علاج رووووعة للتشققات(الخطوط البيضا) انا مجررربته والنتايج والله من اول مرة

العناية بالبشرة

السلاااااااااااااااااااااااام بنااااااااااات :27:
شلونكم وشخباركم عساكم بخير ؟؟
التشققات او الخطوط البيضا مشكلة تعاني منها 95% من البنات المتينه والضعيفه الكبيرة والياهل .. وعوااش :27: عااانيت من هلمشكله زماااااااان وصلت لمرحلة اليأس وانا احاول مع ان عمري 17 لكن ما اخبي عنكم اني حتى ليزر فكرت اجرب بس الدكتورة قالتلي حالة حال الكريمات يعني ماله اثر فعال .. اقولكم نزلت مواضيع واييد بالمنتدي اسال عن طريق مجربه وبالفعل جربت اشياء وايد مثل زبدة الككاو و زيت الخزامي زيت السمسم خل الفتاح والطريقة الصينيه بس ما استمريت عليها وكريم comtractubex اللي ناسب بشرة كثير من البنات بس ما ناسب بشرتي وكذلك كريم vichy الفرنسي .. ولا شي من هلكريمات سرتني نتايجه يعني وصلت استخدمهم اسبوعين وما احس بأي تغير .. الخطوط اللي عندي بيضاا صار لها زمان فيني من 6 سنوات تقريبا من بدايه البلووغ وهي مو حمره اهي بيضا صار فيني احباط .. اقرا كلام الدكاترة يقولون ماكو علاج .. واللي ناوي يزرع فينا امل يقوولنا تخف بشكل نسبي لو كانت حمرا بس بيضا استجابتها للعلاج معدووووووووومة
عا بيني وبينكم ما كنت اصدق ان ماكو شي بدوون علااج .. المهم بعد عنااء طوويل ومادري شلي دق على راسي وقالي اجرب هلطريقة بس الحمدلله الحمدلله الحمدلله .. من اوووووووول مره سويتها حسيت بفررق وقعدت ابجي من الفررح الخطوط الموجودة عندي واضحه بالحيل .. وما راح تصدقوون اني الحين ما صار لي الا يومين من جربتها بس مافيني اصبر لما اخلص اسبووع انزل الموضوع صار عندي احساس شبه اكيد يارب يا رحمن انها ترووح ..
الخطوط اللي عندي جربتها بمنطقه الصدر اهي وايد وغزيرة بس انا جربت على منطقة وحدة وبكمل على الباقي ..
طريقتي سهله جدا وما ينخاف منها خير شر..
بس عااد يصير قبل ما تنزلون للموضوع ولي يعافيكم ادعوولي اني انحف هلشهر والله يهديني وينولني اللي في بالي واوعدوني انكم ان استفدتم هم تدعولي << بخيله
نيي حق طريقتي :D

المقادير :
1. ليفة طبيعية
اي ليفه المهم تكون خشنه شوي
2. زيت الزيتون الطبيعي .. لا تسالوني عن ماركته لانه ياييبنه لي في بطل مااي من الاردن يعني طبيعي طبيعي

المهم انا اقوولكم شلوون الطريقة ..
تاخذين الليفة الطبيعية وفركي فيها مكان الخطوط لين وقت تصير بشرتج حمراا وتحسين ان الخطوط صارت حمرا بعد يعني الدورة الدموية تنشطت وتحركت .. انا بقولكم اني فركت بالقوة لين ما صار احمر وايد وصارت بشرتي جنها فيها حساسية وصر في اثر بس ما همني انا واصلت لان اقول هذا يروح بس الخطوط ما تروح وهي اهم .. المهم تقعدين تفركين مثل ما قلتلج لما يصير المكان احمر وتكون الخطوط هم حمرا (( ساعات تكون احمر من المنطقه تحسين فيها دم محتبسوهاذي احسن واحسن بعدين امسح على المكان بزيت الزيتوون
نطري لما بشرتج تمتصه بعدين لبسي ملااابسج
بس انا اقوووووووووولكم يمكن لا قدر الله .. ما تناسبكم كلكم الطريقة عشان جي سوو مثلي قمت بديت على منطقه معينه بجسمي والحين انشالله الاسبوع الياي اخلص من الخطوط البيضا اللي في صدري واروح لاي مكان ثااني
بس يا بنااااااااااااااااااااااااااات لااازم يصير المكان احممر .. وترى مالي شغل بالبنات اصحاب البشرة الحساسة ..
وامانة بنات اللي تفيد معاها تدعي لي واللي ما تفيد لا تدعي علي انا ما طقيت احد على يده وقلتله يجربها
بس حبيت افييدكم .. خصوصا اني احس احساكم .. ياارب تناسبكم
والله جربتها مرة اول ما قمت من النوم ثاني يوم بنفس الوقت رحت شفت بالمنظرة ما صددقت خفت بشكل مادري شقوولكم بس ..
يلا حاضرين لاي استفسارات
313
250K

يلزم عليك تسجيل الدخول أولًا لكتابة تعليق.

تسجيل دخول

المتفاااائله..
يعطيكِ الف عافيه
أموت بترابك
أموت بترابك
انا بادعي لج من قبل التجربة وحتى لو ما جربت

يكفي إنج حبيتي تنقلين تجربتج لنا وما تحتفظين فيها لنفسج

جزاج الله خير وان شاء الله في ميزان حسناتج
:26:
shajasha
shajasha
انا بادعي لج من قبل التجربة وحتى لو ما جربت يكفي إنج حبيتي تنقلين تجربتج لنا وما تحتفظين فيها لنفسج جزاج الله خير وان شاء الله في ميزان حسناتج :26:
انا بادعي لج من قبل التجربة وحتى لو ما جربت يكفي إنج حبيتي تنقلين تجربتج لنا وما تحتفظين فيها...
انا بعد بدعيلج الله يوفقج
ويخليج وينحفج
مشكورة عمري
عاشقة الحب
عاشقة الحب
هلا ياعمري


ان شاء الله بيسلموا الانامل سواء استفدت او لم أستفد====> وباللغة العربية الفصحى كمان

بس سؤالي الك يعني الزيت بيضل على المكان لحتى يمتصوا الجلد ولا شو

ومتى لازم اغسل الزيت عن المنطقة المصابة===)الفصحى غير شكل


وتسلميلي حبيبتي
الصدى
الصدى
الله اينولج اللي في بالج وتضعفين ان شاءالله
وادعيلي بالمثل اختي

حبيت اعرف نوع الليفه وكيف تتليفين في الغرفه يعني والجسم ناشف ولا في الحمام ولا بعد الحمام؟؟!!!!

وتسلمين
:26: