تزوج علي وطلقني... وشلون اقدر انساه :(

السلام عليكم

اخواتي انا داخلة هنا وابي نصيحتكم

فلا تبخلون علي فيها

انا تطلقت وعندي عيال وابوهم قبل مايطلقني هجرني وتزوج علي وبعدين طلقني

اللي قاهرني اني ساعات اجلس افكر فيه

على كثر المشاكل والضرب والهجر اللي شفته منه بس قلبي يحن له

والله ساعات احس نفسي مو طبيعية معقولة انا ضعيفة لهالدرجة انسان باعني ولسى ابيه

وشلوووون اقدر انساه تعبت وعجزت

الحمدالله انا مرتاحة في بيت اهلي بعكس لما كنت عنده

بس كل ماطرى على بالي احس قلبي يوجعني واحس بحرقه فيه

واذا قعدت لوحدي اجلس افكر فيه واتخيله مع زوجته الثانية واحس بالقهر واقعد اصيح

استغفر الله ياااااربي

انا الحمدالله انسانة اخاف ربي ومحافظة على فروضي

بس لييييييش ماني قادرة انساه او اكرهه؟

واللي يعذبني اكثر لما يجون عيالي من عنده اشم فيهم ريحة عطره ويقولون بابا حط لنا العطر

عاد وقتها الشيطان يلعب براسي واقول وش قصده ويروح بالي لبعيد بس ارجع اتعوذ من ابليس

بناااات تكفون ابي انساه وشلون

والله عجزت

اكتبلكم والدموع في عيني

انسان تزوجته وانا صغيرة وعشت معاه حياة فيها الحلو والمر وفيها الذكريات الحلوة وفيها المشاكل والزعل والتسامح وعندي عيال منه وشلون ما اذكره؟؟؟؟!!!!!

واللي قاهرني اكثر اني ما اتذكر معاه إلا الايام الحلوة والذكريات الجميلة اللي معاه؟!

دلوووووني كيف انساه
مشكلتي اني انسانة عاطفية بزيادة وهذا اللي ذابحني

هل فيه دعاء ادعي فيه ان الله ينسيني اياه او اي طريقة تخليني انساه؟!!

انتظركم لاتخلوني