اذا مو مرتاحه من القروب احذفيه 
وعيشي حياته مع زوجك وبناتك بما يرضي الله 
ارضي بنصيبك و حاولي تدوري لك وظيفه 
اما جالسه وتندبي حظك وتقارني وضعك مع اهل زوجك 
انتي الخسرانه أولا وأخيرا

رفع

بلا قروب بلا هم

والله مابهالقروبات الا وجع الراس

وخليك قوية وخصوصا مع مرة اخو زوجك .. قولي لها بعين قوية الشقة لنا وماراح نعطيكم اياها

وام زوجك قولي لها وضعنا بيتغير للافضل بحول الله وربي بيرزقنا وبيوسع علينا

واكشخي والبسي وحري الحريم واقهريهن

وبنفس الوقت دوري لك وظيفة لو براتب قليل تساعدكم شوي

اهم شي زوجك جمبك ويحبك لازم تتحمليه وتشجعيه هوا تعبان عشانكم ضاغط على نفسو عشان يسعدكم عليكي بالدعاء والاستغفار والله ييسر اموركم حبيبتي وماعليكي في الشماتين الايام دواره وثقي تماما محد حيموت الا لمن ياخذ كل رزقه

لو بقولك وش مريت فيه من هذي الناحية وكيف وقعنا في الديون بدون ما يكون لنا ذنب بتمسكين راسك
لكن الحمدلله اللي فرجها بعد فترة
كنا في افضل حال وفي اسبوع غرقنا في ديون مالنا فيها يد وجلسنا 10 سنوات نسددها
كان نفسيته تعبانه وانا اذكره بالله والابتلاء والله يخليه لنا وزي ما ابتلانا بيفرج عننا


مدام البدن معافى
وعيالي جنبي ومتعافين
وزوجي داخل وطالع علينا الله يخليه
وش نبي بفلان وعلان
وهذي قناعة تعلمتها من التجربة
وخلتني اقوى
ايضا
: علمت ان رزقي لن يأخذه غيري فأطمئن قلبي
حاولي تبعدين عن أي شي ممكن يسبب لك هذي الحالة
القروب اذا متعبك اطلعي منه وتعذري باي عذر مقبول : ماعندك وقت
مالك خلق واتس الفترة هذي
أي عذر
ودوري الايجابيات في حياتك
اهل زوجك اذا شفتيهم يتكلمون حاولي تشغلين نفسك
بجوالك - ببناتك
بسوالف جانبية وخليهم يتكلمون ماعليك منهم
انت اهم شي حياتك وبيتك
وتذكري ربي بيرزقكم بس للان ما جاء الوقت
سبحان الله الرزق والفلوس تجي بدون ما تدرين
يعني اخت زوجك او اخوه كانوا عارفين انهم بيتوظفون ؟
بعدين تذكري ان بعض الاحيان الرزق يذهب به الحسد والغيرة
ما اقول انك حسود لكن الشيطان جالس يلعب فيك عشان توصلين للحسد
تعوذي من الشيطان
وكلما فكرتي فيهم ادعي لهم بالبركة وان ربي يزيدهم ويبارك لهم وتذكري ان دعوتك لهم في ظهر الغيب لك مثلها
واذا حسيتي بقهر وألم طلعي صدقه عنك وعنهم وحطيها بمكان الين تطلعين من البيت
ترى الصدقة بركة
لو اقولك قصص عن الصدقة ما احصيها
نهايتها من تقريبا شهر وقت شدة البرد
جارتي عجوز تقولي ابي احد يرسل لسوريا فلوس يوم الثلوج وياعمري متقطع قلبها
وسالتها كم بترسل وساعدتها
ارسلت تقريبا اللي معها كله 1000 ريال
ماشاء الله بارك الله شفتها من كم يوم تقولي يابنتي اتاري الصدقة بركة
جاني بعد الالف من عيالي عشان المكرمة 3 اضعافها
ومن كان اصلا متوقع المكرمة ؟ او وقتها
حبيبتي تصدقي واستغفري وادعي لهم ولك وتعوذي من الشيطان ولو قدرتي تصلين اخر الليل
وتسالين الله من فضلة العظيم
او حتى في سجودك وقت الصلاة العادية
وانه يغنيكم من فضله عن من سواه ويبارك لكم في رزقكم مع سخرة زوجك وهدايته وصلاحه
واللهم ارزقني رزقا حلال طيبا مباركا فيه
صدقيني بتلاقين اولا : الراحة النفسية
وثانيا : الرزق وتخف عسرة حياتكم وشدتها