شفت الموت بعيوني

السلام عليكم ورحمة الله
انا بقولكم قصتي
انا متزوجه وعندي طفل عمره سنه تقريبا

وجايه زياره لاهلي صار لي اسبوع

وابوي الله يخليه الي قاعد يبني لامي فله>>>الله يهنيهم فيها

قال اليوم نبي نروح نشوفها >>>لانها جاهزه بس باقي ما فرشناها

وطرنا من الفرح نبي نروووح لبيتنا الجديد

ورحنا العائله كامله

نبي نشوي ونلعب ومبسوطين

ودخلنا البيت واحنا طايرين من الفرح

ماكنا ندري ان الموت ينتظرنا

وكان فيه اسنصير مركبينه جديد

وركبنا المصعد(الاسنصير)

واحنا 9 اشخاص من غير الشنط والاكياس

نطيت انا وقلت لابوي خلنا نطلع على دفعتين

قالي لالالالالالاهذا الاسنصير جديد ويشيلنا بالراااااااحه




تخيلو



سكر البااااااب


ولا عاد فتح

والاسنصير حجمه تقريبا متر X متر

واللي زاد الطين بله ان المروحه حقت التهويه وقفت ما صارت تشتغل


ومعنا تقريبا 5 جوالات ولا واحد فيه ارسااااال

وبدينا ننكتم لكن كل واحد مننا متصبر وما يبي يقول عشان ما يخوف الباقين وابوي ارتبك ربكه خوفتنا زياده


وعرقنا عرق لا يوصف

وولدي عنده ربو

وبدا يبكي ويصيح متواصل

وابوي الدمعه في عينه>>>وهذا كان اصعب شي

تحس انك فقدت الامل

وبدانا في الاستغفار والتشهد

كل العايله بدانا نسبح من العرق

ولدي اللي يشوفه يقول متروش

والمشكله انه محد قادر يتحرك من الزحمه

وهنا صارت العايله كلها تبكي من اكبرهم الى اصغرهم ماعدا انا وامي وابوي>>>>لكن كنا على الحافه شوي ونصيح


خلاص سلمنا الامر لله


المشكله ان البيت جديد ومهجور لم يسكن بعد

والباب مستحيل ينفتح

وولدي ابدا ما يتحمل يعرق بسرعه وينكتم


يعني بالعربي مستحيل احد يدري اننا هنا

انا هنا بدا شريط حياتي يدور قدام عيوني

وش سويت لاخرتي وصلاتي

حسيت اني ما قدمت في الدنيا ولا شي

فجاة لقى ابوي نقطه واحده ارسال

ودق على صاحبه
لكن صاحب ابوي كان نبيه ودق على الدفاع المدني مباشره

ودق ابوي على جارنا بعد وقاله عن مكان المفاتيح ومن ضمنها مفتاح الاسنصير

لان ابوي كان حاطها احتياط في سيارته وقاله يكسر قزازة الجيب ويطلعها


جارنا الله يستر عليه >>>بطيييييييئ جلس يدور مطرقه((ما ادري ليه ما كسرها بحجر او اي شي))

لما شفنا برووووود جارنا فقدنا الامل من جديد

تخيلوا وصل الدفاع المدني وهو للحين ما قدر يكسر قزازة السياره

المشكله ان ابوي قاله اننا خلاص اختنقنا

بس سبحان الله فيه ناس ما تعرف تتصرف في المواقف الصعبه:09:

والحمد لله ان الدفاع المدني قدر يطلعنا:icon28:

لكن انا عرفت ان الدنيا ما لها امان:44:

وانك ياانسااااان ضعييييف:angry:


مستحيل انكم راح تحسون بالموقف لانكم ما قيد جربتوا

بس ابيكم تسمعون اخوي الصغير(عمره 7 سنوات) وش قال لما طلع من الاسنصير وهو يبكي بكاء قوي جدا جدا:icon33::icon33::icon33:





>>ربي نجاني وانا ما صليت له:icon33::icon33::icon33:


لكن هذا كان تنبيه للكل

قال تعالى (لا يأمن مكر الله الا القوم الكافرون)

تحياتي للجميع