" إل جي " غسالة الأطباق الجديدة بالبخار بتقنية " TrueSteam"
السلام عليكم بنات اخباركم ياحلوين
اشتريت غسالة الصحون ال جي بالبخار الجديده بتقنية تروستيم
هذي صورتها بس انا ابيض
وبصراحه من شغلتها وانا ضايق صدري ماجابت النتيجه اللي اشوفها عندكم ولا اللي ترضيني
يعني احيان القى مانضفت وفيها مويه مانشفت
والعلبه اللي احط فيها الصابون لاخلصت وفتحت الغساله القاه مفتوح وفيه بقايا مكعب الصابون ماذاب كله
و مدري هذا عيب انه تنفتح العلبه ولاهو اصله ينفتح عادي !!! :(
ومدري هو فيها عيب انها ماتنضف ولاتجفف ولا انا ماعرفت لها زين
لان كتالوجها كله انجلش وحتى ازاريره كلها انجليزي وترجمت بس ماشفت احد مجرب نفس الموديل هذا وحاط تجربته بالنت ...ياربيه بس وش العله فيها ياناس علموني :09:
لي التصريف رفعناه قلنا يمكن ماتجفف بسبته لانه مو مرفوع بس ماشفت نتيجه مرضيه ماتجفف
مادري العله فيها ولا انا ماعرفت لها ولتشغيلها مضبوط ولا ماعرفت ارتب المواعين فيها صح !!! :22:
حتى المويه اللي موصلينها فيها مويه مفلتره يعني مويه حلوه مصفيه ماتحتاج ملح
الملمع والصابون المكعبات حطيتهم والقى الصابون ماذاب كله وفيه بقايا ببعض المواعين
وجربت البودره مالقى فيه بقايا
انا لسى لي يومين مشغلتها :09:
تكفون اللي يعرف شي عنها ولا عن ال جي بشكل عام يفيدني الله يفرج له
من الضيقه بعد مافرحت اني اشتريتها قلت يامن شرى له من حلاله عله :22:
وجت الحزينه تفرح مالقت لهاش مطرح :(
والله حلمت فيها من القهر هههههه لاني كنت ابي الفكه من المواعين ومن كابوسهم ماحبهم وباخر شي ماتضبط الفرحه والفكه منهم انواع القهر !!! :(
هذا اقتبسته من احد المواقع خبر عن نزولها عام 2011
وشلون ماغليك @oshlon_maghlyk_1
عضوة فعالة
اشتريت غسالة الصحون ال جي بالبخار بتقنية تروستيم بس !؟ تكفون ادخلوا
48
99K
يلزم عليك تسجيل الدخول أولًا لكتابة تعليق.
انا غسالتي ال جي موديل غير حقتك المهم كانت نفس المشكله الصابون ما يذوب كله فصرت ارميه تحت في الغساله ما احطه في المكان المخصص له واحس اني ارتحت لي سنتين على هالطريقه
يدويات
•
بالنسبة للتجفيف ناقصها الملمع او اضبطي درجته الين تجفف زين..
اما غطاء الصابون لازم ينفتح والا كيف بتنظف..
صابون المكعبات ابدا ماحبيته غيريه وجربي...
اما غطاء الصابون لازم ينفتح والا كيف بتنظف..
صابون المكعبات ابدا ماحبيته غيريه وجربي...
الصفحة الأخيرة
وحطي نص مكعب صابون كافي باذن الله والملمع ماتنسيه مهم
وحق الصابون بعدماتخلص غسيل اتوماتيكي يفتح
الله يسهل امرك