ولدت وفرحتي بولدي ناقصه

اخواتي انا ولدت بعمليه قيصريه وتعبت في ولادتي والحمدلله رحت ابشوف ولدي كان في العنايه بسبب نقص الماء عنه وضعف نبضه وكانت الصدمه الي هزتني قالي الدكتور ولدك مشتبه فيه انه متلازم الداون ملامحه وفي احد كفوفه خط واحد قلت له ان ملامحه عاديه يشبه اخوه حتى ابوه اول ماشافه قال يشبه اخوه قال احنا راح نسوي تحليل الكرازيوم ونشوف اذا كان عنده متلازم الداون او سليم اليوم الثاني رحت الولدي كانوا مطلعينه للحضانه تحت قابلت الدكتور الي عنده سالته عنه قالي انه شكله من متلازم الداون او انه يشبه لاحد منكم انتي او ابوه او احد من اخوانه قلت له نفس كلامي للدكتور الي قبل انه يشبه اخوه قالي ممكن بعدين علق على الكف انها به خط واحد وهذا يوجد عند متلازام الداون و15 بالميه يوجد عند اطفال طبيعيين خط واحد وقالي 50 بالميه يكون عنده متلازم الداون و50 بالميه يكون سليم وراح نسوي له تحاليل ونرسلها خارج المملكه والنتايج تبين تكفووووووووون خواتي ادعوا الولدي ان النتايج تطلع سليمه وانه يكون سليم اقسم بالله اني منهاره نفسيا وجسديا تخيلوا حملت به بعد ثلاث اجهاضات وفرحتي به ماتمت صدمتي تدك اجبال تعب العمليه مع كلام الدكتور هزت كياني طلبتكم تدعون له واذا تعرفون احد مستجاب الدعوه اطلبوا منه يدعوا لولدي انه يطلع سليم تكفوووون لجاءت لكم بعد الله والله اني اكتب لكم وانا بالمستشفى ثقتي بالله كبيره وان الدعاء يغير القدر تكفووون ابي يجي اليوم الي ابشركم فيه بطلوع النتايج وانه حبيبي سليم وتكمل فرحتي الحين ساعة استجابه لعل منكن من رفعت يدها واستجاب الله لها ودعوة المسلم لاخيه بظهر الغيب مستجابه اللهم ارحم ضعفي وقلة حيلتي ولا تشمت بي الاعداء اسال الله يسهل على كل وحده حامل ولادتها وان يقر عينها بشوفة جنينها سليم معافا من جميع الامراض والتشوهات والعاهات