صباح / مساء
الطيب والاجواء الجميلة
لكل الناس الرايقة اللي تقرا طريقتي
انا قبل رمضان نزلت تجربة لجهاز القيمات اللي نازل جديد بالمحلات وتقدرون تشوفونه على الرابط هنا. واتمنى تستفيدون من تجربتي
http://forum.hawaaworld.com/showthread.php?t=4201334&page=4
طيب فيه كثير طلبوا طريقة قيماتي بس وقتها ماكنت فاضية وكنت اعزل البيت. واليوم سويت القيمات وخذيتها معي الجمعه العائليه بمناسبة اول يوم رمضان ربي يعيده علينا اعوام عديدة بصحة وعافية الصراحة نسيت اصور القيمات تذكرت بعدين ولحقت على كم حبة وصورتها لكم ....
الحين نجي للطريقة. والمقادير.
2كوب دقيق
فنجان زيت ذرة
علبه زبادي الافضل واذا ماتوفر 3ملاعق حليب بس الزبادي افضل
ملعقة حلى خميرة فورية
ملعقة طعام بيكنج بودر
رشة ملح
كوب ماء
نجي للطريقة
نحط جميع المقادير مع بعض ماعاد الماء نصب بالتدريج ونعجن الين نحصل على عجينة اثقل من عجينة الكيك وترفعين الخليط وتضربينه وتكررين كم مرات الين تلاحظين اذا رفعتي المضرب ان العجين ينزل على شكل خيط غليظ ومتواصل ويتمطط معك من الضرب المهم لازم العجين غليظ لانه بعد مايرتاح العجين ويختمر راح يصير سائل اكثر فما ترطبينه من البداية تغطين العجين يرتاح ساعة ثم تحمين الزيت على نار وسط ثم تسوين تجربه حبة اذا نزلتيها وظلت بيضاء مع فقاعات بسيطة مافيها طرطشة راح تكون حرارة الزيت كويسة بس اذا حمرت بسرعة يعني النار عالية طفي عليها وخليها تهدى وبعدين ولعي على نار هادية ولقمي القيمات بيدك تكون عبيتي المقلي قيمات ومافيه ولاحبة حمرت يعني النار كويسة مو باردة عشان تحصلون على لون ذهبي موحد وقلبيها باستمرار تقريبا كل دفعه 5دقايق وحطيها بمصفاة ثم سوي الدفعة الثانية اذا قربت تستوي وبطلعينها. كبي القيمات اللي بالمصفاة في صينية واسعة فيها ورق عشان يمتص الزيت وحطي الدفعة الثانية بالمصفاة وكملي بنفس الطريقة. اهم شي لا تحطونهم فوق بعض عشان ماينتقل الزيت للحبات اللي بردت وايضا ماتخسرين القرمشة وبعد لا تغطينه وهي حارة خليها مكشوفه الين تبرد تماما عشان ماتروح القرمشة ورشيها بالشيرة على خفيف لاتغطسينها كثير بالشيرة حلاتها مقرمشة وسكرها خفيف والا تنسون الدعوة الحلوة والتقييم ياحلوات
قريبا طريقة المقلوبة الخاصة فيني
