بنات
وبعد اذنك يا ريشة خلونا انسوي استفتاء عن افضل دكتورة
في سليمان فقية
كل وحدة تطرح تجربتها مع الدكتورة الي ولدت عندها وتذكر الايجابيات والسلبيات الي مرت فيها
ايش رايك يا ريشة

توتا..ريشه ....شكرا لردكم علي .على الأقل بردتوا قلبي شوي:42: بس باقولك يا توتا شي بتضحكين علي.وهو اني ماني حامل الحين لكني ولدت ولادتين في العسكري كل وحدة أسوأ من الثانية وحلفت بعدها ما اولد في حكومي لو يصير وش يصير ومن الآن قاعدة اخطط لين حملت وين اتابع واولد إذا شاء الله واعطانا عمر وعافية .مع العلم اني في حملي الثاني تابعت فترة في مستشفى بقشان عند الدكتورة عائشة وبصراحة الدكتورة والمستشفى رائعين جدا وأعرف كثير جربو المستشفى في الولادة وأثنوا عليها.لكن عيبها بالنسبة لي بعدها الشديد عن مكان سكني والأمر الثاني قضية المواعيد .فأحيانا يعرض لي عارض صحي واتصل أدور حجز ما ألقى إلا بعد يومين أو ثلاثة مما يضطرني إلى مراجعة طبيبة أخرى وطبعا إذا ما كان عندك موعد يحطونك انتظار وشوفي عاد متى يجيك الدور.بينما خالد إدريس ما عندهم شغلة المواعيد هذي لأني رحت لهم مرتين لأني مركبة لولب وهذا السبب الثاني في سؤالي لأني أبغى استمر في متابعة اللولب في مستشفى واحد وبعدين اتابع الحمل واولد في نفس المكان إن شاء الله وادعوا لي ربي يرزقني بتوأم في الحمل القادم.

شجره الدر ام زوجي دايم تولد في خالد ادريس وتمدحه كثير وهي ما تولد الا عند انور
تقول مره ممتاز وكمان وحده ثانيه اعرفها تولد برضه في خالد ادريس وتمدحه وتقول
تولد عندهم ولاده بدون الم (ابره ظهر ) من اول طفل لها وماشاء الله عندها 7 اطفال
اكبرهم بنت في الجامعه الله يخليهم لها ويحفظهم يارب ...
لكن يا عيوني انا ماجربته لأن عندي طفل واحد و ولدت عند سحر في سليمان فقيه:26:

اللللللللللله يجزاكم خير واللللللله طالعه من قلبي
بس على فكره انتم تقصدون الجعاني اللي في جنوب جده (موكويس)
انا في الجدعاني اللي في الصفا بس انا في الشهر الثاني وهذا اول حمل لي

يعني اسحب ملفي واروح للعسكري لاان زوجي تابع للعسكري
وبعدين حاطه عيني على سليمان فقيه في الشهر التاسع والولاده بس المشكله الكلفه كم؟؟ اخاف اتورط........


وبعدين يابنات فيه خياطه بالليزر في مستشفى في الطايف ماتعرفون احد هنا في جده يخيط بالليزر

السلام عليكم

انا لساتي بنت بس دارسة مادة اسمها امومة وطفولة وعارفة كل شي عن الولادة واسأل ماما عن الدكاترة والاشياء دي
المهم ماما ولدت عند احسان عبد الجبار مرة ممتاز هوا الان في الطباء
وفي الدكتور احسان كاظم عنده مستوصف واظن كمان يعمل في الاطباء
وولدت وحدة من اخواتي الصغار في مستشفى السلامة سابقا عند دكتورة هندية ممتازة بس مانعرف وينها
وراحت عند دكتور ممتاز في فقيه سوداني مااذكر اسمه بس مررة مماتز ماشاء الله بس المستشفى سيئة والممرضات سيئين
والحين هيا حتولد عند دكتور في غسان فرعون اسمه ايهااب الكل نصحها بيه مرة مماتز ماشاء الله يقولو
وكمان في المستشفى نفسها(غسان فرعون)دكتورة اسمها عبير برضو كويسة يمدحوها

اتمنى اني افدتك وربنا يقومك ويقوم الوالدة وكل حامل ان شاء الله بالسلامة وبشرينا ايش سميتي البيبي؟؟