عطوني ولدها بسلم عليه

عطوني ولدها بسلم عليه

هالكلمه ماكانت عاديه عند غيري هالكلمه نزلت علي قلبي مثل السكين شقت قلبي
جا داخلي صراخ ودي اتكلم ودي اقول مو مني منك من اهلك
خواتك هم السبب لاتلومني
كانت كلمه(عطوني ولدها بسلم عليه)
لكن وصلني كل الكلام اللي مخبا وراها
ادرري وراها ليه كذا ادري وراها ليش تزوجتي وتركتيني
ماكنا متواعدين من حنا صغار
والحين تشيلين ولد رجال ثاني

هذي قصتي
من كنت صغيره وعمي يبيني لوده وولده يبني وكان وانا صغيره دايماً يقول انا بكبر وبتوضف وبتزوجك
علقت هالكلمات براسي وكان عمي يحبني ويبيني لوده
لكن!
الحريم وما ادراك مالحريم على العكس تماما كانو يكرهوني
غيرة فقط لاني بفضل ربي علي احسن منهم باشيا كثيره من فضل المولى سبحانه مو من فضلي
كانو معروفات في عايلتنا كيف ان زوجات عيالهم متعذبات ومبهذلات
فيه 5 زوجات لاخوانه الاكبر وكلهن اتفقن على انهم عايله ماتنطاق
المهم مرت الايام وكبرنا كل خواتي الاكبر مني تزوجن وبقيت انا
كتت صغيره19 سنه
بدا يطلع كلام وبدن خواته يجيبن لي كلام
فلان يقول مابي بنات عمي ابي من برا
فلان يقول ابي اخطب فلانه
صحيح كنت اتنرفز لكن اطنش لاني اعرفهن
لين جا ذاك اليوم اللي امه جالسه مع امي وقالت مادريتي فلان خطبت له
انجرحت تحطمت احلامي بكيت لكن تناسيت واعتبرت اني انا الغلطانه
انا بنيت احلامي على كلام طفوله
قررت انساه واعيش حياتي
بعدها جت امه لامي وقالت البنت اللي خطبها رفضته
بعد 6 شهور تقريبا تقدم لي واحد كل الصفات الزينه فيه بس ابدا مايقارن بابن عمي
شخص مقبول الشكل وضيفته متواضعه واهله ناس طيبين
على عكس ابن عمي وسيم وراتبه عالي واهله ناس كلهم شر

انخطبت ويعد الاستخاره وافقت ويوم ملكتي قبل يجون الناس
جائو ولد عمي ذا ومعه عماني ثنين وطلبو ابوي
ابوي كلمني وقالي هذا عمك فلان وعمك فلان ومهعم ولد عمك وانتي لك الحريه
طبعاً قلت لابوي لا مابيه قفل ابوي وقال لعماني خير خير
وهم راحو على اساس انه بيطرد الناس اللي جايين ابوي ملك لي واليوم الثاني عرفو وسكتو ماقالو شي
وانا رفضت ولد عمي
لاني ما اجي على دكة الاحتياط خطب وحده ويوم رفضته رجع لي!!!
المهم تزوجت وبعد زواجي ب4 شهورر بدات تطلع الحقيقه
طلع ولد عمي لاخطب ولاهم يحزنون ولا فكر يخطب وقدام حريم اخوانه يقول انا بعد (فلانه يقصدني مابي احد)
وهم اللي قالو لي
انا الحين صار لي3 سنوات متزوجه وصار عندي ولد
ونسيت الرجال على انه للحين ماتزوج
لكن امس في العيد جا يعايد
البيت مليااان اطفال عيال خواتي واخواني وعيال عماني صغار وكبار لكن
لما سلم على ابوي قال :
عطوني ولد فلانه بسلم عليه
جرحتني هالكلمه بكتني
ذكرتني باشيا كنت ناسيتها
حسيت الف كلمه وكلمه عتاب حسيت وراها صراخ رجال
كلمه عند الناس عاديه لكن انا وصلت اعماق قلبي
وجرحتني




مجرد فضفضه~~