االوصفة الاصلية واخداها عن امى الله يرحمها وباعملها على طول وبتطلع تحفة لكن المرة دى عملت عليها تعديل بسيط وطلعت ما شاء الله روعة واحلى
الطريقة والمقادير مع بعض


دوبت كيس خميرة مع ربع كوب حليب وم ك سكر وسيبتها تتفاعل
حطيت كوب قشطة وكوب وربع حليب ونصف كوب سمن ونصف كوب سكر كله على النار يدوب يسخن بسيط علشان السمن والقشطة يسيحوا والسكر يدوب وطفيت عليه وحطيت فانيليا
نخلت كيلو دقيق وحطيت ذرة ملح و م ص بودر و2م ك كريم شانتيه وعجنت كله مع بعض وحطيت شوية حليب كمان لحد ماتبقى عجينة بتلزق شوية فى الايد وعجنتها شوية لغاية ما سابت ايدى وسيبتها تخمر وعملتها كور وحطيتها فى الصينية وبططتها خفيف بايدى وسيبتها تريح شوية ومادهنتش وشها اى حاجة بس حطيت على شوية منها حبوب شوكولاتة وخبزتها وطلعت ماشاء الله حلوة اوى وممكن ناكلها كدة او نفتحها من النص بس مش للاخر ونحشيها بعسل او مربى او نوتيلا والله يابنات انا عملتها يوم السبت ولغاية النهاردة طرية وحلوة

وده بقى شغلى بيها النهاردة

عملت فكرة الفويل اللي قلتلكم عليها والحمد لله ناجحة جدااا

ده من تصوير موبايلي محدش يدق عشان جوزي كان لسة ماجاش

Swr117


Swr119


Swr120


Swr121

على فكرة يابنات انا عملتها بقشطة فلاحى وممكن بوش اللبن تبقى احلى
ولو مافيش قشطة نحط كوباية سمنة بدل نص ونحط علبة زبادى او نصف كوب لبن رايب

وده بقة لما جوزي جه يدوب لحقت أصور دوووووووووووووول


بواااااااااااقي

301120102127


صينية لجوزي


301120102128


وده بقى دهنتها صلصة ومش غحتجتها رحت خبزاها نص سوا وبردتها وخزنتها في الفريزر لوقت زنقة

301120102130

روعة يا ايمى
تسلم ايدك يا قمر الاكلير والكب كيك والتورتة كله يجنن
ربنا يطمننا عليكى ويقومك بالسلامة يارب
انت جبتى الماكينة من ماركاتو ولسة موجودة بالسعر دة ولا كان عرض وخلص