هلا بااحلى بنات رشيقات وعارضات الايحاء مهم
نرجع لموضوعنا الله يحي كل الى شرفنى وان شاء الله اشرفكم بتجربتى
القصه هي انى اعرف وحده قريبه منى مره دائما تقولي صديقاتها نحفوا وتحاول اتسوي الرجيم بس تخرب المهم قبل شهر ونصف عزمة على عمل الرجيم الى ابقولكم عليه والله ثم والله انى تفاجئة بعد اربع ايام شفتها انصدمة قلتلها وش ذا نحفتى مره طبعا مو مره مره وبعدين تقولون وش فيها تخرط علينا بس والله اربع ايام فرقت عن قبل والمهم ماشاء الله مليون المرات في شهر ونصف راحت وحده ثانيه وهى وزنها بالثمانيات بس سافرت قبل اسبوع وتقولي انى ماراح اوزن بس في الاسبوع الاول نزلت 4 كياو بعدها قررت انها ماتوزن تبي تتفاجئ
بس قبل ماتسافر صارت تلبس بناطيل وحركات ولبست لبس لها 5 سنوات مالبسته وصغرت وحلوت عاد
انا رحت المكتبه وشريت الكتاب وعلى طول سويته قبل اسبوعين وبصراحه نحفت تقريبا كانى مسويته شهر بالرجيمات العاديه المشكله انى ميزانى مخبط مره يعطنى 95 اعوذوا بالله ومره 85 والارجح 85 بس راح اوزن يوم الخميس عند اختى وافضل انى ما اوزن طبعا الى كانوا يسون معى رجيم يعرفون انى ما احب اوزن كثير ان خبره 15 سنه بعالم الرجيم تابيده الله يستر وهذي تجربة شفتها قدام عينى وبعد تقول هذي الى تقربلي انها عندها 3 صديقات مدرسات صاروا منيكانات وهى كم مره حاولت بس ماظبطة معها الى هذي المره وانا شخصيا اعرف الرجيم وانتم بعد بس ماعمري شفت احد سواه ولا عمري اعطيته بال خاصة انه فكرته تشبه رجيم فصيلة الدم مو نفسه بس كا فكره وانا اصلا مانى مقتنعه برجيم فصيلة الدم عشان كذا حسبته نفس الفكره بس يوم شفته لقيته يختلف مره طبعا وهو مدروس علميا وكتابه بجرير وتهامه 30 ريال
وراح اقولكم وش اكلي وش اكل الى تقربلي بس اببدء بنفسي وان شاء الله راح ابسطه لكم وماتمنى منكم الى الدعاء لي بالصحه والعافيه ويسخرلي زوجى ويحفظلي اولادى
نجى للرجيم هو رجيم نوع الجسم
ماتوقعت انه فعلا ينحفنى خاصة لااماكن الى عندى فيها زياده وهو طبيا يعلمك وش ممكن الامراض الى ممكن تجيك لو ما نزلتى بالمستقبل
طبعا هو فيه 4 رجيمات لكل شكل جسم تناسلي كظري درقي نخامي
اسم الكتاب رجيم نوع الجسم للدكتور أبرافانيل
وقريبتى هذي عمرها فوق الاربعين ونزولها صعب يعنى حد اقصى كيلوين الى 4 بالشهر بس مع الرجيم تقولي ماتوقعت انى يسوي كذا
وهى جسمها تناسلي يعنى الى سمنتها تحت مثل الكمثرى وماشاء الله صارت تلبس بناطيل خفت اردافها و
والموخره بشكل ملحوظ
وانا ياحليلي خخخخ والله ياشينى وانا سمينه كظري الى تقريبا السمنه من فوق بس انا مو مره من فوق سمينه موزع في كل الجسم بس اعتبر من الكظري لان في ناس انحاف مره من تحت انا لا في زياده فوق بس بعد كلى موزع الجسم تقريبا مثل جسم ديانا كرزون ادخل ظمن الكظري ( فيه اختبار وصور يعرفك من اي نوع انتى ) والبنات قبل كذا نزلوه بالمنتدى ماقصروا ) بحاول اجيب الرابط
ورغم انى انا وقريبتى نختلف بالجسم الى فعلا كلنا نحفنا
بحط رجيم الكظري واذا وسعنى الوقت بحط باقي الرجيمات بس ماراح احط الى بالكتاب لان ممكن تلقونه ابحط اختصار عشان يسهلكم الرجيم اكثر خاصة انه الكتاب مترجم وحسيت انه كلامه كثير قلت خلينى احطه لكم ان شاء الله تستفيدون
الرجيم نوع الجسم رجيم الجسم الكظري بشكل عام ولك الحريه بالاختيارات وطريقة الطبخ
وانا بحط النظام العام
ونظام اكلى المستمد من من القواعد الاساسيه لكل وجبه فطوري الى مكتوب باللون الاحمر هو نظامى عشان ماتحسون ونفس الشي للغداء والعشاء
فطوري :
"]انا في الاغلب ا
اخذ شاي وشابوره بر الى تجى بالكيس 3 حبات واحيانا لبن زبادى لوحده قليل الدسم
الانتظار 4 ساعات
غدائي :
طبق سلطه خضراءباليمون والخل + 2 توست +جبنه برايد اضع عليها اشوي خس وخيار او اعمل مثل البتزا احط طماطم وفوقها جبنه موزارلهواحمرها في الفرن من فوق تطلع بيتزا +او تونه او سمكمشوي
احيانا اخذ شوربه خضار نصف كوب (ماجى )
حبه فاكهه في الغالب تفاح
الانتظار 5 ساعات
عشاي :
صدر دجاج او 2 بيضه او فول 4 ملاعق >>>طبعا البيض مرتين بالاسبوع
ربع خبز بر او كوب رز ابيض او نصف كوب معكرونه طبعا مسلوق كلها
الخضار اطبخها بالغالب مع الدجاج خضار سوتيه او اعمل اكل صينى
فاكهه وحده بس نادر ما اخذها
كوب شاي البقدونس
اما كوب الحليب اخليه بعد ساعتين لانى اسهر واعمله مع النسكافيه وملعقه صغيره سكر
ملاحظات
هذي النوع من الجسم اكله الاساسي بوجبة العشاء
شاي البقدونس مهم مره لنزول الوزن
شرب ماء 8 اكواب
اللبن الزبادى مهم لنوع الجسم الكظري لانه يساعد على نزول الشحم من البطن والصدر وهذي المعلومه نعرفها من زمان ولقيت بهل الرجيم مركيزين على اللبن الزبادى اهم رياضه الى تصلح لنوع الجسم هى المشي اليوجا ومرتين بالاسبوع استخدام اوزان خفيفه واحذري من الاوزان الثقيله لانها تنشط الغده الكظريه
امشي ساعه باليوم 5 مرات بالاسبوع
ابكتب رجيم الجسم التناسلي نفسالى سوته قريبتى وارجعوا الى حاب يقراء اكثر للكتاب او الرابط بس اختصارا ابحط فقط رجيم قريبتى على اساس القواعد الى بالكتاب
رجيم الجسم التناسلي
السمنه المركزه تحت يعنى خصر موجود بسالسمنه بالموخره والاراف الشكل مثل الكمثري (الى تحب اتسوي الاختبار عشان تتاكد ترجع للرابط )
الفطور :
#فاكهه قطعه 1 (تفاح)او موز او جح او رمان او عنب او منجا
#شاياحمر عادى او يفضل شرب شاي البرسيم الاحمر تلقونه عند جى ام سي طريقته ماء حار ملعقه صغيره من الشاي البرسيم الاحمر لاتخافون قريبتى سالت عنه وهو طبيعي مثل الشاي العادى وتقول مو دائماتاخذه بس افضل انك تاخذيه لانه مساعد وله فوائد ذاكرينها بالكتاب
انتظري 4 ساعات
الغداء :
#طبق سلطه خس خيار ممكن مشروم كرفس فجل طماطم فلفل رومي بصل اضافة ليمون وخل
#خضار مسلوقهنصف كوب تقول في الغالب تسوي شوربة خضار
#بيضه 1 او جبن اقريش او موزارله او واحد ونصف كوب زبادى قليل الدسم
ر#بع خبز بر تقول في الغالب >>بالكتاب ممكن قطعه توست او شابوره بر او رز اسمر او نصف كوب مكرونه
#فاكهه قطعه وحده مثل الافطار
#كوب حليب قليل الدسم تقول بعد ما اتغدء تاخذ الكوب الحليب وتضيف نسكافيه تقول يشبعها نمره
الانتظار 5 ساعات
العشاء :
#4 اوقيات لحم ابيض دجاج ممنوع الافخاذ فقط صدور دجاج او 2 بيض بس اذا اكلتى بيض بالغداء ممنوع بالعشاء ومرتين بالاسبوع او سمك
#طبق من الحبوب رز او قمح (خبز ) اونصف كوب معكرونه
هي في الغالب رز او خبز بر تاخذ صحن تحط فيه كوب رز وصدر دجاجه مطبوخ مع الخضار او سمك فيليه مسلوق وممكن تجيبه جاهز
#قطعه فاكهه
#كوب حليب خالى الدسم ممكن تضيفى نسكافيه
#كوب شاي البرسيم الاحمر (كلوفر )مع قليل سكر او عسل >>تقول مو دائماتاخذ الشاي لانه مايكون متواجد بس يوم يكون عندها تشربه
رياضتها :تمشي تقريبا ساعه يوميا
لؤلؤة الاكل @lolo_alakl
محررة
يلزم عليك تسجيل الدخول أولًا لكتابة تعليق.
ام تووووووتي
•
بنجرررررررررررب ان شاءالله ننحف بشتري الكتاب يعطيك العافيه خيتو
يعطيك العافيه
انا عندي هالكتاب
بس ما قدرت التزم فيه
لأني بصراحه ما احب اتقيد بريجيم معين
مشكووووره
انا عندي هالكتاب
بس ما قدرت التزم فيه
لأني بصراحه ما احب اتقيد بريجيم معين
مشكووووره
هذا الرابط forum.hawaaworld.com/showthread.php?threadid=104861 - 80k -
للاخت فاتن وبس
طبعا الى تحب تسوي الاختبار تستفيدمن الرابط والى تبي معلومات اكثر انا حاولت انى اختصر لكم الرجيم بتجربتى والى حابه تسويه
باذن لله راح ينفعها وهذا من تجربه وراح اوافيكم بكل اكلى وخياراتى للاكل وراح اكتب رجيم قريبتى بنفس الى سوته بس بكره بحطه لانى تعبت من الكتابه ولازم بعد اكلمها عشان اجيبلكم التفاصيل للجسم التناسلي
اتمنى انه يعجبكم وتستفيدون لان هذا المنتدى له فضل بعد الله في نحافتى واعرف بنات ومجموعات اتمنى ان الله يجمعنى معهم اذامو بالدنيا بالاخره احبكم ياعالم حواء
للاخت فاتن وبس
طبعا الى تحب تسوي الاختبار تستفيدمن الرابط والى تبي معلومات اكثر انا حاولت انى اختصر لكم الرجيم بتجربتى والى حابه تسويه
باذن لله راح ينفعها وهذا من تجربه وراح اوافيكم بكل اكلى وخياراتى للاكل وراح اكتب رجيم قريبتى بنفس الى سوته بس بكره بحطه لانى تعبت من الكتابه ولازم بعد اكلمها عشان اجيبلكم التفاصيل للجسم التناسلي
اتمنى انه يعجبكم وتستفيدون لان هذا المنتدى له فضل بعد الله في نحافتى واعرف بنات ومجموعات اتمنى ان الله يجمعنى معهم اذامو بالدنيا بالاخره احبكم ياعالم حواء
الصفحة الأخيرة