كوبونات الراقية تسجيل الدخول

(( ام ياسمينه ))

ابغى تصير ( كيكة بسبوسه ) حباتها منفوشه وهشه كأنها كيك ,اعطوني وصفات مضمونه 100 %يللا

اطباق عالم حواء •

السلام عليكم ورحمة الله وبركاته

بنات من الاخر :biggrin2:

عملت اكثر من طريقه للبسبوسه
اول مره جربتها طلعت زي الكيكه منفوشه وحباتها ناضجه و طريه جدا والله يابنات شبيه جدا بالكيك تذوب مره ولذيذه

لكن شكلي صكيت نفسي بعين :eek: :hahaha:
من بعدها ماعاد تزبط معايا والله نفس المقادير وجربت طرق ثانيه من النت لنفس الفكره بسبوسه منفوشه

مني عارفه ليش ماتزبط اعوذ بالله من الشيطان الرجيم

واكثر شي اعاني منه انها لما تكون بالفرن تنفش الاطراف
و تنخفس من الوسط وحباتها لسا قاسيه مع اني اخليها بالفرن 30 دقيقه وكمان سارت تصير شبه محروقه :eek:

متضايقه و بتجنن والله قربت افقد عقلي :hahaha:
سرت افكر ليل مع نهار حتى وانا نايمه واحلم فيها كأنها هم شايلته ليش سرت ما اعملها تمام
حتى الكنافه اعوذ بالله كنت ازبطها وشكلو انصكيت بعين قويه :eek:

أمانه ابغى طريقه ومقادير مضبوطه 100 % لأني ماحجلس اجرب كثير < مسكينه نفسيتها تعبت
وكم اخليها بالفرن من تحت اول بعدين من فوق ولا مع بعض ؟ بالفرن الكهربا وكم درجة الحراره اذا مع بعض فوق وتحت

انا احب استخدم صينيه وسط على صغير عشان تطلع زي الكيك كبيره :biggrin2: يلا انتظركم

واللي مو متأكده رجاء بس دعوه حلوه تكفي :biggrin2:

يلا الوقت قاعد يروح :time:

وشكرا لكل وحده تتعب وتكتبلي الوصفه المضمونه ربي يجزاها كل خير يارب
38
77K

يلزم عليك تسجيل الدخول أولًا لكتابة تعليق.

تسجيل دخول

(( ام ياسمينه ))
(( ام ياسمينه )) •
وينكم بنات ؟؟؟
انين الحرمان
انين الحرمان •
جربي هذي الطريقة انا طريقتي ثانية ماتعجبني بالبيض وتكون منفوشة لكن جربت الطريقة هذي طلعت تجنن وطعم البيض مو فيها وحلوة مره وتذوب في الفم طبعا نسختلك الطريقة من موقع اخر وجزاها الله خير صاحبتها
المقادير:

  • نص كوب دقيق
  • نص كوب سميد
  • نص كوب نارجيل(جوز الهند)
  • نص كوب زيت نباتي (دوار الشمس)
  • علبه قشطة تاج
  • نص ملعقة بكينج بودر
  • نص ملعقة فانيليا
  • بيضتين


الطريقة:
تخلط جميع المقادير مع بعض وتوضع في صينية بيركس مدهونة بالزيت وندخلها الفرن من تحت لمدة ربع ساعه على نار متوسطة وخمس دقائق من فوق او لمن تتحمر ونخرجها ونسقيها بالشيرة ونقطعها مربعات وناكلها بالعافية
امل دنياه
امل دنياه •
انا هذي طريقتي واحطها بالفرن نص ساعه تحت وبعدها اشغل النار من فوق
بيضتين
فانيلا
زبادي علبه وحده و2 ملعقة بكنق بودر
فنجان سكر وفنجان زيت
نفس علبة الزبادي سميد
ونفس علبة الزبادي حليب بودرة وفوقها شوي تقريبا 3 ملاعق كبار سميد
واخلطيهم وبصينية وبالفرن ونص ساعه ولا تفتحي عليها ولا ترا راح تهبط وحطي قطر عليها



طيب قولي لنا ع طريقتك ونشوف
كارميللو
كارميللو •
شوفي هذي الطريقة متأكدة راح تعجبك خفيفة وسهلة جدا ومتينة وهشة وكل شي لذيذ حلو فيها ومستحيل تزعلي تاني بإذن الله ومقاديرها مش مكلفة الحمد لله
بسبوسة بدون حوسة.. امشي على الخطوات
http://forum.hawaaworld.com/showthread.php?t=3161444
حبيت أساعدك لعلها تتيسر يارب واذا عندك اي سؤال إحنا حاضرين
قهوة الضيافة
قهوة الضيافة •
فوق