الدور اللي بعده رح يطلع عندك 7غرز عمود بين كل صدفتين يعني في كل جهة من المربع
وكل دور جديد رح يزيد عدد غرز العمود بين الصدفتين 4غرز لأننا في كل دور جديد بنشتغل غرز عمود فوق الغرز اللي في الصدفتين
يعني الزيادة في كل دور في كل جهة 4غرز عمود
احنا في المربع الاول اللي عملناه سابقا كنا نعمل سلاسل بين الصدفات ونحط غرز العمود في الفراغات
الان ما بدنا نعمل فراغات بدنا نشتغل غرز العمود بجانب بعض مثل ما اشتغلنا في المساكة
يا رب تكونو فهمتو وتطبقوا المربع الجديد وهو سهل
اما القرقطة هي الغرزة اللي عملتوها داير الفستان
على كل حال حاولوا ان تطبقوا حسب التعليمات واذا ما عرفتو
انا يوم السبت مساء اشتغل واصور لكم
واعتذر عن الردود الليلة وغدا لاني بدرس امتحاني الثاني يوم السبت وبدي دعواتكم
بالتوفيق للجميع

المربع في النهاية رح يكون شكله مثل المربعات هاي

المربع بشكل تاني



نعمل 6 سلاسل ونشبكهم بمنزلقة ونرتفع 3 سلاسل كاول عامود ونعمل عمودين وبعدهم 3 سلاسل كاول زاوية ونواصل على الطريقة الى ان تصبح 4 مجموعات مكونة من ثلاث اعمدة و4 زوايا



وللصف الثاني نرتفع 3سلسلة وبعدها نعمل على كل عامود عامود الى ان نصل للزاوية نعمل فيها ((عامودين او 3 اعمدة وبعدها 3سلاسل وبعدها عامودين او3 اعمدة )) وبعدين نواصل عامود على كل عامود وبالزوايا نعمل ما بين القوسين

الى ان تتكون الوحدة المربعة

السلام عليكم
احنا قلنا شو رح نستفيد من المربع الاول اللي عملناه ؟
اول شي هذا البونشو وقد كانت العزيزة الغالية ام عزيزان قد شرحته

وانا رح انزلكم صور ام عزيزان جزاها الله عنا كل خيرواشرحها
اشتغلي سلسلة طولها محيط الراس وزيادة شوي ثم اقفليها بمنزلقة ثم اعملي 3 غرز سلسلة بدل عمود لاننا في هذا المكان رح نعمل غرزة صدفة مكونة من(3غ ع ثم 3غ س ثم 3غ ع)طبعا لا تنسو انا عملنا اول غرزة في الصدفة واللي هي 3س بدل اول غرزة



الان اعملي غرزة الصدفة في نفس السلسلة كما في الصورة مثل ما حكينا
بعد ما عملنا الصدفة رح نترك غرزتين سلسلة ونعمل 3غ ع في السلسلة الثالثة ثم نترك 2س ونعمل 3غ ع في السلسة الثالثة ونكرر العملية حتى نصل الى منتصف السلسلة اللي هي تساوي محيط الراس وزيادة كما في الصورة ورح نعمل غرزة الصدفة مثل الاولى في نفس المكان



رح نكمل بعد الصدفة نترك 2س ثم نعمل 3 غ ع في نفس المكان مثل ماعملنا سابقا ونكرر العملية حتى نكمل كل السلسلة ونقفل الدور بمنزلقة وهيك صار عندنا الدور الاول من البونشو
وبعد ما نقفل بنعمل 3غ س بدل عمود بداية الدور الجديد
الشغل عندنا رح يكون مثل شغل المربع الاول ولكن بزاويتين مش اربع زوايا
اجنا في المربع بدينا 6س وقفلنا وعملنا اربع صدفات
اما هنا نعمل سلسلة اكبر ونعمل صدفتين واكملو مثل ما اكملتو المربع ورح يطلع عندنا مثل هذا الشكل




لما تطوي الشكل من النصف رح يطلع عندك هذا الشكل

الواجب
اعملي سليلة طولها 36 غرزة واقفليها واعمليها بونشو للعبة بنتك

ملاحظة انا نزلت الشرح اللي عملته الشيخة لولوه علشان البنات اللي ماعملوه يعملوه وف يبنات بيسجلو جداد
اما اللي عملته خلاص مش مطلوب منها
هلأطبقو البونشو على لعبة بنتكم

طريقة عمل الشراشيب لداير البونشو اذا حبيتي
واذا ما بدك شراشيب اعملي مثل ما عملنا داير الفستان


نقص مجموعه من الخيوط باطوال متساويه ... وممكن تلفي الخيط على كتاب او كرتونه وتقصيها من جهه وحده وراح تكون عندك اطوال متساويه من الخيوط



ثم نمسك الخيوط من الوسط وندخلها بهذا الشكل



ثم نسحب الخيوط لنكون منها عقده



ونسحب الخيوط بالاصابع حتى تضيق عليه العقده ... وتكون عندنا بهذا الشكل



طريقتها سهله وان شاء الله تكون واضحه لكم