جمانه دبلوماسيه
بصـــــــــــــــــــــــــــــــرآحه أشكر الكل وبدون أستثناء عالردود

وأختي محبه عنيزه عمر صديقتي 22 بأنتظآآآآآآآآآآآآآآآآآآآآآآر توجيهك !؟
جمانه دبلوماسيه
تكفون خوآتــــــــــــــــــــــــــــــي بخصوص أخر مسج وش أرد عليها!!!!!!!!!!!!!

محتآآآآآآآآآآآآآآآره أبي رد مناسب أو حتى أذا قابلتها وش أرد؟؟؟؟
جمانه دبلوماسيه
معقوووووووووووووووله وين الردود!!!!!!!!!!!!!!!!!!!
لاتموت الاماني

اهلين اختي جمانه : )

انا نادراً ماارد ع مواضيع كسل واعوذ بالله من الكسل *_*

لكن موضوعك لفت انتباهي لانه ذكرني بنفسي بفتره قريبه جداً

ونفس علاقتك مع صديقتك كانت تجمعني بقريبتي .. يعني كل اقاربي يعرفون بعلاقتنا اللي كان يضرب فيها المثل لحد ماصدمتني بحركه و بدت تتصرف تصرفات قريبه من تصرفات صديقتك ..

اول شي نقطه بقولها لك وحطيها قدام عيونك دائماً وابداً .. نفسك اولى من كل شي وقبل كل شي .. واقصد بكذا انك تحترمين نفسك ومن احترامك لنفسك انك ماتخلين اي احد يغلط عليك او يضايقك اياً كان .. انا بفتره من الفترات كنت اتجاوز دائماً عن اغلاط صديقتي واقول السنين اللي جمعتنا اكبر من اني اوقف ع هالموقف التافه قدام علاقتنا .. اتجاوز واتجاوز وكله ع حساب نفسيتي وبأحيان دراستي ومستقبلي .. وبالمقابل هي تتمادى لانها ضامنه انها مهما سوت بتقبل هالشي .. الامــا وصلت لمرحله تعبت من موقف ونزل وزني ونفسيتي كانت سيئه .. اسبوعين كامله بالجامعه كل من شافني اتخرع .. وهي اهتمت او مااهتمت مارح تعوضني اللي خسرته من صحتي ونفسيتي .. اخرتها خلاص بديت ادور على حل وادور الخلل بعلاقتنا .. و تصوري ان الخلل كان فيني .. اي نعم فيني .. انتي وانا وكلنا بيدنا نسمح للناس يغلطون علينا و يدخلون الحزن لقلوبنا وبيدنا نوقفهم عند حدهم !

حطي نقاط ببالك وامشي عليها .. كرامتك فوق كل شي .. ولاترددين الجمله الغلط ان الصداقه مافيها كرامه >> ترا ماضيعني الا هالشي

حبي كل الناس وكوني اجتماعيه تكسبين الكل .. حبي صديقتك بحدود ولاتوقفين حياتك وقراراتك علشانها لان مهما كان بينكم صدقيني مافي احد بالدنيا يستاهل .. وهذا مو تشاؤم لكن هذا تعويد لنفسك .. استقلي عشان بكره تصيرين ناجحه بحياتك وعملك وبيتك وكل مكان .. اذا الحين تعلقتي بصديقتك بكره بتتعلقين بزوجك بنفس هالطريقه وصدقيني بتخسرين واقري عن مواضيع البنات اللي تبين ان كل ماتعلقتي بالشخص وتسامحتي و اعطيتي ع حساب نفسك بالنهايه الا ماتجيك صفعه وتخسرين .. اذا نفسك اولا .. اذا قدرتي نفسك هي رح تبدا تنتبه ع تصرفاتها وتلتزم بحدودها

لاتخلينها تفرض عليك شي و لاتخلين اي احد بالدنيا يفرض عليك شي انتي مو مقتنعه فيه

انتي انسانه مستقله انولدتي وانخلقتي وبتعيشين وتتحاسبين وتموتي >> بعد عمر طويل >> وتلقين عملك لوحدك

اذا انتي مستقله لاتربطين حياتك باحد .. >> لاني اول كنت مثلك وكنت دائما احس اني انا وصديقتي روح بجسدين وكنت اعلق اموري معها واحس بالخيانه لو خبيت عنها سر وهذا غلط الصداقه شي والاستقلاليه شي ثاني

بخصوص موقفك يوم السبت .. اممم اترك لك القرار وانتي قرري الافضل حسب ماتشوفين بس اهم شي خليها تحس بتغيرك و تذكري كلامي واستقلي عنها بجد من جواتك
بتمرين بأوقات صعبه وبيعورك قلبك من مواقف بس النهايه واللي بتوصلين له يستاهل كل هالتعب : )

خلك قويه واستمدي قوتك من نفسك واذا طحتي لاتنتظرين احد يوقف جنبك ,,وخلك حقانيه لاتغلطين ع احد ولا احد يغلط عليك .,,

اتمنى اني افدتك يارب

وموفقه : )
جمانه دبلوماسيه
أختي لاتموت الأماني أشكرك على ذكر تجربتك وفعلا كلامك منطقي وفي محله شاااااااكره لك ولي جلسه على ردك وقصتك

بس حبيت أرد عليك وأشكرك بالأول..