كوبونات الراقية تسجيل الدخول

تدري وش معنى وجودك

ريجيمي بالصور ،، اقلطوا حياكم ~

علاج السمنة والنحافة •



هلا بنات شخباركم


وزني 70.5

طولي 160

هدفي الـ 58 مبدئيا


يعني 12.5

ابي اسوي ريجيم وإن شاء الله راح ابتدي من بكرا بس ابي أسألكم آنه عندي ريجيم من دكتور عاطني إياه وكان يتابع حالتي كل اسبوع الريجيم حلو هالكلام كان من سنة طبعا ما التزمت وزني نزل لـ 62 ورجع يزيد بعد التخبيص الجدا عميق ..

وللأمانة ما اقدر احط لكم الريجيم لأنه بذمتي وما اادري اذا الدكتور يرضى انزله أو لا وهو خاص فيه ريجيم سبعة في شبعة ريجيم سبعة أسابيع كل اسبوع نظام للدكتور عماد صبحي هو يتابع الحالة من النت

طبعا لا تجي وحدة تقول لي دعاية بس عشان اوضح السبب اللي ما اقدر احط عشانه ريجيمي

بس بتابع معاكم بالصور إن شاء الكريم

بس اليوم شفت موضوع النظام الغذائي للرسول ( ص ) وما ادري حسيته دخل مخي وحسيته مفيد لا سيما إني ابي انظف جسمي بعد ..

تنصحوني بنات ابتدي احاول آكل مثل ما انذكر في النظام ؟؟ الفطور كاسة ماي مع عسل - سبع تمرات - الغذا خبز شعير مع ملعقة زيتون زيتون وخل .. العشا كسرة خبز شعير ..

______________________________________________________



نظامي راح يكون كالتالي سواء بهاي النظام أو بريجيمي


- النظام اللي راح اختاره ..
- ساعة مشي كل يوم ..
- لترين ماي تقريبا كل يوم أو ما يعادل 12 كوب ..
- شاي اخضر مرة وحدة في اليوم ..
- اذا اخترت ريجيمي فعلى الريق ملعقة زيتون + نص ليمونة + ملعقة عسل + نص كاس ماء ..
- كريم الزنجبيل للتنحيف وراح ادرج صورته بعدين ..
- الوزن كل اسبوع مرة ما عدا اسبوع الدورة الشهرية بفوته ما بوزن .. الا بعد ما اخلص منها



راح يكون موضوعي بالصور كل يوم في حدود مشكارتي الثلاث المسموحة ياريت الادارة ما تحذف الموضوع ابي شي يخليني احس احد متابعني فما اخربط بليز ..


اختار نظامي أو النظام اللي قريته اليوم ؟؟؟ عشان ابدأ بكرة بإذن الله ؟؟



0
3K

هذا الموضوع مغلق.

خليك أول من تشارك برأيها   💁🏻‍♀️