السلآآم عليكم ورحمة الله وبركاته
وأخييرًا حنبدأ في دورتناا :P
وأخليكم مع الدرس الأول
حأعرفكم أول شي على ماركات الألوان المستخدمة للرسم على التيشيرت وكل وحدة ايش ميزتها
ألوان JAVANA
ألوان جافانا في منها 4 أنواع :
النوع الأول / GLITTER (جليتر) ميزتو انو لميع
النوع الثاني/ METALLIC (ميتاليك) ميزتو انو معدني يعني لما تلوني فيه تحسي المنطقة اللي لونتيه فيها كأنها معدن زي النحاس تحسيها
النوع الثالث/ SUNNY (ساني) ميزتو إنو قوي يعني اللون غامق
النوع الرابع/ FLASH (فلاش) وميزتو انو فسفوري
ما لقيت صورو في النت وانا مااستخدمو عشآن كدا ما نزلتلكم صورتو :/
ألوان فولك آرت :
ميزتها انها خفيفة وتنفع للمبتدئين
ألوان بيبييو :
انا بالنسبة ليا هيا احسن شي في الرسم وتثبت مررة كويس عالقمااش وهادا النوع اللي أنا استخدمو
في منها نوعين :
النوع الأول / opaque وهادا النوع يجي تقيل ويكون مكتوب عاللون الأسود .
النوع التاني/ transparent هادا النوع يجي عادي مو تقيل ولا شي والالوان الفاتحة منو والفسفورية تجي شفافة ما تبان على اي لون من القماش بس تكون واضحة عالقماش الابيض .
ألوان تيكستيل في منها 3 انواع :
النوع الأول / textil يستخدم للقماش الفاتح .
النوع الثاني/ textil plus للقماش الغامق والأسود واللون يجي تقيل انا استخدمتو قبل مااعرف عنو اي شي استخدمتو على قماش بيج بس بعد الغسيل اللون يتكسر تحسيه ما ناسبني ابدا عشان كدا ما جربت الانواع التانية من نفس الماركة .
النوع الثالث/ metallic يستخدم للقماشين الفاتح والغامق واللون لامع .
ودحين حاخليكم مع الألوان الأساسيه وفروعها بس جبتلكم شي بسيط
ممكن ما تشترو الالوان كلها لو حتشتري لون ازرق واحمر وبنفسجي تقدري توفري على نفسك وتشتري الازرق والاحمر بس والبنفسجي تطلعيه منهم الاتنين
وكدا خلص درسنا الأول وان شاءالله يكون في تفاعل هوا ممل شوية لأنو ما وصلنا لمرحلة التطبيق لكن حيفيدكم في خياراتكم للألوان وانا عن نفسي انصح باستخدام الوان بيبييو هيا الوحيدة اللي ناسبتني وفي ناس ما ناسبتهم
لا تنسو انو اول 10 ردود رح احط اسماءهم في الدرس الجي من المجتهدات
مع السلآآمة :*