فضفضة من القلب....ادعولي

تأخر الحمل

السلام عليكم ورحمة الله وبركاته

انا اخت لكم بالمنتدى من سنين ودايما ادخل هالقسم واحس بكل وحده تحكي معاناتها
وادعي لكل وحده ان ربي يفرحها ويقر عينها بشوفة ضناها
وافرح من قلبي اذا شفت وحده حملت وتدمع عيوني من فرحتي لها وربي يشهد

انا متزوجة من فتره طويله اول ماتزوجت حملت بالمنشطات وكان حمل خارج الرحم
بس الحمدلله لم اتعرض لاستئصال الانبوب لانه كان الحمل في أوله ولم يكبر

بعدها جلست فتره كم سنه بدون حمل ماخليت اي ممرخه الا رحت لها وكلهم نفس الكلام الرحم نازل
بعد كذا حملت طبيعي بس نزل بشهر ونص بدون اي اسباب

وجلست بعدها من ممرخه لممرخه وكلهم رحمك نازل ويسوون لي تمريخ وتقول خلاص كل شي تمام رفعت لك الرحم

اجلس شهر شهرين والدورة تجي ومافي حمل ارجع اروح عند الممرخه تقول رحمك نزل

تعبت من هالموال ماادري اصدقهم ولا لا
لان الدكتور يقول الرحم تمام وفي مكانه الطبيعي

قلت اجرب التلقيح الصناعي وسويت وربي ماكتب لي الحمل حتى الدورة ماخلتني اتأمل لموعد التحليل نزلت قبل التحليل بيوم وانا اخذ دوفاستون كل 12 ساعه حبه
الحمدلله ع كل حال

عند الطب انا سليمه وزوجي سليم

ودي اترك كل شي وارضى بقدري
ودي ربي يرضيني واشيل فكرة الحمل واعيش حياتي


حلمت صديقتي فيني حلم وفسرته عند مفسرين وكلهم نفس الكلام ارقي نفسك وتحصني بالاذكار

واستمريت عالرقيه شهر تقريبا قبل التلقيح الصناعي وفي فترة العلاج بس ربي ماكتب


يارب لك الحمد حتى ترضى ولك الحمد اذا رضيت ولك الحمد بعد الرضا

اكيد ان فيه خير لي هالتأخير .........وادعي ربي انه يعطيني الرضا

اعذروني احس كلامي مو مرتب بس فيه شي داخلي معذبني كان ودي اتكلم وافضفض لاي احد


الله لايحرمكم الذريه الصالحه اللي تفرح قلوبكم

دعواتكم
22
2K

يلزم عليك تسجيل الدخول أولًا لكتابة تعليق.

تسجيل دخول

طهر السماء
طهر السماء
الله يرزقك الذرية الصالحة انصحك بمشاهدة هذا الرابط

Rooro2
Rooro2
الله يرزقك ويحقق مناك ويرزقني ويرزق كل محرومه
❀أكليل الورد❀
❀أكليل الورد❀
الله يرزقك ويرزقني يارب
حبيبة ميدوي
حبيبة ميدوي
جزاك الله خير اختي طهر السما

وامين اختي روورو واكليل الورد الله يسمع منكم


تم الإرسال بواسطة iPhone بإستخدام منتدى عالم حواء
yasmona
yasmona
أسأل الله العظيم رب العرش الكريم أن يرزقك من حيث لا تحتسبي
ويرزقني وكل من تتمنى الذرية