don :

زر حمام (بديل الحمام المحشى) بطاطا طويلة وتخينة - اجنحة فراخ (عدد 2 جناح لكل واحدة بطاطا ) - بصل - ذبدة - ملح - فلفل - جوزة الطيب - حبهان - بصلة مقطعه - ارز - ورق فويل الطريقة نقطع البطاطا بالطول من المنتصف ونقورها من الداخل ونعمل فى كل جنب تجويف صغير. نضع على الارز كل التوابل والبصل ونخلطة كويس . نحشى البطاطا بالارز كويس مكان ماقورناها. نضع جناحين فى التجويفين اللى عملناهم ثم نضع الجزء اللى فوق اللى قطعناه بالسكينة فى الاول كأنك بتغطى الارز ثم تضعى البطاطا المحشية كل واحدة فى ورقة فويل وتقفلى عليها كويس قوى قوى قوى . تغلى ماء على النار وتضعى فية ملح وبصل وحبهان ثم تضعى فية البطاطا المغلفة . نغطى الحلة لحد ما تستوى ثم نفك الورق الفويل عنها ونضعها فى صينية وعليها قطعه ذبدة وندخلها الفرن لحد ماتحمر وبالهنا والشفا ملحوظة : دى اكله بديله عن الحمام المحشى وبطعم الحمام يعنى احنا بنعمل البطاطا كأنها حمامة بالظبط وبنديها شكل الحمامة بالظبط كرنب بالليمون كرنب مقطع شرائح - شبت - بقدونس - كسبرة - نعناع - طماطم مبشورة- نص كيلو ارز بسمتى - ذبدة - بصل مبشور اجنحة فراخ - عصير 3 ليمونات نضع الذبدة فى حلة على النار وعليها البصلة المبشورة ونشوحها ثم نضع اجنحة الفراخ ونقلب نقلب ثم نضع معلقة كمون ونص معلقة فلفل اسود وونص معلقة جوزة الطيب وشطة وملح وونص معلقة قرفة ونقلب نقلب ثم نضع الطماطم تقليبتين تلاتة ثم نضع الكرنب ونقلب كله كله من فوق لتحت ثم نضع كبشة بملو ايدك الشبت وكبشة بملو ايدك البقدونس والنعناع وكبشة بملو ايدك الكسبرة الخضراء ونقلب كويس ثم نضع الارز ونقلب كله مع بعض ثم نضع الماء لحد ما الخليط يتغطى وبعد ما الماء يغلى . نضع عصير 3 ليمونات ونغطى لحد مايستوى عادى زى الارز ونغرفه وبالهنا والشفا ملحوظة: الكرنب طبعا اللى هو الملفوف طعمه فى منتهى الجمال هو هو نفس فكرة الكرنب المحشى بس بدل ما تفضلى تحشى دة بيستوى وبيديكى نفس طعم الكرنب المحشى واسهل من المحشى ومن باب التغيير

زر حمام (بديل الحمام المحشى) بطاطا طويلة وتخينة - اجنحة فراخ (عدد 2 جناح لكل واحدة بطاطا ) - بصل...

don :

ارز دمياطى نص كيلو ازر مصرى - ذيت - بصلة كبيرة محمره - 2 قرن فلفل حامى بدون تقطيغ- طماطماية متوسطة مقطعه مكعبات - بصلة متوسطة مقطعه شرائخ - فلفلة رومى مقطعة شرائح - ملح -توابل الطريقة نضع الزيت على النار ونضع البصلة ونشوحها لحد ماتحمر ثم نضع علية الارز ونقلب ثم نضع الماء ونضع الطمطاطم والفلفل الحامى سليم زى ماهو بدون تقطيع ونضع الفلفل الرومى شرائح زى ماهو ونضع البصل الشرائح زى ماهو والملح ونقلب كله ونستنى لحد الماء مايغلى و نعصر ليمونة ونضعها فى الماء زى ماهى بقشرها ونكمل سواه عادى وبالهنا والشفا السبانخ بالطحينة ½ كيلو سبانخ – طحينة – ثوم – ليمون الطريقة نخرط السبانخ ونسلقها وناخد شوية منها بس. نضع زيت فى المقلاية ونضع فيها شوية السبانخ مع الثوم ونقلبهم تقليبتين ثم نضع شوية كمون وملح ونكمل التشويح وبعدين نطفى. نضع على جزء السبانخ التانى الطحينة ونخلطهم ثم نضعهم على السبانخ المتشوحة ونقلب ثم نضع عصير ليمون ونقلب نقلب ونغرفها فى الطبق كشرى هندى ¼ كيلو عدس اصفر – ¼ كيلو ارز – معلقة كبيرة كمون صحيح – 3 معالق جوزهند مبشور -2 معلقة ذبدة – ملح – 2 معلقة كسيرة خضراء – 5 فصوص حبهان - معلقة جنزبيل – معلقة كركم – 2 ورقة لاورا- ربع معلقة قرنفل صغيرة الطريقة نضع فى الحلة 3 معالق زيت و2 معلقة كبيرة بصل مفروم لحد ما البصل يدبل ثم نضع كل المكونات ونقلب ثم نضع جوزهند و كسيرة خضراء ونقلب نقلب ثم نضع الارز والعدس مع بعض ونقلب كله كويس قوى ثم نضع الماء ونسويه زى الارز العادى وبالهنا والشفا مكرونة بالصلصة كيس مكرونة مسلوقة – طماطم مبشورة – معلقة هريس فلفل حار الطريقة نسلق المكرونة ¾ سوى . نضع معلقة ذبدة فى المقلاية لحد ماتسخن ثم نضع الصلصة ونقلب ثم نضع ملح وفلفل وشوية ماء صغيرين ونقلب تقليبتين ثم نضع المكرونة ونخلطهم مع بعض تقليبة واحدة ونغرفها وبالهنا والشفا الصلصة: نضرب الطماطم زى ما هى فى الخلاط ونضع عليها الهريسة وشوية ذيت

ارز دمياطى نص كيلو ازر مصرى - ذيت - بصلة كبيرة محمره - 2 قرن فلفل حامى بدون تقطيغ- طماطماية...

don :

ارز مشوى كوب ارز مسلوق – ربع كيلو جزر – ربع كيلو فاصوليا – ربع كيلو بسلة- ذرة – ذبدة فول سودانى الطريقة نضع الارز وعلية الخضار وذبدة الفول السودانى والملح ونخلط نخلط لحد ماتحسى ان كله بقى متجانس مع بعضه وندهن مقلاية بالذيت . ناخد قطعه من الخليط كأننا بنعمل كفته بالظبط ونعمله صوابع على عيدان خشب ونرش عليهم رشة دقيق صغيرة علشان يمسكوا نفسهم نضع فى الطاسة شوية ذيت صغيرين لحد ما يسخن. نضع الصوابع ونفضل نهز الطاسة لحد ماتستوى وتحمر وبالهنا والشفا مكرونة بالذبدة كيس مكرونة – معلقة ذبدة – فصين ثوم – بقدونس الطريقة نسلق المكرونة وتشطفها بالماء البارد ونصفيها من الماء. نفرم الثوم بالسكينة نضع الذبدة على النار ونضع الثوم لفة بس ثم نضع المكرونة ونقلب تقليبتين ثم نغرفها فى طبق التقديم ونضع على الوش بقدونس مفروم

ارز مشوى كوب ارز مسلوق – ربع كيلو جزر – ربع كيلو فاصوليا – ربع كيلو بسلة- ذرة – ذبدة فول سودانى...

don :

خضار على الطريقة التايلندية 200 ج كرنب – 200 ج فلفل ملون – 100 ج بصل – 150 ج جزر- 150 ج كوسة- ثوم مفروم – 2 معلقة صويا صوص – 2 معلقة لوبستر صوص- زيت زيتون الطريقة نقشر الخضار ونقطعه . نشوح البصلة فى الزيت ثم نضع الخضار والكرنب والصويا صوص والللوبستر صوص ونشوحهم كويس وبالهنا والشفا صينية الرقاق بالجبنة القريش كيلو رقاق طرى – 100 ج عين جمل – ½ كيلو جبنة قريش – كرات – سمنة - كسبرة خضراء – بيضة – شوربة الطريقة نضع على الجبنة القريش الكرات والكسبرة وعين الجمل (كلة مقطع صغير) واخلطهم كويس قوى. اقص الرقاق علشان يكون مقاس الصينية . اضع حوالى معلقتين سمنة فى الشوربة ثم اضع نص كمية الرقاق ورقة ورقة فى الشوربة واضعه فى الصينية ثم اضع كمية الجبنة القريش ثم اكمل باقى كمية اللرقاق بنفس الطريقة . اضرب البيضة واضعها على وش الصينية كويس وندخلها الفرن لحد الصينية ماتحمر وبالهنا والشفا

خضار على الطريقة التايلندية 200 ج كرنب – 200 ج فلفل ملون – 100 ج بصل – 150 ج جزر- 150 ج كوسة- ثوم...