مشكلتي

اتزوجت بعد تخرجي كأي بنت لكن زواااجي كان جدا سيئ اتعذبت فيه وحملت وانفصلت ..كل ذكرى بالنسبة لي كان سيئة ومريرة ..

بعد انفصالي ومعاناه بالمحاكم ..اتعرفت على شخص بصدق عوضني عن كل مافات حنون يعطف علي يسمع كل شي لمن اقول اي شي يضحك ويشوف اني انا دمي خفيف ماعمره احد قالي الكلام ده مااقدر اوصفلكم شعوري يعني اتخيلو موقفي قبل زواجي كنت حاطة جميع احلامي بالشخص الي حتزوجوا واتزوجت شخص سيئ ولا توجد اي صفة بيننا مشتركة او تفاهم اما الشخص هدا كان غييير لدرجة ماسرت احس بنفسي معاه .. حبيته من قلبي وهو كمان حبني بس المشكلة انه احنا غلط واحنا عارفين الشي ده والله عارفين وعارفين انه ماينفع نتزوج حاولت كم مرة اتركه بس ترجع علاقتنا اقوى واقوى لي سنة معاه صحيح كثير يتقدمولي بس مااقدر ارتبط باي شخص لاني اخاف اعيد تجربتي الفاشلة او امر فيها من جديد او اظلمه بسبب تعلقي بشخص اخر واخاف كمان على طفلي ماابغا افقده ..وكمان الفترة الاخيرة صار عندي اكتئاااب فضيع اكتئاب قوي وعصبية ومن اتفه شي اعصب منه مااقدر اتحمل اي سبب سرت احبس نفسي بالغرفة ولا اخرج منها اعصب على طفلي واضربه وبعد كدا اندممم اشد الندم اهملت نفسي وصحتي حاولت انتحر مرتين لكن بعدها تتبت واستغفرت زاد وزني عشر كيلو في 3 شهور مو عارفة من فين ابدأ حياتي احسها ملخبطة مع اني محافظة على اذكاري وصلواتي وحفظ القران اتمنى تنصحوني وتساعدوني كأخت لكم ولحد يتريق انا كنت كدا زمان استغرب من البنات الي يتعرفو على شباب او يهملو نفسهم بالطريقة دي